1 Wate Jonah wei ogana eḡa ita ḡoei ma amlona i ḡaiḡai kaua. 2 [a]Ma i raupari Bada awarina, i pa, “Bada a notai da amapo nanare ita tupua muriai da au melagai ata opu-tawanei. A ʼramanei da tam God raunuapoapoem ma iviaiaim, eḡa laḡilaḡina amlom ita voḡaiḡai ma am nuavaina maemae-nonoana. Tam eḡa am ḡoana da ḡoʼapoapoe ravai ma pupuni wate ma tere-kauei. Lamna aubaina a ruba nae au Tarshish. 3 [b]Ma marina Bada, au lawana ma vaitawanei, i ai da ata iraḡe ma avena ata mae!”

4 Wate Bada i paribelei, i pa, “Tam aiwai e ḡaiḡaiawei?”

5 Jonah i opu melagai au metaetana, au maramatanei. Kampa ḡou i voepai ma au gabaurina i kiala ma i vipaipai da Bada aiwai ita kauei nai taona awarina. 6 Ma Bada ḡoroḡorova i vigogoi da i tuaḡeta Jonah au tepana da ana ḡou. Ma Jonah wei i vinuaiaina-kauei.

7 Wate ubaubana boiboḡi aupom ḡela, Bada motamota i paritawanei da ḡoroḡorovana i ani da iʼraḡe. 8 Maranai madeḡa i gogo, God ive maramatanei i paritawaneiai. Ma madeḡa Jonah kolana i rarani da i ḡokokokara. I ḡoei da ita iraḡe ma i riwa, “Iraḡe i aii, eḡa me lawana.”

9 Wate God Jonah i paridadanei, “Am nola aiwai da amlom i ḡaiḡai kaua wei ḡoroḡorovana awarina?”