1 Peter ma John rava awari i bababani ma pirisi pulo tauapuina ma tempol taupainii[a] ai bada ma Sadusi ḡelaui †Sadusi taui iraḡelei vomairime eḡa ita vitumaḡanei i ḡetai. 2 Taui amloi i ḡaiḡai kaua Peter ma John awari aubaina taui i viviararamana da God, Iesu iraḡelei i vovaimairini ma wei i viatataiana da God rava anatapui iraḡelei ina vovaimairini. 3 Taui Peter ma John i pani ma au i pom aubaina panipani au numana i terei da i mae mara. 4 Wate rava maḡamaḡaui riwa i nonori ma i vitumaḡana, ma ai maḡa nelara 5,000 waivine eḡa ita iavi.

5 Ma mara i tom ma Jew babadai, dogadogara ma tarawatu babadai au Jerusalem i vitagogiei. 6 Ma pirisi ḡeḡetelarana Annas kampa ma Caiaphas, John, Alexander ma pirisi ḡeḡetelarana ana rava maiteni. ‡Mai Rome Caiaphas i vinei da Pirisi ḡeḡetelarana, poiana Annas epaiana. Wate mai Jew ai au giu da aiai pirisi ḡeḡetelarana vaivaina i vaia, tauna anina ina mae da au iraḡe. Luke e ririwa da Annas tauna pirisi ḡeḡetelarana. 7 Ma taui Peter ma John i neiei da au naoi i vimairini ma i riwei, “Aiwai rewapananei, ma aiai wavanei wei o kauei?”

8 Arua Vivivireina Peter orana i vioai ma taui i riwei, “Rava ai babada ma dogadogara; 9 tauai kaua aiaina a kauei gwaḡagwaḡana awarina ma amadodo taumi o vitara-virevirelai, da menanare tauna i lawananei. 10 Ma wei ona aramana-kauei, da taumi ma mai Israel anatapui, da Iesu Keriso Nasaretei o tuparatui, Wate God tauna iraḡelei i vovaimairini ma tauna wavanei wei orotona au naomi lawalawaina e maimairi. 11 Taumi tauvoa nai ḡaimana o geduaiei, wate wei gaimana lamna numa ogona, numa ana tapuna e vovojijini. §Mai Jew ai numa ḡaimei i voavoai. Iesu tauna anina God ana Tempol vouna oḡona. (Eph 2:19-21, Isa 28:16).

12 —Lamna aubaina Iesu ainelana ina vilawanita. Ma God eḡa aiai ḡelauna au dobu rewapana ita verei da ina vilawana.”

13 Ma taui Peter ma John ai tepatora inanai ma maranai i aramanei da taui eḡa girugirumai, ma i baei. Ma i aramanei da taui Iesu ana tauvotaḡotaḡo. 14 Ma wate i ʼnanai oroto i vivilawania Peter ma John maiteni i maimairi, lamna maranai taui gamoi i pota. 15 Anina ma Peter ma John i riwei da boru gabuna i opu-tawanei, ma taui ava i vitarairavira vivira. 16 Taui i vitaraviravira-viravira i pa, “Aiwai tana kauei wei nelarai awari? Rava anatapui au Jerusalem i aramanei da taui kaua babai i kaukauei, lamna eḡa tana boviei. 17 Wate tana viḡaei da wei kauai eḡa ina tua rava ḡelaui awari, ma riwa bagibaginei tana viḡaei da eḡa aiai awarina Iesu wavanei ina raugugula.”

18 Anina ma taui i ḡorei da i rui me, ma riwa bagibaginei i viḡaei da eḡa aiai awarina Iesu wavanei ina raugugula bo ina viararamana. 19 Wate Peter ma John taui i paribelei, “Taumi ami nota aiwai. Tauai God ana voteletelei bo taumi? 20 Tauai aiwai a inainanaia ma a nononoria babanina eḡa ana voterei.”

21-22 Wei Orotona i vivilawani lamna gwaḡagwaḡana ma ana madeḡa 40. Lamna aubaina rava anatapui God i vovoepaepai, ma babada eḡa ita aramanei menanare Peter ma John ina kovoḡanei. Ma i parivairovorovo-melei ma i paritawanei da i nae.

23 Peter ma John i nae me ai rava awari ma pirisi ḡaeḡaei ma dogadogara aiwai i ririweia taui i vieḡei. 24 ✡Exo 20:11Maranai tauvitumaḡana wei riwana i nonori, taui anatapui i raupari gogona God awarina:

32 ✡Act 2:44-45Tauvitumaḡana anatapui ai nota ma orai tagogi. Ma ai purapura tagogi ma eḡa aiwai ita nuanei. 33 Ma Apasol ana tepatorai ma rewapanai Bada Iesu ana iraḡe, ma ana vomairi me i raugugulei. Ma God ana viaiaina ḡaeḡaena taui anatapui awari i peu. 34-35 Ma taui au orai eḡa aiai aiwai ita voladaḡei aubaina, ai rava ḡelaui ai doa bo ai numa i gimagimarei ma manena i neneiai Apasol awari i tereterei, ma aiai da aiwai i vovoladaḡei nanare i vovoagui.

36 Me Joseph, tauna Levi ana damei, au Saipras i tupua, ma Apasol tauna i ḡoreḡorei Barnabas, wei wavana anona lamna tauduḡu. 37 Tauna ana doa i gimarei, ma manena i neiai da Apasol awari i terei.

<- Apasol 3Apasol 5 ->