54
Doʼa Emaniana Peulusa
54:1-9
1 To kapalana molaguna.
Tee kagasiana kecapi. Lagu kaadharina Daud
2 [a]wakutuuna miana Zifi aumba apogauaka i Raja Saul, "Daud apeopo i ingkami."
3 E Aulataʼala pasalaamatiaku roonamo saromu,
tee adilia parakaraku roonamo kakaamu.
4 Maasangia urangoa doʼaku, e Aulataʼala,
rangoa manga pogau ibhoasakaku.
5 Manga mia momalangana incana akakaro aewangiaku,
tee manga mia mosombo gauna bheaala inyawaku.
Manga incia inda afaduliaka Aulataʼala.
Sela
6 Satotuuna Aulataʼala motulungiaku,
Kawasana Opu modhambaakaaku.
7 Taroakamo kadhaki ambuli akangkanai manga musuku.
Roonamo kaasimu molagina, pabinasamea manga incia!
8 Tee relana totona incaku, iaku bhekupasombaaka kurubani to Ingkoo.
Iaku bhekusukuru tee Ingkoo, e KAWASANA OPU, roonamo saromu amalape.
9 Roonamo Ingkoo padhamo urambasakaaku minaaka i sagala kanarakaa,