3
Aiwai anatapui ai au mara e tuputupua
1 Mara ma iri i terei da aiwai anatapui au dobu ai au mara e tuputupua.
2 Vinatuna ana mara ma iraḡe ana mara
paewa ana mara ma tuaruta ana mara.
3 Viraḡena ana mara ma vilawana ana mara,
amrika ana mara ma voa ana mara.
4 Tou ana mara ma kaka ana mara,
mogu ana mara ma ara ana mara.
5 Ḡaima viorerena ana mara ma tama melanana ana mara,
taragwaba ana mara ma eḡa taragwaba ana mara.
6 Baia ana mara, ma baia voterena ana mara,
ma purapura vojijinana ana mara ma purapura vineboana ana mara.
7 Sika ana mara ma popo ana mara,
genuana ana mara ma babani ana mara.
8 Nuavaina ana mara ma ḡoaḡai ana mara
viḡaiḡaiawa ana mara ma nuauba ana mara.