12 “Aiai rava ḡelauna i ravi da i viraḡeni, nai ravana ina viraḡeni. 13 [a]Wate mepa da i vunu-boai da i viraḡeni. Tauna ina ruba dobu a vinevineia kampa. 14 Wate rava i vioga da i viraḡena, ma ana lawana aubaina i ruba pulo au aniapuna, ravana ina taravaina-opunei ma ina viraḡeni.

15 —Aiai amana bo alona i ravi, nai ravana ina viraḡeni.

16 —Aiai da rava ḡelauna i danenei da i gimarei bo awarina ma i nelaḡai, nai ravana ina viraḡeni.

17 [b]—Aiai da amana bo alona e parivai-apoapoeni nai ravana ina viraḡeni.”