114
Amisy Po anainame raroron
1 Arono kawasae Israel wuje no munijo Mesir,
arono Yakop apa ajavi wo munijo maran rapaya ntami,
2 kopa Yehuda Amisy Po varoro we ratayao terave indamu ndandinit Wepi tuna rai,
munijo Israel ratayao terave indamu Wepi be akari titive rai.
3 Mayano Kolsum[a] mo Amisy aen weti mansop,
mana akoe Yordan njame nto kakai.
4 Unate mainy nsasopati maisyare kambine we,
papukame mpapiraki maisyare domba tuvan.
5 Inya, mayano Kolsum, animaisye mi mbeti winyansop,
muno mana akoe Yordan njame nto kakai?
6 Inya, unate mainy, veanimaibe weasasopati maisyare kambine we,
muno inya, papukame weap, wapapiraki maisyare domba tuvano we?
7 Inya, munije tenam, ntutar no Akoe Amun,
nai Amisy Yakop beaje Ai Amun.
8 Wepi Po unato oram ranigwan weti mbe mana warove,