LUKA 21

Difuola divana makaba

(Malako 12.41-44)

1 Bu katala, buna wumona bamvuama batula makaba mawu mu bipani. 2 Buna wumona diaka nsukami wu difuola wuyiza tibula bisengo biodi bi zimbongo. 3 Buna wutuba :

—Bukiedika ndikulukamba nsukami wu difuola diadi niandi lutidi vana viokila batu boso bankaka. 4 Bila batu boso baba batambikidi bitsiadisila. Vayi difuola diadi diveni zizioso zibedi yandi mu zingila.

Yesu wuyolukila ziphasi ziela buila Yelusalemi

(Matayi 24.1-8 ; Malako 13.1-8)

5 Sumbu bankaka bayolukila nzo Nzambi bu batuba ti yawu yitungulu mu matadi ma kitoko ayi mu bima bitambuku banga makaba 6 buna Yesu wuba kamba :

—Mu diambu di bima biobi lulembo tadi, bilumbu biela kuiza, biobi biela ba ti ; kadi ditadi dimosi diela siala va mbata ditadidinkaka ko dinkambutiolumuka.

7 Buna bawu banyuvula :

—A nlongi, thangu mbi mambu beni mela vangiminina ayi mu bidimbu mbi bela zabila ti mambu momo mafueti vangama e ?

8 Yesu wuba vutudila :

—Lulubuka tala luedi vukumunu bila bawombo bela kuizila mu dizinadiama, bela tuba ti : “Minu kuandi” ayi “thangu yifikimini”. Buna kadi ku balandakana ! 9 Mu thangu luela wa zimvita ayi zikhindu buna lubika ba mona tsisibila mambu moso momo mafueti tuama ba. Vayi kadi sia ti buna tsukusunuyi ntoto yeka nduka.

10 Buna wubuela diaka :

—Luela mona tsi yela nuanisa tsi yinkaka ; kipfumu kiela nuanisa kipfumu kinaka. 11 Kuela ba zindikunu zinneni zi ntoto mu bibuangu biwombo ; kuela ba bikanda ayi minsongo ; kuela ba mambu ma tsisi ayi bidimbu bitsisi bi diyilu.

(Matayi 10.17-22 ; Malako 13.9-13)

12 —Vayi tuamina mambu moso momo, bela tuama ku lubuila bela kuluyamisa, bela ku lunata mu zinzo zi zikhutukunu ; bela ku lukotisa mu nloko. Bela ku lunata va ntuala mintinu ayi minyadi mu diambudi dizina diama. 13 Mambu momo mela lukuizila mu diambu ma luvana diluakudi kuthelimina kimbangi.

14 Bika lusudika mu mintima mieno ti : lubika ba mayindu mu diambu mambu luela vutula mu kukikakila. 15 Bila minu ndiela luvana munu wutubila ayi diela ayi bambeni beno zilendi baka bu nuanisina ko ayi bu sudikila ko. 16 Zimbuta beno, bakhomba zieno, bibutu bieno ayi bakundi beno bela ku luyekula ayi bela vondisa bankaka mu beno. 17 Batu boso bela ku lulenda mu diambu di dizina diama. 18 Vayi kadi lusuki lumosi lu mintu mieno lulendi zimbala ko. 19 Lukindama buna luela tambula luvulusu.

(Matayi 24.15-25 ; Malako 13.14-19)

20 —Bu luela mona masodi mazungididi Yelusalemi buna luzaba ti dieka nduka bungu. 21 Buna bika batu bobo badi mu Yuda batinina ku miongo. Bika bobo badi mu Yelusalemi baba tomba butinina. Bika bobo badi mu zitsola babika buela kota ku divula ! 22 Bukiedika bilumbu bina biela ba bilumbu bi vutudila landi muingi mambu moso masonama madedakana.

23 Vayi mabienga kuidi baketo bobo badi mu buemba ayi kuidi bobo bela yemika mu bilumbu bina. Bila ziphasi zingolo ziela ba mu tsi ayi nganzi yingolo yela fuemunu batu baba. 24 Batu beni bela vondulu mu mbedi voti bela natu mu kivika mu zitsizioso ayi bapakanu bela diatila Yelusalemi nate thangu yi fuana.

Ndizulu yi Muana Mutu

(Matayi 24.29-35 ; Malako 13.24-31)

25 —Bidimbu bi tsisi biela monika mu thangu, mu ngonda ayi mu zimbuetete. Va ntoto, batu bela mona tsisi yingolo mu diambu di biyoko bi mbuayi bi mayo mandi. 26 Batu bela fuila mu tsisi mudiambu di boma bu mambu mela bua va ntotowumvimba bila lulendo lu diyilu luela nikunu. 27 Buna bela mona Muana Mutu wela kuizila mu matuti mu lulendo ayi mu nkembo wunneni.

28 Mambu mama bu mela tona buna luvumbuka ayi luba vumbula mintu mienobila buna khudulu eno yifikimini.

29 Wubuela tuba diaka nongo yayi :

—Lutala nti wu figi ayi minti mioso. 30 Muthangu mieti tona mena buna beno veka, mu ku mitala, luzebi ti thangu yi luanga[a] yifikimini. 31 Bobuawu, beno mamveno buna luela mona ti mambu momo mavangiminibuna luzaba ti kipfumu ki Nzambi kifikimini. 32 Bukiedika ndikulukamba ti tsungi yayi yilendi vioka ko tuaminamambu moso mama mavangama. 33 Diyilu ayi ntoto biela vioka vayi mambu mama malendi vioka ko.

34 Lukikeba beno veka mu diambu di mintima mieno mibika ba zitumu diambudi phulu yi dia ayi yi kolo malavu ; ayi mu diambu di mayinduma luzingu lualu muingi lumbu kina kibika lukuizila mu kinzimbukila. 35 Bila kiela kuizila banga dikondi dibuididi batu boso bamvuandanga va ntoto. 36 Luzibula meso ayi lusambila mu zithangu zioso mu diambu luba monikabatubafuana mu tina mambu moso mama mafueti kuiza ayi mu diambu lubakabu telumina va ntuala Muana Mutu.

37 Mu muini Yesu wuba longanga mu nzo Nzambi. Wuba totukanga kadika builu ayi wuba vuandanga ku mongo wu minti mi olive. 38 Muna nsuka-nsuka batu boso baba kuizanga ku nzo Nzambi mu diambu banwa.

<- LUKA 20 LUKA 22 ->