110
Kari Biya mu nu King se nu Priest tala
(David ko wur)
1 Yawe aninga Kari Biya iwita maonam,
“Ni kuwim nup ago agiting sengam mu te bager se
ani kari memek mu nunga menawu
siwik duap ningi nunga awurekko,” mam.*Matthew 22:44 ago arikko.
2 Yawe mu ni kerak bagoso se ni Zion la
mena, bare sor saki agotala nunga bitaruko;
se kari memek mu ni bowa ningi la bagamonko.
3 Tom ni ka nip biya se ka sokel biya
wetang sapar, mu ka kariimet amilmil te nunumi ni kisimonko.
Nika ura ko guang laili yawara mu nagur
mu, worem ko nikim kaposo iwita, sokel ago gek am sanamir ale nikim kaparko.†Verse 3b Hebrew den te mu wetang te me baluwoso.
4 Yawe mu iwita nika balam ale udagi ko ikia me gurugokko:
“Ni Melchizedek molak te priest ko pempem baga se lagerko,” mam.‡Melchizedek: Genesis 14:18-20; Hebrews 5:6; 7:21.
5 O Yawe, aninga Kari Biya mu nika kiting sengam mu te sanamiwoso;§NIV ko bala bo te mu Waskia te aniso iwita aniso: “My lord is at your right hand, LORD.”
tom nu ko gomang magara wetang te bitirukko tom mu te,
nu king alo nunga nosokel menawu saparukko.
6 Nu ali sor suen la ko supuling bibiya nunga nosokel menawurok ale
kariimet suen la nunga memek koma nungarukko;
se kueman parangaman mu ali tuagu ago terong ma sapamonko.
7 Nu kagera saparuk mu te, nu lage luan
te yu aniso mu nauk ale noman saparukko;
ale nup biya nunguningkiri taukko.*Judges 15:18-19 arikko.
<- PSALMS 109PSALMS 111 ->
- a Matthew 22:44 ago arikko.
- b Verse 3b Hebrew den te mu wetang te me baluwoso.
- c Melchizedek: Genesis 14:18-20; Hebrews 5:6; 7:21.
- d NIV ko bala bo te mu Waskia te aniso iwita aniso: “My lord is at your right hand, LORD.”
- e Judges 15:18-19 arikko.