3 Anakero raugaje syeno titi ai no taiso: po vatane awa anakotaro wo raugavere raunanto Amisye ai, muno po maere rameseo Amisye ai mansamarom tavon. Wama Syeno Titi Yesus po ana inta raunande Amisye ai tavon.[a] 4 Arono Yesus no no mine vone so rai, Opamo awaino syene jewen, weye syeno Lewi una to, onawamo wo maere rameseo Amisye ai mamaisyo Ananyao Musa rai. 5 Syeno Lewi umaso awa anakero wo raijare mamo maisyare raname vayave ma, mbe rarorombe anakotaro no no munijo ntiti rai. Weye wasaemen arono Amisye po Musa atutir po randumo sambaya ranari, po raura aje ai taiso: “Inya! Winyo ranari mamaisyo Syo rarorono nai no unate rai ramai dave.”[b] 6 Weramu anakero raugaje Yesus ai mamo ama kove ntiti rave, weti mamaisyo anakero syeno Lewi awa rai jewen. Weye urairijo wanyino Yesus po raokaisy omirati ngko dave mije, mo urairijo wusyino Musa po raugave rakivan. Weye urairijo wanyine mo kovo manakoe raugav, yara urairijo wusyine ama kove mamaun.
7 Ranivara urairijo manasyine mamo mamai dave to ratire, weamo urairijo wanyine[c] mamo nde akato ramu. Weramu urairijo manasyine mamo mamai kobe rainy. 8 Muno Amisye po ayao kakai raen no Apa kawasae mansai, weti Po raura pare:
13 Soamo Amisye po urairijo wanyine raura, weye pare urairijo manasyine mbe wusyimbe to. Weti urairijo manasyine rapaya ra ntami.
<- IBRANI 7IBRANI 9 ->- a Yesus apa ana po raunande Amisye ai mi som: Po taune anasine raunande indamu kakai (7:27).
- b Keluaran 25:40
- c Ayao Yunani no naiso mo ratoe mare, “urairijo jirume.” Urairijo jirume mamaisyo urairijo wanyine rai, wemi Yesus po raugav. Yara urairijo manasyine mamo Ananyao Musa, wemi raugaje wusyimbe.
- d Yeremia 31:31-34