3 Taumi eḡa god ḡelaui ona raudunelei, Tau ainelau ona rauduneleu.

4 Taumi eḡa aiwai au mara bo au dobu bo boga au orana dobu au gabaurina kokoitaui ona kauei da ona raudunelei. 5 [a]Taumi eḡa kokoitaui ona raudunelei bo ona viborumei, aubaina Tau Bada ami God ununurana. Ma taui i gedugeduaieu ana kovoḡi da kimta au vi-4-na. 6 Wate taui aiavoi nuanuau e vaivaini ma au tarawatu e vovojijini au nuavaina maemae-nonoana ana verei da kimta tausan nanare.

7 Taumi eḡa Bada ami God wavana ona vinamei. Aiai da Bada wavana e vivinamei ina kovoḡi.

8 [b]Sabate eḡa nuanuami ina vuru ma ona notanotai ma ona vovivirei tau awariu. 9 Aupom 6 ami nola ona kauei. 10 Wate au pom vi-7-na lamna Sabate, lauvitau marana, i vovivirei Bada ami God aubaina. Wei au marana eḡa aiai ina nola: eḡa tam, natum orotona bo wavinena, am taunola orotona ma wavinena, bo am ḡamoḡamo, ma dobuḡela ravai awarim e mamae. 11 [c]Aubaina au pom six au orana Bada mara ma dobu i kauei; boga ma anatapui au orana. Wate i vilauvitau au pom au vi-7-na. Lamna aubaina Bada Sabate i viaiaini ma i vovivirei.

12 [d]Amam ma alom ma vivirei, da am lawana ina manawa au dobu, Bada am God e vereverem.

13 [e]Eḡa ma viraḡena.

14 [f]Eḡa ravaḡela awana ma viawawanei.

15 [g]Eḡa ma danene.

16 [h]Eḡa ma viwavu-moru

17 Eḡa ravaḡela ana numa ma vikwinei. Eḡa ravaḡela awana ma vikwinei, bo ana taunola orotona bo wavinena, ana bulumakau, ana donki, bo aiwai ḡelaui ḡarinei.