SAN MARCOS 7

Jesús bakuya mé= xi tsijndire xuta ngixkun Naꞌenchana

Mt. 15:1-20

1 ꞌBa kio nchja fariseo ꞌba yakꞌa chjine kjuatexuma xi jendibani naxinanda Jerusalén kitsitiñatꞌare Jesús. 2 ꞌBa nchjabiu tsabe nga yakꞌa xutare Jesús bi banejun ntsja nga kjen. Ngu tsunire nga bi inyatsikꞌetjusun kjuachingare tseꞌe judío nga banejun ntsja nga kjen. 3 (Ngatꞌa nchja fariseo ꞌba ngatsiꞌi xuta judío tsikꞌetjusun kjuachingare nga tjunfara nda banejun ntsja ꞌba saꞌe kjen. 4 ꞌBa kionga je faꞌeni ndetsin, bi kjen kio ꞌnda nga̱ je tsikꞌetjusun kjuachingare nga banejun ntsja. ꞌBa nkjin kjuachinga tjin ngisare xi tsikꞌetjusun, joni nga banejun chutsinre, tijire, ko tikure xi kicha ni ꞌba ko nachanre.) 5 ꞌBa kui= kjuañu, nchja fariseo ꞌba ko chjine kjuatexuma tsiningiyare Jesús:

—Naꞌen, ¿ánñu xutari bi tsikꞌetjusunni kjuachingare xuta chingana, nga bi banejun ntsja nga kjen?

6 ꞌBa Jesús kitsingojore:

—Jun, ¡xuta xi jó nkjon tjin! Kjuakixi= xi kitsu xuta chinga profeta Isaías ngatꞌa tsojon, kionga ꞌbitsaꞌen kitsiꞌindu:

Kui= xutabi tu tsꞌa bekunnina̱,

tunga inimare kjin tjindu ngatꞌa tsaꞌan.

7 Tumé chjinire nga bekunnina̱,

ngatꞌa tu kjuatexumare xuta= bakuya.

8 Ngatꞌa jun xin ꞌbejño kjuatexumare Naꞌenchana tuxi kjuachingare xuta kuetjenngiñu.

9 ꞌBa Jesús kitsure ngayeje:

—Tuxi sikꞌejñakunñu kjuachinganu, ꞌbejñatꞌaxinñu kjuatexumare Naꞌenchana. 10 Ngu Moisés kitsu: “Chakuin naꞌenri ꞌba ko nari”, ꞌba “Xi chꞌo kuetsure naꞌenre asa nare, kjuinikꞌen”. 11 Tunga jun bixun=ñu nga jngu xuta ku̱an kuetsure naꞌenre asa nare: “Bi ku̱an kuasekora̱, ngatꞌa ngayéje xi tjinna̱ Corbán kuán” (en xi tsunire: tsajmi xi je tseꞌe Naꞌenchana joni chje); 12 ꞌba tsa tjin xi ꞌba kuetsu, bi nde baꞌeꞌndeni_ru nga kuaseko naꞌenre asa nare. 13 ꞌBa= tsaꞌen, jun miyuniu enre Naꞌenchana ngatꞌare kjuachinga xi kisꞌejñanu ꞌba xi nikjaꞌaxtiuya ngani_ru xingiu. ꞌBa nkjin tsajmi joni kibi ñaꞌan ngiso.

14 ꞌBa jaskan Jesús kinchja nganire xutankjiun, ꞌba kitsure:

—Tasen ñojonnu ngatsiꞌu, ꞌba ngatamankjinnu: 15 Tumé xi ndibani ngandetsian xi faꞌasꞌejin yojore xuta xi tsijndire ngixkun Naꞌenchana. Tu kui sani xi ꞌbetukajin inimare xi tsijndire. 16 Xi tjin ñojon, ngatasen ñojon.

17 ꞌBa kionga Jesús kitsikꞌendu xuta ꞌba jaꞌasꞌen ndaba, xutare tsiningiyare ngatꞌa tseꞌe en xi yakuya. 18 ꞌBa Jesús kitsure:

—¿A ꞌba=nde jun bi mankjinnu ngayeje? ¿A bi ꞌyo nga tumé xi ndibani ngandetsian xi faꞌasꞌenjin yojore xuta xi tsijndire ngixkun Naꞌenchana? 19 Ngatꞌa bi ngajin inimare faꞌasꞌen, tu ngaya ngatsꞌa sani, ꞌba jaskan ꞌbetukajin ngani yojore.

Nga ko enbi kitsuni nga tsajain xi ma chine xi ma tsijndire xuta ngixkun Naꞌenchana. 20 ꞌBa kitsu ngayeje:

—Tu kui xi ꞌbetukajin inimare xuta xi tsijndire ngixkun Naꞌenchana. 21 Ngatꞌa inimare xuta= ꞌbetukajinni: kjuafaꞌetsjen xi bi nda, kjuachajngi xi tseꞌe xiꞌin ko jngu chjun xi kje bixanjín, kjuacheje, nga tsikjesun xuta, 22 kjuachajngi, xi tsimején yeje tsajmi, kjuachꞌokun, kjuaꞌbejñu, xi mangisjai kjuatsjare yojore, kjuaxinkakun, kjuandesun, kjuankꞌatakun, ꞌba ko xi bi tsikjaꞌetsjen titjun mé= xi tsaꞌen. 23 Ngayéje kjuachꞌobi inimare= ꞌbetukajinni, ꞌba kui= xi tsijndire xuta ngixkun Naꞌenchana.

Jesús tsinda jngu chjun xi bi tseꞌe Israel

Mt. 15:21-28

24 ꞌBa Jesús ꞌetjuni kio ꞌba kiji ngaꞌnde xi Tiro ꞌmi ꞌba jaꞌasꞌen jngu niꞌya. ꞌBa bi kuamejénre nga tjin xi skue nga kio tijña; tunga bi kuán tsikꞌejñaꞌmo. 25 Taꞌa kjintꞌe ngatꞌare Jesús jngu chjun xi tjinre jngu kiꞌndi chjun xi tjinre jngu isennixtjin xi bi nda; ꞌba kui kikasenkunchꞌintꞌare Jesús. 26 ꞌBa chjunbiu bi tseꞌe Israel, nangi xi Sirofenicia ꞌmi kitsin. ꞌBa ꞌetsꞌare Jesús nga ngatoꞌoxjejinre isennixtjin xi bi nda kiꞌndire. 27 Tunga Jesús kitsure:

—Taꞌeꞌnde_ri nisti kiꞌndiu nga nda fara ngatatsere, ngatꞌa bi nda tjin nga xjaꞌare niñuxtilare tu ꞌbani nga kiꞌndi naña kuaꞌere.

28 Tunga chjunbiu kitsingojore:

—Joꞌo, naꞌen; tunga kaꞌnda tjiunaño kjine tꞌia xi tsikixungi nisti kiꞌndiu ngi yamixo.

29 ꞌBa Jesús kitsure:

—Tꞌinrandai, tu ngatꞌare nga ꞌba tsaꞌen kjinukjuai, isennixtjin xi bi nda je ꞌetukajinre kiꞌndi chjunri.

30 ꞌBa kionga chjunbiu echu ngani ndaba, tsabe kiꞌndire ngasun nachanre, tunga bi nde tijñajinnire isennixtjin xi bi nda.

Jesús tsinda jngu xuta xi xtaya ꞌba tsakjan

31 ꞌBa jaskan Jesús ꞌetju ngani nangi xi Tiro ꞌmi, ꞌba jaꞌaxtiu nangi Sidón ꞌba echu ndachikun Galilea ko nangi xi Decápolis ꞌmi. 32 ꞌBa kio jaꞌechanire jngu xuta xi xtaya ꞌba xi tsakjankoni, ꞌba kichjaꞌare nga ngatanere ntsja. 33 ꞌBa Jesús kikotꞌaxin kioña tjindu xutankjiun, ꞌba kiskanisꞌen najma ndsa ñojon xuta xtayabiu. ꞌBa ko ndatiare Jesús kitsiko najenre xuta tsakjon. 34 ꞌBa jaskan Jesús kiskutsejen ngankꞌaa ꞌba jaꞌatsere, ꞌba kitsure xutabiu:

—Efata. (En xi tsunire: ¡Ngatatjuꞌi!)

35 ꞌBa ndekuini chubabiu ñojon xuta xtayo tsixꞌa, ꞌba najenre kuanda ꞌba nda kinchja. 36 ꞌBa Jesús kitsure xuta nga tuꞌyá ngateꞌere nijmi mé= xi kuán; tunga ngisa= tu kitsaꞌen, ngisa= ꞌñu yeꞌe nijmi. 37 ꞌBa xuta niki ꞌñu= kuakunre, ꞌba tsure xinkjin:

—Kui ngayéje nda tsaꞌen ꞌba kaꞌnda tsaꞌen nga xi xtaya ma ntꞌe ꞌba xi tsakjan ma nda nchja.

<- SAN MARCOS 6 SAN MARCOS 8 ->