थेस्सलनीकरास मंडळीक पौल राशीनेद दुसरा पत्र

लेखक

1 थेस्सलनीकाकरा लेकाणे इदी पत्र पौल, सिला इंगा तीमथ्य इंतीकेल उंडाळ. इ पत्रटोळ लेखक 1 थेस्सलनीकाकरांस इंगा पौलइ इंगोगो पत्रलेका शैलीद वापर शेस्ताळ. दिन मिन्द्केल कंपीस्ताद कि मुख्य लेखक पौल उंड्या. सिला इंगा तीमथ्य इर अभिवादनला समाविष्ट उंडार (2 थेस्स. 1:1) संगेम अध्यायला मनाम इल्ला लीवास्ताम कि, आ आंदार मुगुर जन सहमती इच्चीर. लीवासने स्वरूपदी लीवास्काम पौलदी लेकुंड्या येनटीक की वाळ फक्त शेवटी शुभेच्छा (अभिवादन) इंगा प्रार्थना लीवाश्या (2 थेस्स 3:17). पौल कदाचित तीमथ्य किंवा सिलाक पत्र लीवाशीन्याला.

तारीख इंगा लीवाशिनेद जागा

साधारण इ.स. 51 - 52.

पौल 2 थेस्सलनीकाकरांस इदी करिंथला लीवाश्या, यंदू वाळ 1 थेस्सलनीकाकरांस लीवाश्या.

प्राप्तकर्ता

2 थेस्सलनीकाकरांस 1:1 “थेस्सलनीकाकरासदी मंडळी” दांचांग 2 थेस्सलनीकाकरास उद्देशता वाचाशेटोरकि शप्ताद.

हेतू

परमेश्वर दिवसबद्दल सैद्धांतिक चूकलु सुधरामतेळदी उद्देश्य उंड्या. विश्वासशेशेटोरदी प्रशंसा शेस्काम इंगा वारदी विश्वास पक्का उंडीनेर्दी वार्की उत्तेजन इचकाम इंगा या मंदी वार आत्माभ्रम लालच इचांग विश्वास फेटदूर, वार इल्ला विश्वास शेशिनीर कि परमेश्वर दी दिवस वचेळ पहिलाने परमेश्वरदी पहिला वचीन्या इंगा इ शिकवणदी वार स्वता फायदा इचांग दुखा मतीनीर.

विषय

आशाला उंडकाम

रूपरेषा

1. दंडाम — 1:1, 2

2. अडचणला सांत्वन — 1:3-12

3. परमेश्वर दिवस बद्दल सुदरामत्काम — 2:1-12

4. वार भाग्यसंदर्भला आठवण — 2:13-17

5. व्यवहार बाबला बद्दल उब्दोधन — 3:1-15

6. शेवटदी अभिवादन — 3:16-18

1 परमेश्वर माद आब्बा व प्रभू येशु ख्रिस्त वान्द दिन टला उंडीद थेस्सलनिका शहराल्द मंडळीक पौल, सील्वान व तिमाथ्य वानतीकूट: 2 द्यावार आब्बा व प्रभू येशु ख्रिस्त वानद्वारे मीरक कृपा व शांती उंडाला.

3 तम्मूलु इंगा शेल्यानलु, मीम सर्वदा मीरईशयला द्यावारद उपकारस्तूती शेस्देन्क बेक इंगा इदी योग्यच उंडाद कारण मीरद इश्वास संना वाडास्तात इंका मीर आनदारला प्रत्येकोरक वगामिगारमिंदूडद प्रीती संग्याम वाडास्ताद ; 4 दानमिंदुट मीद आंता छळाला व मीर जी सहनशीलता व जो इश्वास सुपतार आबद्दल द्यावारद मंडळ्यानूट मीम स्वतः मीरद माक गर्व उंडाद. 5 वार परमेश्वरद योग्य न्यायाद प्रमाण आदि; न्याय इदी की, आइच्चाका मीर दु:खम सोसासतार आ परमेश्वरद राज्याला मीर योग्य ठराशी फोवाला. 6 मीर मिंदा संकट येतकेण वच्च्यातोर मंदिद संकटागोन परतफेड शेशेद इंगा संकट सोशातोर मीरक मासंगा विश्रांती इच्चेद, इदी द्यावारद दृष्टीगोन न्याय उंडाद, 7 आणकेन प्रभू येशु प्रकट आय्येद समयी ला आइ; वाड मनाद सामर्थ्यवान देवदूतासंगा स्वर्गानूट अग्निज्वाला संगा प्रकट आइ[a]. 8 आप्पुड यावार द्यावारक गुड तू फेट्यालेद व मनाद प्रभू येशून्द सुवार्ता मानाशा लेद वानिक वाड दंड इच्ची.[b] 9 आप्पुड वारन प्रभू न्द मुदारनूट व वान्द सामर्थ्याद गौरवानूट दुराम शेसदेन्क वच्ची सार्वकालिक नाश इदी शिक्षा वारक शिक्की.[c] 10 मनाद पवित्रजनांद ठायी गौरव शिकाला आणकेन इंका आ दिवस ला पवित्रजनांद ठायी आश्चर्यपात्र आवाला आणकेन वाड वची कारण मीम इच्चीन्द साक्षी मिंदा मीर इश्वास फेटीन्द उंडार[d]. 11 दानइच्चाका तर मीम मीर इच्चाका सर्वदा इळा प्रार्थना शेस्ताम की, मनाद द्यावारा मीरक आइनेद वांद पाचारानक योग्य इळा मानाशेद इंका चांगुलपणाद प्रत्येक मनोदय व ईशवासाद कार्य सामर्थ्यागोन पूर्ण शयाला; 12 दानइच्चाका की, मनाद परमेश्वर प्रभू येशु ख्रिस्त वान्द कृपेगोन मनाद प्रभू येशु वान्द फेरक मीरद ठायी व मीरक वानठायी, गौरव शिकाला.[e]

थेस्सलनीकाकरांस दुसरे पत्र 2 ->