POLE KAKAVA

alfabet - Leta laveve tolu ta vapolungania kadolu polea vona.

apostel - Kaka kua e geura kete tani hoto na goloa katiu; na apostel kamahi dia ta lala dia kata vaketea na Kalohua Kemi.

Babilon - Taon kapou bukuni varira matoto. Muga kadia matuhanga e kapou, dia ka hada poto na garigari kapou matoto, palaka ki beta dia na lolotu ni Vuvu. Boto katiu kadia malala ia vairoha. Ki mai ve, na hiza kua a Babilon ia na barikikia ve katiu.

baptais - Vazuguvia kaka na naru, ia e balika kua tolu ta mate kamana ki tavuanga tolu kamani Kristus. Na matuhanga kapou ke Vuvu a Tamana, ia e valamari mulehia a Kristus na matea. Kubarae ia da tolu ve tolu da tolu ta mahuri tolu ka vavana na laep vahoru.

Belsebul - Ia e lala kete vairohia mianga kana manumanu laveve na vulovulo, ia na vagi he Vuvu.

benk - Na palaka kua tu taruhia ka moni vona dia kata hada poto vona, da dia ta gala bisnis na ka moni dia ta katia porfit, dihura porfit pitu da dia ta taruhia kamana ka moni.

Devil - Ia e lala kete vairohia mianga kana manumanu laveve na vulovulo, ia na vagi he Vuvu.

disaipel - Sumatin katiu; na disaipel kamahi ke Iesus dia ta lala dia kata longoria na vaketeketea ke Iesus dia na muri vona.

engel - Dama taza a Vuvu e lala kete geria na kaka katiu kete mai ni tani hoto na goloa katiu. Engel ia bukuna lagato, palaka na profet, ia bukuna garigari, na profet ve ia e geura ve kete tani hoto na polea ke Vuvu.

fertalaisa - Marasin kua e taruha na garigari kete katia hai ni galulu kemikemi.

glori - Vazahenia kaka, matuhanga kamana hiza kapou kamana goloaloa mata mulimuli kana kaka katiu.

Gomora - kamani Sodom, manumanu bukuna malala rua kua dia ta katia moge zaha matoto kamana moge kua e mata hilehilea matoto.

Grik - Kantri katiu kozoho na Dazi Kapou Mediterian; kua a Pol e lobi vona, ia e vaketekete na manumanu luba ni Grik na Kalohua Kemi. Na taem ke Iesus, manumanu luba dia ta lala dia kata popole matoto Grik, balika kua tolu ni PNG tolu ta lala tolu kata Tok Pisin.

haiden - Nuhu kua beta dia na lala dia kata lotu ni Vuvu kua ke vuni Iuda, dia ta lolotu na kadia vuvu kamahi.

haina fik - Hai katiu, palekana fik e miloloha.

hel - Malala ke Satan, hizana hel, ia na malala zaha matoto, haroho kamana varitihia e ngoro vuvua. Muri na matea o kotoa kapou kaka da e vano kara malala ke Vuvu o kara malala ke Satan.

Kalohua Kemi - Na Kalohua Kemi kua a Iesus e popole vona kua: Na vuna a Vuvu e kulina matoto kara manumanu laveve na vulovulo, kubarae ia kini vala Tuna kua e katiu papa matoto, kua azei ho nu bilip vona, ia marabeta nu mate, palaka da tu pelea mahuri roroa. Na vuna zia, a Vuvu beta ni geria tuna ni ziho kara vulovulo kete koto kara manumanu, palaka kete pele mulehia manumanu na kadia manaunaua.(Jon 3.16)

Satan - Ia e lala kete vairohia mianga kana manumanu laveve na vulovulo. Ia na vagi he Vuvu.

Sodom - kamani Sodom, manumanu bukuna malala rua kua dia ta katia moge zaha matoto kamana moge kua e mata hilehilea matoto.