136
Kaasina Kawasana Opu to Miana Israel
136:1-26
1 [a]Sukurumo i KAWASANA OPU, roonamo Incia amalape,
kaasina abakaa saʼumurua.
2 Sukurumo i Aulataʼalana sagala Aulataʼala,
kaasina abakaa saʼumurua.
3 Sukurumo i Kawasana Opuna sagala opu,
kaasina abakaa saʼumurua.
4 Incia mopewauna manga giu inda momentela,
kaasina abakaa saʼumurua.
5 [b]Incia mopadhaangiana laiana tee kalapena budina,
kaasina abakaa saʼumurua.
6 Incia mobhakesakana ati i bhawona uwe,
kaasina abakaa saʼumurua.
7 [c]Incia mopadhaangiana manga kainawa momaogena i laiana,
kaasina abakaa saʼumurua;
8 matanaeo to akuasai eo,
kaasina abakaa saʼumurua;
9 bula tee kalipopo to akuasai malo,
kaasina abakaa saʼumurua.
10 [d]Incia mopekamatena manga anaana tumpe i Mesir,
kaasina abakaa saʼumurua;
11 [e]tee o miana Israel apalimbaia minaaka i Mesir,
kaasina abakaa saʼumurua;
12 tee limana momakaa tee kuasana momaoge,
kaasina abakaa saʼumurua.
13 [f]Incia aweta Tawo Towu Lambe apaporuawetaia,
kaasina abakaa saʼumurua;
14 tee apapolimba miana Israel adhala i tanga-tangana,
kaasina abakaa saʼumurua;
15 maka Incia apatondu Firaun tee tantarana i nuncana Tawo Towu Lambe,
kaasina abakaa saʼumurua.
16 Incia akapalai uumatina alaloi tana matuu,
kaasina abakaa saʼumurua.
17 Incia apekatalo manga raja momakaa,
kaasina abakaa saʼumurua;
18 tee apekamate manga raja momulia,
kaasina abakaa saʼumurua;
19 siitumo Sihon, rajana miana Amori,
kaasina abakaa saʼumurua;
20 tee Og, rajana Basan,
kaasina abakaa saʼumurua;
21 tee adhawuakea o lipuna manga incia apamembalia pusakana uumatina,
kaasina abakaa saʼumurua;
22 amembali pusaka to miana Israel o bhatuana sumai,
kaasina abakaa saʼumurua.
23 Incia inda mangamalinguaka wakutuuna tee masaʼalata,
kaasina abakaa saʼumurua;
24 tee mangarambasaka minaaka i limana musu,
kaasina abakaa saʼumurua.
25 Incia mopakandena bhari-bharia mahaluku,
kaasina abakaa saʼumurua.
26 Sukurumo i Aulataʼala moparintana i laiana,