8 Keta Yave Guyau baguna i baguniya Ideni nenei gagasa kuweyaina keta namoḡanama i gikamakamiya nokomai i teniya. 9 [d]I fufunisiya kai dewabausi nokomai si tafwa keta si sakuna uwasi dewadewasi. Baguna sinefounei kai nuwesi si misiniya. Kai tamokaḡa i misiniya o yawasi kana kai eatu tamo o dewadewana keta goyona kasi kafa sanamana kana kai.
18 Yave Guyau tauna nenei i bwaduwa, “Namoḡa kana kisina i fakwafakwa atu muka dewadewana. Unana ana fufuniya be ina ovivitiya.” 19 Keta fwayafwaya i viya keta yomuyomu matatafusi be manuwa matatafusi i gikamakamisiya. Keta i nemiisiya namoḡa nenei be ita kitiya namoḡa namaise kasi wava ita kavenena, keta namaise kasi wava i viweneya naki maise kasi wava. 20 Namoḡa, manuwa kawasasakaoḡowai be yota yomuyomu nimwauwai eketa kidagimai matatafusi kasi wava i kavenena, eatu muka tamo nama ita nufotai Adama[e] kana toovivita.
21 Eketa Yave Guyau namoḡa i visanafuwiya keta i banumatemateya. Keta yawane i banubanuwa nenei, Guyau namoḡa ninivatavatanina i viya atu viyo nenei kawakivina i tenefotiya. 22 Yave Guyau gumayogu i gikamakamiya namoḡa ninivatavatanina nenei eketa i nemiiya namoḡa nenei.
23 Namoḡa i bwaduwa,
25 Namoḡa keta kawana nukusi gonegonesi atu muka sita sinemumu.
<- Kabikona 1Kabikona 3 ->- a Ibeniu 4:4,10
- b Yauna 20:11
- c 1 Kononita 15:45
- d Kenokita 2:7, 22:2,14
- e Ibeniu fonasiyai, Adama kana givina maise namoḡa.
- f Ibeniu fonasiyai, gumayogu kana nowanowana maise namoḡa.
- g Madiu 19:5, Maka 10:7,8, 1 Kononita 6:16, Efeso 5:31