1 Rirya̱ticheñuma jiryatiy sacadnavay jiryetyenu jijye̱ vaturu̱jsa̱. ¡Ne vinu munu̱ñuveda vicha darya! 2 ¿Jiryevyidye ji̱ta ju̱nnuva̱y rivayu? ¿Nu̱tyuramusimyu̱ ne jiryi̱na̱y rivasiy, nu̱tyuramusiy? jirya̱tidye jatya jiryequebyimusiñi̱ ni̱tiy jvaarya darya. 3 Ray ji̱ta, dañumamu̱y ne rañi̱cha jiryisa̱, ri̱ntuta radyetya nicyara̱rya sivaayada, ni̱tiy jvaarya darya. 4-5 Vu̱yntyityu̱ Jesús jtyamu ri̱tay, varityi jiryi̱ntye̱ryaniy ri̱ntutayu, Vu̱yntyityu̱ Jesucrístu datya̱data jarye, vurya̱sa̱y Satanásimyu ni̱ darya vichara vanu, Vu̱yntyityu̱ Jesús datya̱data, sa̱tidye paruta Satanásirya sadirya jvaayadacanuyada, sa̱tidye ramityaniy Crístuni̱ su̱ntu, Vu̱yntyityu̱ Jesús rundamu, varityi sa̱murichenutaniryi nijya̱nvay rijyuuchuveda murichirya.

6 Ne samirya jirya̱jchana̱tyayu. Ne jiryi̱nu̱y racasi ti̱ta̱ju̱ buya̱di pasidye varapumusiy (daryaday ra̱jarupanu nicyara̱y jvaayada ti̱quinchiryi ti̱ta̱ju̱ Ju̱denu siityari̱vajyuu.) 7 Jirya̱pu̱y yivasirya jidyirya jachipiya̱jada, jirya̱tidye vichasara vadi jnu̱yadamu, jirya̱numatiy pi̱ru̱y vadiramusiy Ju̱denu Jnutumu; tapi rimyudodani̱ Crístu vuryeyada rá̱ñuju̱. 8 Ramuni̱ vurya̱jchana̱ñumaya̱, ne vu̱dyirya jachipiya̱jadata jiryatiy nicyara̱y jvaayadamuju̱ darya. Vurya̱jchana̱y nu̱tyu vu̱vyichasara vichtyamu, Ju̱denu Jnutu jachipiya̱jadata, jiryatiy si̱tenu samirya vicha̱damuju̱ darya.

9 Ratarya cateramu ratyu̱chuti jiryiva: ne vurya̱ji̱tye̱ryanichara rusa̱ cadnatuveda vu̱y. 10 Ne ri̱tatyi riñijyu̱ jiryatimyu̱ ne Ju̱denu siityari̱vadyeryi. Netimyu̱ ne vuryintye̱ryaniy rusa̱ davye cadnatuveda vu̱y, dantyamu̱y ne tavay barya ni̱ru̱yadacanumiy jsa̱, paranu̱nuvay jsa̱ jarye, jiiputera jvachi̱nijyu̱ jachipiya̱vay jsa̱ jaryentiy, vu̱ryi ma̱sesiy jirya mucadivasiy variy. 11 Ri̱tatyi ji̱ta riñijyu̱ Ju̱denu siityari̱vay, rityi vuryi̱tay vu̱tyeryi̱veda, ni̱tiy vichasara cadnatu, varimyata jaryi tarati̱ vicharu̱ñu, varimyata jiiputera jvachi̱nijyu̱ jachipiya̱ra, varimyata javityiye̱rya, varimyata niyu̱yadacanu, varimyata paranu̱ni̱. Ne vurya̱ji̱tye̱ryaniy sisa̱ vu̱y, ne vinu vurye̱jmyi sisa̱. 12-13 Ne vu̱jyu̱ darya rityanuvu̱nutanicha̱da day, jiryatimyu̱ ne Ju̱denu siityari̱vadyeryi. Ju̱denu ji̱ta ra̱tanuvu̱nutanidyeryi. Vu̱jyu̱ ji̱ta ra̱cha Ju̱denu siityari̱vay tanuvu̱nutanicha̱da day, rityimyu̱ ne rupi samiy sanú̱va. ¡Jirya̱ma̱ jatya jiryequebyimusiy variñi̱ nicyara̱y jvaañu!

<- 1 Coríntyu 41 Coríntyu 6 ->