Matyu
1
Nio Antuol Manmakn Nkan Jisas Kraisel
1 Sank keielel ka apulp nti manmakn Jisas Kraisel. Jisas ka entieyarkup nkan Devitel, aser Devit ka entieyarkup nkan Abrahamel.
2 Abraham ka ra Aisak.
Aisak ka ra Jekop.
Jekop ka ra Juda antemp nti esuknuan ankilel.
3 Juda ka ra Peres antempel Sera. Mantiek ntiwieel ka Tamar.
Peres ka ra Hesron.
Hesron ka ra Ram.
4 Ram ka ra Aminadap.
Aminadap ka ra Nason.
Nason ka ra Salmon.
5 Salmon ka ra Boas. Mantiek ankilel ka Rahap.
Boas ka ra Obet. Mantiek ankilel ka Rut.
Obet ka ra Jesi.
6 Jesi ka ra omoule amamp Devit.
Devit ka ra Solomon. Kumpueikel mantiek Solomonel ka muaken Uriael.
7 Solomon ka ra Rehoboam.
Rehoboam ka ra Abiya.
Abiya ka ra Asa.
8 Asa ka ra Jehosapat.
Jehosapat ka ra Jehoram.
Jehoram ka ra Usia.
9 Usia ka ra Jotam.
Jotam ka ra Ahas.
Ahas ka ra Hesekia.
10 Hesekia ka ra Manase.
Manase ka ra Emon.
Emon ka ra Josaia.
11 Josaia ka ra Jehoiakin nampueip nti uknuan ankilel. Wank kilelel, nti Babilon aimpar nti Israel, nker nti la nkupmus kitapm antuol Babilon. Ka nti Babilon nakantup nti na nti kakorokn nimpil la yemp antuol Israel.
12 Nti ar Babilonel, Jehoiakin mira Sealtiel.
Epe Sealtiel mira Serubabel.
13 Serubabel ka ra Abiut.
Abiut ka ra Eliakim.
Eliakim ka ra Asor.
14 Asor ka ra Sadok.
Sadok ka ra Akim.
Akim ka ra Eliut.
15 Eliut ka ra Eleasar.
Eleasar ka ra Matan.
Matan ka ra Jekop.
16 Jekop ka ra Josep, ka minkan nkan Mariael. Epe Maria mira Jisas, ka nti aiyimpil Krais, omoule ka Wulapm Weink yuwakel. 17 Nti manmakn ka eik Abraham la akei Devitel, nio antuol eikusuknel ka
Et eik Devit la akei nti ka ar Babilonel, nio antuol manmaknel ka
Et eik nti ka ar Babilonel la yumua omoule ka nti aiyimpil Krais nio antuol manmaknel, ka
Sank keielel ka nak apulp nti manmakn Jisasel eikusuknel.
Maria Ka Ra Jisas Kraisel
18 Sank apulp Jisas Krais ka Maria ra kilel ka sopeiye. Mantiek ankilel Maria ka nti sankantun kil, nako yentemp Josep nkis. Aser Maria karokn antempil, aser kil ka opmuon uknuamp, kil ka ninkilapmimp. Ninkilapm kilpe itnei Mariael, ka Pirpm Wulapm Weinkel ankil apupul. 19 Minkan ankilel Josep, kil ka omoule yapmonemp sepm ntinkiraiel. Kil eipm aser Maria ka ninkilapmel, aser kil karokn na nker kil yer niampepm antuol eikusuknel. Et kil na serkempil eik nkuwepmel apulp na kil karokn na yupul Maria wule maiak yer niampepm antuol nti omoule eikusuknel. 20 Josep wonempwamiyimp aiyapel kil na nekerpmel. Epe kil ar niumpu yenkeniepmel, aser ensel Wulapm Weinkel eik nimininkel nakimpil nak na, “Josep, Aknamniumpuai Devitel, yikn korokn nkierkemp Maria. Ko yikn sempil, kil ka muaken aiyiknel. Yikn eipm apm. Ninkilapm kile ka tnei kilel, ka Pirpm Sepmel Wulapm Weinkel ankil awulmpil, kurpe kil ninkilapmel. 21 Kil kako ra ninkilapm ntit, nako yikn yimp nio ankilel Jisas. Weink nio Jisasel ka nak na kil kako nantip mo yerkomp nti ementitmuaken ankilel, nti ka nkis minamp kuoretel”. 22-23 Omoule ka kumpueik nakaworp yapmonemp Wulapm Weinkel, sank Wulapm Weinkel ka naikul miepm ankilel, aser kil nak na, Muakenel karokn antemp minkan, aser kil ka ninkilapm osoimp. Kona kil rael, kako ninkilapm ntit. Nio ankilel ko nti yimpilel kako Emanuel. (Aisaia 7:14) Weink nio keielelel ka nak na Wulapm Weink ka ar nampueip an. Sank kilelel kumpueik kil nakel, keielel an niampepm nkupmus, kipe niminink. 24 Kakilpe, Josep eik niumpu nkarp, kil apul sop sank kilelel ka ensel nakimpilel. Kil nkamp muaken ankilel Maria apul kil muar yetne ankilel. 25 Aser Josep karokn rap Maria ninkilapm irpm lala Maria mira ninkilapm ntit. Nio ninkilapmel, Josep aiyimpil Jisas.
Matyu 2 ->