Maranai God mara ma dobu i vitupui, aiwai anatapui i ai kaua ma rava aiaii. Wei virarautuana lamna menanare apoapoei au dobu i rui.
1 Anina ma mota lamna terevaideḡa kaukauana eḡa me ḡamoḡamo ḡelaui i kaukaueia nanare. Ma mota wavine i paridadanei i pa, “Riwa kaua bo eḡa da God i riwem da eḡa ai uana au peipei ma ani.”
2 Ma wavine i paribelei i pa, “Tauai ai uana peipei au orana ana ani. 3 Wate God i riwa da peipei au pouna, ai uana eḡa ana ani bo ana vodadani. Mepa da ana ani bo ana vodadani lamna ana iraḡe.”
4 Ma mota wavine i paribelei, “Eḡateni! Amapo eḡa ma iraḡe. 5 Nai maranai u ani, matam ina vikalai me God nanare ma aiaina ma apoapoena ona aramanei. Ma God i aramanei, lamna aubaina i viḡaem da avena ma ani.”
6 Ma wavine i ʼnana da ai uana aniam aiaina ma inanana i ai kaua, ma i ḡoei da ita ani da nuaulaula ita vaini, lamna aubaina tauna ai uana i vaia da i ani. Ma ḡelauna awana au ririvana i mamae i verei da i ani. 7 Ma matai i kala ma i aramanei da taui ana kovakovai, lamna aubaina ai bawara rugurugui i vaia da i vaturi da tupuai i tere-ḡaḡari.
8 Au biga ubana i opuopu ma taui i nonori Bada God au peipei i bababara nae. Ma oroto awana maiteni ai au orai Bada God i raugovaḡei. 9 Wate Bada God oroto i kwatuei i pa, “Tam mepa?”
10 Tauna i paribelei i pa, “A nonorim au peipei ma tau ana kovakovau aubaina a rovo da a raugovaḡem.”
11 Ma Bada God i riwa i pa, “Aiai i riwem da tam ana kovakovam? Ai uana a viḡaem da avena uta ani, ma u ani bo?”
12 Ma oroto i paribelei i pa, “Wavine u verevereu, tauna ai uana i vereu da a ani.”
13Bada God wavine i riwei i pa, “Aiwai u kauei?”
Ma wavine i paribelei i pa, “Mota i moruiu da a ani.”
Bada, Rava ai kovoḡa i vinolenolei
14Bada God mota i riwei i pa, “Wei u kauei aubaina,
kovoḡa ḡaeḡaena tam awarim, eḡa me ḡamoḡamo ḡelaui nanare,
maramaraḡamai ma moduei.
Manawamei ma matave-taitaina-nae
ma am lam doa ma ani
am mara au anatapuna.
15 Ana kauei da tam ma wavine ona viḡavia nonoa,
ma am epaia ma wavine ana epaia ona viḡavia.
Tauna kolam ina gwadai
ma tam ae karena ma ani.”
16 Ma wavine i riwa i pa:
“Am nuabola ana viratai am au raumanawa,
ma am iniviara ina rata am au vinatuna.
Tam u ḡoei da awam uta vibadei,
wate tauna tam ina vibadem.”
17Adam i riwei i pa,
“Ma tam awam ponana u rautaniḡanei
ma ai uana a viviḡaeia u ani,
Tam am kauelei doa u viapoapoeni.
Tam ma nola guratana ma inim ina viara da lam ma nelaḡai, am mara au anatapuna.
18 Ma doa, donadona ma modu viganaganai ina vigogoi aubaim
22Bada God i riwa i pa, “Orotona aiaina ma apoapoena i aramanei, tauna marina tauta nanare. Eḡa tana voterei da urana ina vilolo-melei da lawana aina uana ina vaia da ina ani ma ina mae-nonoa.” 23 Ma lamna aubaina peipeiei, oroto i viopuni da doa ita ipiei. Bada, doei oroto i voai. 24 Anina ma oroto i viaḡaḡana-opunei ma cherub‡Arua lawalawaii gabu vivivireina taupaini. Tagogi lamna cherub biaḡa au peipei Eden au maramatanei i terei ma ana dabaruma araratana i terei da i nenae ma i nenei ma lawana aina etanaina e gagagaloei.
<- Genesis - Karena 2Genesis - Karena 4 ->
