Nehemiah

Pariverena

Nehemiah Wei au bukana e ririweta, menanare mai Judea ḡelaui au Babilon i mamae, i naeme ai au dobu Jerusalem da garina ina voai-melei.

1 Rava anatapui Jerusalem ana au anirui e ḡoreḡorei Samaim,[a] i vitagogiei. Ma taui tarawatu badana Ezra i riwei da Moses ana tarawatu bukana ita neiai, wei tarawatuna Bada mai Israel i verevereia.

2 Ma aupom naona au nawaravi au vi-7-na, pulo tauapuna pirisi Ezra tarawatu bukana i neiai patarana i vitagogieina awari, nelarai ma waivinei ma roaroa awari metaui da iava i aramanei. 3 Ma Ezra au deba i mairi ma ponana ḡaeḡaenei bukana i ʼavi rava awarii, maratomtomai i vikarei da aubenai ma anatapui i rautaniḡana kaua.

5 Ezra vatara au tepana i mairi rava au matai ma maranai buka i votawanei, rava anatapui i vomaimairi. 6 Anina ma Ezra Bada God ḡaeḡaena i voepaepai; ma rava urai i voepai ma i paribelei i pa, “Amen, Amen!” Ma i raudune au doa ma Bada i voepaepai.

8 Ma Levi ana dam ravai, bukana rava awari i ʼavi ma i viararamani[b] da taui riwana anona i aramanei.

9 Anina ma Gavena Nehemiah, ma pirisi, taugiruma Ezra ma dam Levi ravai, rava awari i viararamana. Marina rava awarii i riwa i pa, “Wei marana tana vovaivivirei Bada ata God awarina. Lamna aubaina eḡa ona vinuabola ma ona tou.”

10 Ma Nehemiah i riwa, “Ona nae ami au numa ma ona am kaua ma ona uma-kaua ma rava eḡa ita lauvoa, ona taraiḡuei. Wei marana lamna mara vivivireina Bada awarina. Lamna aubaina Bada ina vinuaiainimi, eḡa ona vinuabola, aubaina Bada ana nuaiai awarimi lamna ami rewapana!”