Peroveta

Zechariah
ana buka
Pariverena
Mai Jew ai ḡavia i nei ma taui i pupuna-naiei au Babilon. Ma madeḡa 70 au murina Babilon ai gulau mai Jew i voterei da i naeme au Israel tempol voamelana aubaina. Zechariah maiteni i nae. Bada Zechariah i riwei da mai Israel wenanare ina pariverei, “Ona mae-taviremi awariu ma ana maetavireu awarimi.”
Zechariah turana peroveta Haggai maiteni i nola tagogi nai au marana.

Zion ana gulau e nenei

9 Bada i riwa, “Ona morelana Zion

Ona logoimi Jerusalem,

ona inana! Ami gulau e nenei awarim.

Orana Jijimanina ma ana ḡavia i vovaiubai.

Ana volaḡotana donkey e gerugerui,

donkey ḡaubona i gerui.

10 Dam Ephraim awarii Chariot ina vaitawanei,

ma Jerusalem awari ḡavia horse ina vaitawanei.

Ma viḡavia ana pidu ina gai.

Tauna rom ina neiai.

Ma ana vibada boga i taḡoni da au boga ḡela,

au waira Euphrates da dobu au gia dewadewana.”