64
Kau aaknga Devitda matakut.
1 Anutu, na meyana buyambam. Gata natane tumuk wamae maak papso.
Na iwanae akgwaukgat. Gata gatangami iwanata na dua nuwan kupit.
2 Wai aminda na tasiwan maiwitde kepie tawakaing. Tawake unekan yuke nutnangge natake wamu yakaing.
Unzingge gata kakuya tasiwi wai aminda na dua tasiwan maiwit.
3 Waamindane gena bainatdane gena toknga siknga dakata binga nukgak. Siwan wamu waiaknga yakaingu nae temanggaganukaing.
Unzing kweemna kaike gatu sakutna amin yamnangge kaikaing binga.
4 Waakwau undang kusopuke sakutna noman amindekan mukaing.
Sike waakwau dua gwauke zeetgaman mukaing.
5 Sike wai aminu waakwau inae natapa kekekawan wai waaknga atasinangge nataaing.
Sike wamu yakaingu keu komduatang yapapna pewan aminu kundu panggaganutningge nataaing. Siwan gatu anzing nataaing,
Yapapminu kusopuknga siknga. Aminu tapatuta yapapminu kananga dua, ngang nataaing.
6 Siwan gatu waaminu waiaknga kunduat tasinangge wamu yandekaing. Yandeke anzing yakaing,
“Ninu sanga takngatu tasinangge kepi takeakanga gwa natapna kekekakut,” ngang yakaing. Sike, “Sanga wa tasinangge natapbumangu aminu tapatuta dua kakapik,” ngang yakaing.
Siakan siknga, aminde natdetdetnane ba musiane yuwik kaknga kakapnanga dua. Siwan waaminda waiaknga tasiningge kepi aknga aknga katak siknga nataaing.
7 Siwan ngana Anututanu, sakutnata yapik.
Yapan zeetgaman mait sike kumning.
8 Gatu aminu tapatu tasiwan maiwikge yawan natakengu
Anututa yake tasiwan wamu wa yakaing kakngata waamin yapan maining.
Siwan aminda kake kumzang yanimike gwapaknga makaitning.
9 Sike aminbamda kake Anutue akgwautning.
Siwana Anututa sanga wa tasikutde
natdetdetnane asinggan natayuke yanikapning.
10 Sike noman aminu kuupbamda Buyambam tapae apbaknganong.
Bakngake ie kuke waiakngae iatang koke kusopunong.