55
Nuarelanami ona nei
Bada i riwa i pa,
1 “Ona nei, nuanuarelanami! Waira wei!
Awarimi mane eḡa ona nei ona gimara ma ona am!
Ona nei, wine ma mereki ona gimarai
maiana eḡa, ona vaioi.
2 Aiwai aubaina lam apoapoei awari mane e tawatawanei.
Aiwai aubaina e nolanola labalababa.
Ona rautaniḡana kaua ma ona am-iaua,
ma lam aiaii dagidagiaii ona vinuaiaiei.
3 ✡Act 13:34Taniḡami ona toneiai ma ona nei awariu
ona rautaniḡana da ona lawana.
Au parivainuaḡana mamae-nonoana ana kauei tam maiteni.
Ma viaiaina David a parivainuaḡani ana verem.”
6 “Bada ona baiei da ona nelaḡai,
marina au ḡereḡeremi, ona vibaḡai.
7 Ḡoa apoapoe ravai, ami lawana apoapoei ona geduaiei
ma nuanuami ona virai.
Ee! Ma ona wanavirai Bada awarina da ina raunuʼapoapoelemi
ma ami ḡoʼapoapoe ina notatawanei.”
8 Bada i riwa, “Au nota eḡa me ami nota nanare,
ma au kaua tapuna, eḡa ami kaua nanare.”
9 Mara i ḡetelara eḡa me dobu
ma nanare au kaua i ḡetera eḡa me ami kaua.
Ma nanare au nota i ḡetelara eḡa me ami nota nanare.
10 Garewa ma turuvani marei e peupeu
eḡa kwakwavina ina naeme au mara,
wate dobu ina viutuvanei
da lam ina gogo,
da pei ina vereta, paewa aubaina
ma lam, aniam.
11 Ma wenanare riwau gamouei e opuopu;
eḡa kwakwavina ina nememei awariu
da aiwai a pariparitawanei ina kauei;
au ḡoana anatapuna ina vikwai.