Link to home pageLanguagesLink to all Bible versions on this site
11
Solomon Awawana
1 [a]Gulau Solomon, Egypt ai gulau[b] natuna i ravaḡi ma nanare jentail waivinei i ravaḡa-naiei, ḡelaui mai Moab, mai Ammon, mai Edom, mai Sidon ma, mai Hitti. 2 [c]Au naona Bada mai Israel i riwana-guratei i pa, “Jentail waivinei eḡa ona ravaḡi aubaina taui nuanuami ina vovirai da ai god ona voepaepai.” Wate Solomon nai eḡa ita rautaniḡanei, ma awawana nuanuai i vai-kauei. 3 Tauna awawana 700, anatapui gulagulau natunatui, wate awawana ḡelaui 300 lamna me ana taunola. Taui Solomon ana vitumaḡana Bada awarina i vikwakoi.

4 Maranai Solomon i magura, awawana ana nota i virai da god ḡelaui i votaḡotaḡoi, ma eḡa Bada awarina ita vipatutu me amana David. 5 Tauna mai Sidon ai god wavinena Ashtoreth, ma mai Ammon ai god apoapoe kaukauana Milkom†Hebrew Milkomwate giruma ravai maḡamaḡaui e notanotai da wei lamna mai Ammon ai god wavana ḡelaunaMolek i viviborumei.

 
7 Au Ola Olive au Jerusalem kampa Solomon voepaepa gabuna i voai mai Moab ai god apoapoe kaukauana, Chemosh aubaina ma ḡelauna mai Ammon ai god apoapoe kaukauana, Molek aubaina. 8 Voepaepa gabui wenanare i voanaiei awawana anatapui aubaii da taui weka incense ma ai pulo ita apuapui ai god awarii.

9-10 Maraotai Bada, Solomon awarina mara ruaḡa i eḡa ma i riwana-guratei da god ḡelaui viborumai ina voterei. Wate tauna eḡa ita voteletelei, ma Israel ai God viborumana i voterei. Lamna aubaina Bada amlona i ḡaiḡai kaua Solomon awarina. 11 Ma i riwei i pa, “Wei kauai i visina-viraviraim ma au parivainuaḡana bagibagina ma au tarawatu eḡa uta votaḡotaḡoi, lamna aubaina vibada au uram ana vaitawanei ma am taunola tagogi ana verei. 12 Wate amam David notanei wei eḡa ana kauei maranai tam lawalawaim. Wate natum au urana ana vaitawanei.”

 
Jeroboam ma Solomon ai virarautua
26 Solomon ana gabemani taunoleina wavana Jeroboam maiteni gulau Solomon i viḡaviei. Tauna Nebath natuna, ana taon Zeredah au Ephraim, ma alona kaiababa wavana Zeruah.

27 Jeroboam ana virarautua wenanare: Solomon ana taunola doa i taratarai da gwagwa i purupurui ma Jerusalem taon garina ḡaimei gavogavoi i vopotapota-naiei. 28 Jeroboam oroto araramanina ma maranai Solomon i ʼnanai da tauna i nola kaua, ma i terei da Joseph noinoii dam Ephraim ma Manasseh, ai taunola i vibadei.

29 Mara tagogi, Jeroboam Jerusalem i voterei da i nenae ma au mutulua peroveta Shilohei wavana Ahijah maiteni airuaḡa ava i vinenebelana, Jeroboam kwama vouna i oteoteni. 30 Ahijah, Jeroboam ana kwama vouna i vojijini ma i sikanaiei da 12. 31 Ma i riwei, “Wei garai sikasikai 10 ma vaia aubaim, Bada Israel ana God e ririwa, ‘Tau Israel ana vibadana Solomon au urana ana sikatawanei ma ana dam 10 au uram ana terei.’ 32-33 Solomon Tau i geduaieu ma mai Sidon ai god wavinena, Ashtoreth, Moab ai god, Chemosh ma mai Ammon ai god, Milkom i vovoepaepai ma eḡa au iviu ita babara bo ita kauana-kauei au matau bo riwau bo au tarawatu ita votaḡotaḡoi me amana David i kaukauei nanare. Wate au taunola David ma Jerusalem notaiei, Jerusalem a vinei da Tau ḡariuei, lamna aubaina Solomon dam tagogi ana verei da ina vibadei.

 
35 —‘Wate Solomon natuna au urana Israel ana dam 10[e] ana verem.”
 
40 Solomon i ḡoei da Jeroboam ita viraḡeni, wate tauna i ruba au Egypt, ai gulau Shishak awarina ma kampa i mae da Solomon i ʼraḡe.
 
42 Solomon au Israel i vigulau da madeḡa 40 i kwa.