LUKA 3

KHUBUKULU YI KISALU KI YESU

Yowani Mbotiki, mvuala wu Nzambi

(Matayi 3.1-10 ; Malako 1.1-6)

1 Mu mvu wu kumi wu ntnu wu lubialu lu ntinu Tibeli Sezari, Ponse Pilatu niandi wuba nyadi mu Yuda, Elode Tetalake wubiadila mu Ngalili, khombꞌandi Filipi mu Itule ayi mu Talakonite, Lisaniasi wubiadila mu Abileni. 2 Ana ayi Kayife baba bapfumu zi zinganga Nzambi.

Mu mvu beni mambu ma Nzambi mayiza kuidi Yowani muana Zakali, bu kaba mu dikanga. 3 Yowani wudiengila tsi yoso yiba mu yenda Yolidani ayi wuba kuenda longingi : “Bila lubotama mu monisa ti lubaludi mavanga, buna Nzambi wela lemvukila masumu meno.” 4 Banga bu busonimina mu nkanda wu mbikudi Ezayi :

Mbembo yi mutu wulembu yamikina mu dikanga :

Lukubika nzila yi Pfumu

Luludika minsolo miandi

5 Mindimba mioso miela sesolo,

Miongo mioso ayi zimbata zioso zimiongo ziela lendumunu

zinzila zi zikhondo ziela lulama

minsolo mi mabadi miela fuanusu.

6 Ayi batu boso bela mona phulusu yi Nzambi.

7 Yowani wuba kambanga batu bobo baba kuizanga mu botama kuidi niandi ti :

—Bana ba bikusa ! Nani wululubudi mu tina nganzi yoyi yeka kuiza ? 8 Monisanu mavanga mamboti momo mafueni kuidi batu bobo babalula mavanga. Lubika banza bu lulembu yindulanga mu mintima mieno ti : “Beto dise dieto Abalahami !” Bila bukiedika ndikulukamba ti Nzambi wulenda totula bana ba Abalahami mu mataid mama[a].

9 Lukeba : soka kikubimini mu zenga mianzi mi minti. Woso nti wunkambu buta mu zenga mianzi mi minti. Woso nti wunkambu buta makundimamboti wela kuangu ayi wela viku ku mbazu.

10 Buna nkangu wu batu wunyuvula :

—Buna mbi tufueti vanga e ?

11 Wuba vutudila :

—Woso mutu widi bikhutu biodi, bika kavana kimosi kuidi mutu wowo kambulu. Woso mutu widi bidia bika kavanga bobuawu.

12 Ayi mimfutisi mi ziphaku miyiza botama kuidi Yowani, minyuvula :

—Nlongi, mbi tuvanga e ?

13 Buna wuba vutudila :

—Lubika buelanga thalu va mbata thalu yoyo yizengo.

14 Masodi mamvawu manyuvula :

—Buna beto, mbi tuvanga e ? Buna niandi wuba vutudila :

—Lubika zionanga bima bingana ; lubika fundanga batu mu mambu ma luvunu. Lutadidilanga kaka mfutu eno.

(Matayi 3.11-12 ; Malako 1.7-8 ; Yowani 1.19-28)

15 Batu boso bata diana di ngolo bila babanzila ti Yowani niandi Klisto.

16 Yowani wuba vutudila bawu boso ti :

—Minu mu nlangu ndilembu lubotikila. Vayi mutu wowo wulembu yizi wundutidi mu lulendo ; ndisi fuana ko u zibula minsinga mi zisapatu ziandi. Niandi wela kulubotikila mu Pheve Yinlongo ayi mu mbazu. 17 Ayi simbidi mbangu mu mioko miansi ; niandi wela kombula buangu kioki kela vevila. Wela lunda ble[b] ku yilu banga vayi wela yoka biti ku mbazu yi kayilendi zima ko.

18 Yowani bu kaba vananga zithumunu ziwombo kuidi batu, buna wuba kubalonganga Nsamu Wumbote.

(Matayi 14.3-4 ; Malako 6.17-18)

19 Vayi Yowani wuba tubidilanga buwombo nyadi[c] Elode mu diambu di kakuela Elodiasi, nketo wu khombꞌandi ayi mu diambu di kavanga mavanga mawombo mankakamambimbi. 20 Elode wubuela diaka yika bila kiaki va yilu mambimbi mandi moso : wukotisa Yowani mu nloko.

Yesu wubotama

(Matayi 3.13-17 ; Malako 1.9-11)

21 Batu boso bu bamana botama, Yesu mamvandi wubotama. Bu kaba sambila, diyilu dizibuka 22 ayi Pheve Yinlongo yi nkitila banga dibembi. Kuna kuwakana mbembo yimosi yitotukila ku diyilu, yikamba ti :

—Ngeyo widi Muanꞌama wu luzolo ; khini yiwombo wukumbonisanga.

Khikulu ki Yesu

(Matayi 1.1-17)

23 Yesu buna weka nduka-nduka makumatatu ma mimvu bu katona kisalu kiandi. Batu babanzila ti niandi muana Zefu wu Heli : 24 wu Mata, wu Levi, wu Maliki, wu Yanayi, wu Zefu 25 wu Matatiasi, wu Amosi, wu Nahumi, wu Esili, wu Nangayi. 26 Wu Mati, wu Matatiasi, wu Simeyini, wu Yose, wu Yoda. 27 Wu Yowanani, wu Leza, wu Zolobabeli, wu Salatieli, wu Neli 28 wu Meleki, wu Adi, wu Kosami, wu Elimadami, wu El. 29 Wu Yesu, wu Eliezeli, wu Yolimi, wu Mata, wu Levi 30 wu Simewoni, wu Yuda, wu Zozefi, wu Yonami, wu Eliakimi. 31 Wu Meleya, wu Mena, wu Matata, wu Natani, Wu Davidi. 32 Wu Isayi, wu Obedi, wu Vowazi, wu Salimoni, wu Nasoni 33 wu Aminadabi, wu Adimini, wu Alini, wu Esiloni, wu Pelesi, wu Yuda, 34 wu Yakobi, wu Isaki, wu Abalahami, wu tela, wu Nawoli. 35 Wu Selungi, wu Lewu, wu Faleki, wu Hebeli, wu Sala 36 wu Kayinani, wu Alifazadi, wu Semi, wu Nowa, Wu Lemeki. 37 Wu Matusalemi, wu Enoki, wu Yeledi, wu Maleleli, wu Kenami, 38 wu Enosi, wu Seti, wu Adami, niandi veka wuba muana wu Nzambi.

<- LUKA 2 LUKA 4 ->