20
Visime 10
Visime Nuvinavinana 5:1-21
1 Eketa Guyau gisawakedana nofe matatafuna namoḡa i venisiya.
2 “Iyau Yave yami Guyau, Itifita nenei kwa vitovikaetoḡa atu a kikinomana-nemiimiya.
3 Mukamokena tamo avi guyau nenei kwana kodukodu naki kaku kisimokeku.
4 [a]Mukamokena tamo aviyavana abamai o fwayafwayai o ukowa sinenei fwayafwaya sifunei kasi fusafusa maise, kwana kifufunavikuvikukuneina fasimiyai. 5 [b]Mukamokena kaetutumi kwana viketogunisi be kwana kodukodu nenesiyai. Uḡuna Iyau Yave yami Guyau o muka ata sawateweyeimi be mani guyau nenesiyai kwana kodukodu. Tasike aviyaonana sina adibutoyotoyoikuwa, nao ana vimatadawanisiya yota maise ina niya natunatusi, waḡawaḡasi keta iteitesi nenesiyai. 6 Eatu taki kwana nuwagabubuwikuwa be yaku visime kwana muniisiya, nao yaku nuwagabubu fakwafakwa-vaḡasina nenemiyai be yota susukwami nenesiyai, muka ina kakavei.
7 [c]Mukamokena kaku wava kwana viibakaokaoḡowei. Taki aitevana kaku wava ina viibakaokaoḡowiya, Iyau Yave yami Guyau ana vimatadawaniya.
8 [d]Kuyadayada Sabati kwana vifotuwiya keta kwana tenesiniya fasikuwai. 9 [e]Kuyadayada 6 nenesiyai kwana mudadava, 10 eatu kuyadayada kana vi7 o Sabati kana kuyadayada, tenetenesineinana Yave yami Guyau fasikuwai. Kuyadayadanama nenei mukamokena tamo aitevana ina mudadava — maise kwami, natunatumi, kami kaetoḡa, yami yomuyomu keta yota aviyaonana yauyauna yami fafaniyai si fakwafakwa. 11 [f]Uḡuna kuyadayada 6 nenesiyai Iyau Yave abama, fwayafwaya be gibo keta yota iba matatafusi sinesiyai a fufunisiya, eatu kuyadayada kana vi7 nenei a viyawasiya. Na fasinei Iyau Yave kuyadayada Sabati a sawanuwagabubuwiya keta a tenesiniya fasikuwai.
12 [g]Amamami keta ayoayomi kwana vifotuwisiya ebe fwayafwayanama Iyau Yave yami Guyau a venivenimiya nenei, kwana fakwa yawasimi nubwayouna.
13 [h]Mukamokena aitevana tamo kwana nuvimatei.
14 [i]Mukamokena aitevana tamo kawana kwana mataveyei.
15 [j]Mukamokena kwana gikuma.
16 [k]Mukamokena unafafanimi fasinei kwana meyanonoweisi.
17 [l]Mukamokena unafafanimi tamo yana numa kwana kitanuvadiḡei. Mukamokena kawana kwana kitanuvadiḡei o kana kaetoḡa o yana yomuyomu-menana o taki tamo yana aviyavana.”
<- Yauna 19Yauna 21 ->
- a Yauna 34:17, Visime Tafu 19:4, 26:1, Visime Nuvinavinana 4:15-18, 27:15
- b Yauna 34:6,7, Ginaḡanaḡa 14:18, Visime Nuvinavinana 7:9,10
- c Visime Tafu 19:12
- d Yauna 16:23-30, 31:12-14
- e Yauna 23:12, 31:15, 34:21, 35:2, Visime Tafu 23:3
- f Kabikona 2:1-3, Yauna 31:17
- g Visime Nuvinavinana 27:16, Madiu 15:4, 19:19, Maka 7:10, 10:19, Nuke 18:20, Efeso 6:2,3
- h Kabikona 9:6, Visime Tafu 24:17, Madiu 5:21, 19:18, Maka 10:19, Nuke 18:20, Noma 13:9, Yemesa 2:11
- i Visime Tafu 20:10, Madiu 5:27, 19:18, Maka 10:19, Nuke 18:20, Noma 13:9, Yemesa 2:11
- j Visime Tafu 19:11, Madiu 19:18, Maka 10:19, Nuke 18:20, Noma 13:9
- k Yauna 23:1, Madiu 19:18, Maka 10:19, Nuke 18:20
- l Noma 7:7, 13:9