1 Siwan nata mia kawawa angela tapatu gapma gwegwen pakingkat nana tapatuta apuke na anzing nanikut. Ga apso! Maya tapatu yasewa aknga kamunda binga tasinggak kapata meya buyambam siknga pake yuwawan nata yeikgama kayo. Sike maya nata yanggau wa yotbamu gapmandu yangga buyambam tapa apatane kwaim tapane yuaunin. 2 Siwan aminu tupan tapaapa kepna kepna nana aminda yasewa aknga maya waapaat tasiking. Ngan. Kepdakane nana aminde maya waapata wain yangga aknga ayaman tangoke dataptaking. Sike wain yangga wa sanga yasewa aknga maya waapata tasikut taknganin.

3 Siwan nata mia kawawa Waung Kapata na kekeknga siknga take keu amina wena komune nanitakukut. Nanitakuwan ngana ugwak saau kawawa maya tapatuta kaapzongu danggami gamana siknga gwendane masene pukwiwan kakum. Sike kaapzongu wagwenu umana kwaapzang sikngata gupnane tapa sopukutna kakum. Sike umana wa kuupbamu Anutue sapdut wam ininggaunin. Siwan kaapzongu wagwenu gwapakngi katau kuut musa kautdu gweaya siwan komna katau kuut musaat kakum. 4 Sike maya waapa tauknga gamana siknga gatu kundui gang binga ngang pasikut. Sike maya waapata inane gupna tasigwaanguke sanga gol sake tasikingunin tasike gatu kamakumu inata kundu gatu mani buyambam sikngata usinanga gwegwen ngang bungatakut. Sike katakngine kau gomdu gol sake tasikingu gomdu takut. Sike kau wagomune sanga wai maakngana kaya akwak pamuban dopbing. Sike sanga wa yasewa tasikut taknganin. 5 Sike itane damanane umana yapii kusopuknga aknga anzing mataking,

Unzingge nata maya waapa kawa wa amindane daknga tangopbutde ita datdaptawan kakum. Kake nata kumzang satnake nangaakan natapbum. 7 Siwan angela waapata anzing nanikwaikut, “Dasingge ga maya waapae nangaakan nataayak? Maya waapatane yapiina gatu kaapzongu ita engatangan yuau gwapakngi katau kuut musa kautdu gweaya siwan komna katau kuut musaat ngangu wa gwendane yapiina ngangge nata ganiwa natapso. 8 Kaapzongu gata kaayau wagwenda tupa kayuk yuke ngana wena sikut. Sike apmanu wagwenda dua yuak. Ngana masande wagwenda gapma amunandang siknga pakepu ayukuu wena dakaneta akoke keu komdu Anututa tasiwan maiwik komune kuwik. Siwan aminu kundu kayuu asinggan asinggan yutninggane umana Anututa buu gomdune tapduknga sangabamu dua tasike tekut komune matakut. Ngana aminu umana buu wagomune dua matakut aminu kepdakane yuaingga kawawa kaapzongu wagwenda gapmaatangga akopan kake wa aminda nangaakan natapning. Dasingge? Tupa wagwenda kayuk yukut. Ngana akungwake apmanu wagwenu dua yuak. Siwan ngana masana wagwenu gatuna akopik,” ngangu angelata unzing nanikut.

9 “Sike aminu natdetdetna kaya siwanu ita wamu waakngae katak siknga natdeyok. Sike gwapakngi katau kuut musa kautdu gweaya nganggane yapiina kautdu baku dakandaka katau kuut musa kautdu dakaaya maya waapata yuak dakandakanin. 10 Siwan yapiina kautdu tupan aminu katau kuut musa kautdu tapaaya ngangu unin. Sike tupan aminu waakwakat nana katau kuut musakanu gwa pimaking. Sike tapatuta apmanu ayuak. Sike tapatuta tupan tapa dua dakngak. Masande ita dakngakenga ita tapduu dapaknga siknga yuwik. 11 Siwan kaapzongu tupa ayukut ngana apmanu dua yuau wagwendane yapii aminu tupan aminu tapatu. Ita tupan tapa katau kuut musa kautdu tapaat gatake namba 8 dakngawik. Sike ita keu Anututa atasiwan maiwik komune akuwik,” ngang angelata unzing nanikut.

12 “Sike kaapzongu wagwendane komna katau kuut musaau gata gwa kayau wandakandakatane yapii aminu tupan tapaapa katau kuut musaat ngangu unin. Sike waakwau tupan tapaapa dua dakngaing. Ngana masana aminu waakwau kekeknga pake kaapzongu wagwekat gatake yuke aminbam kayutning. Kayuke tasiwawa tapduu mateknga kundusim siwan atening. 13 Sike tupan aminu waakwau natdetdetna buya takngatukan natapning. Natake waakwau kaapzongu wagwende gepbiatang koyuke itane gen gwaamuke aminbam kayutning. 14 Siwan waakwau sipsip mateu wagwekat amning. Amawawa ngana sipsip mateu wagwenda aminu waakwau asiknga yapbimbik. Ngan. Wagwekat gatu aminu inae panangge yayawamban ie kuke iat gatake kekeknga siknga yuaing amikat ngangga aminu waakwau ayapbitning. Dasingge? Sipsip mateu wagwendane yapii wa aminu tupan siknga apanin. Ita aminu tupan tapaapa kuupbam kayuak. Ngan. Aminu tupan tapaapa kuupbamdane tupan siknga awia apatakan ayuak,” ngangu angelata unzing naniwan natapbum.

15 Sike nata mia kawawa angela waapata anzing nanikut “Maya waapata yangga buyambam tapaapane yuwan kayak. Sike yangga wa kayakgane yapii wa aminu kuupbam. Ngan. Aminu kepna kepna nana kuupbam donga inata inata nana gatu wamna inata inata yakaing gatu gupna inata inata ngangu aminu kepdakane nana kuupbamu unin. 16 Sike kaapzonggane komna katau kuut musaau gata gwa kayak. Komu wa kuupbam gatu kaapzongu wagwen ngangga maya yasewa tasikuu waapae semna siknga natangamuning. Semna siknga natangamuke waakwau maya waapa tandambanuke tauknga kuupbam waipamaba kuwa kwangga yuwik. Yuwawan waakwau itane sapbina atnake gupnasanu katapatang gatukande saning. 17 Ngan. Anututa waakwakgane musia pangenawan waakwakga natdetdeu buya takngatukan natake Anutue banip tawake tasining. Tasike waakwau kaapzongu wagwende gepbiatang koyuke maya waapa tasiwa maiwikge tasiwawa kuku tapduu Anututa yawan yukut gwenda apik. 18 Siwan maya gata kayau wa yotbamu buyambam gapma kepdakane nana kuupbamde tupan gapma yuaingunin,” ngang angela waapata unzing naniwan natapbum.

<- MIA 16MIA 18 ->