—¡Je kitukjaꞌaxin yojore naina ngaya tsju, ꞌba bi ꞌyee̱ ñá kisꞌejña ngani!

3 ꞌBa ꞌbatsaꞌen Pedro ko xutare xi ngijngu kiji ña tijña tsju. 4 Tsangatsanga ngojó, tunga xutare xi ngijngu ngisa ꞌñu tsangatsanga nga ko mare Pedro ꞌba kui tjun echu tsju. 5 Tunga bi jaꞌasꞌen. Tu tsakasen tsindi tuxi skutsejenyani ꞌba tsabe nga kio tijña najñu xi tsꞌatjijun yojore Jesús. 6 ꞌBa ꞌbatsaꞌen Pedro echutjenngi ngani ꞌba jaꞌasꞌen tsju, ꞌba ꞌba nde kui tsabe najñu xi kio tijña 7 ko najñu xi tsꞌatjijun nindaku Jesús xi bi kio tijñajinre najñubiu. Tu tꞌaxin tijña nga tjikuya. 8 ꞌBa ꞌbatsaꞌen ꞌba nde jaꞌasꞌen xutare xi ngijngu xi tjun echu tsju, ꞌba tsabe ꞌba kuakjainre. 9 Ngatꞌa kje mankjinjínre nchjabiu enre Naꞌenchana xi ꞌbatsaꞌen kuaꞌindutꞌa nga tjinnere nga kjuaꞌaya nganire Jesús ngajinre mikꞌen. 10 ꞌBa ꞌbatsaꞌen xutare Jesús jendiba ngani ndaba.

11 Tunga María tsakasen ngandetsin tsju nga tikjiꞌnda. ꞌBa yejerañu tikjiꞌnda tsakasen tsindi tuxi skutsejenyani tsju 12 ꞌba tsabe jó ankje xi yaja najñu tiba, xi tjindu ngaꞌnde ña kisꞌejña yojore Jesús tsakaiñu. Jngu xi tsikꞌejña ña kisꞌejña nindaku, ꞌba jngu xi tsikꞌejña ña kitsjen ndsaku. 13 ꞌBa ankjelebiu kitsure María:

—Na, ¿ánñu techiꞌndani?

ꞌBa María kitsu:

—Ngatꞌa kitukjaꞌaxin= yojore naina̱, ꞌba bi ꞌbia̱ ñá kisꞌejña ngani.

14 ꞌBa yejerañu ꞌba titsu, kitsikuꞌbe nindaku ꞌba tsabe nga kio sejña jngu xuta. Kui xi Jesús, tunga bi tsabexkun. 15 ꞌBa Jesús kitsure:

—Na, ¿ánñu techiꞌndani? ¿ꞌYá= xi temijnyisjai?

ꞌBa María kitsikjaꞌetsjen nga kui= xuta xi tsikuenda ya xi kio tjintje ꞌba kui kjuañu kitsunire:

—Naꞌen, tsa ji kaꞌmikue, ꞌba tꞌinnaa̱ ñá kafajñe, ꞌba kuikjaꞌa ngañaa̱.

16 ꞌBa Jesús kitsure:

—María.

ꞌBa ꞌbatsaꞌen María kitsikuꞌbeya ꞌba nga ko en hebreo kitsure:

—¡Rabuni̱! (En xi tsunire: maestru.)

17 ꞌBa Jesús kitsure:

—Bi chjunnaa̱, ngatꞌa kje fijía̱n ña tijña Naꞌenna̱. Tunga tikꞌe_ri nijmi ntsꞌia̱ nga kuikatejñakua̱ Naꞌenna̱ xi ꞌba nde Naꞌennu, Naꞌenchana̱ xi ꞌba nde Naꞌenchanu.

18 ꞌBa ꞌbatsaꞌen María Magdalena kikeꞌere nijmi xutare Jesús nga tsabe Naꞌenna ꞌba ꞌba nde yeꞌere nijmi mé= xi kitsure.

—Ngatjasꞌenu kjuaxiu.

20 ꞌBa kionga je ꞌba kitsure, yakure teyantsja ko nisinre. ꞌBa tsja kuánre xutare nga tsabe ngani Naꞌenna. 21 ꞌBa Jesús kitsu nganire:

—Ngatjasꞌenu kjuaxiu. Jotsaꞌen Naꞌenchana kitsikasenna̱, ꞌba=nde tsaꞌen tetsikasen_nuu̱ ngandaꞌe.

22 ꞌBa kionga je ꞌba kitsu, ꞌentjore nchjabiu ꞌba kitsure:

—Chjubetjo ngajin inimanu Isennixtjintsjere Naꞌenchana. 23 Xi sichatꞌa_ru jere, ku̱achatꞌare jere. ꞌBa xi bi sichatꞌa_ru jere, janda= sꞌe̱re jere.

24 ꞌBa Tomás xi ꞌba nde xuta ꞌñú ꞌmi, xi ꞌba nde jngu xutare xi tejó, bi kio tijñajinre kionga jaꞌe Jesús. 25 ꞌBa xutare xi yakꞌa yeꞌere nijmi ꞌba kitsure:

—Je= kjiꞌyee̱ Naꞌenna.

Tunga Tomás kitsure:

—Tsa bi skuia̱ chubare xiun ngaya ntsja, ꞌba tsa bi skanisꞌia̱n najma ndsaa̱ ña kijire xiun, ꞌba tsa bi skanisꞌia̱n ndsaa̱ nisinre, bi ku̱akjainna̱.

26 ꞌBa kionga je jaꞌa jin nixtjin, tjinduya ngani ngaya jngu niꞌya xutare, ꞌba nde kio tijñajinre Tomás. ꞌBa ninga tjichja xuntjo, Jesús jaꞌekasenjin nganire ꞌba kitsure:

—Ngatjasꞌenu kjuaxiu.

27 ꞌBa ꞌbatsaꞌen kitsure Tomás:

—Chutsejen_ri ndsaa̱ ꞌba chanisꞌen najma ndsai ngaꞌe. ꞌBa ndechanisꞌen ndsai nisinna̱. Bi nitajai inimari. Tusa ngatjamakjainri.

28 ꞌBa Tomás kitsingojore:

—¡Naina̱ ꞌba Naꞌenna̱!

29 ꞌBa Jesús kitsure:

—Makjainri ngatꞌa je= kjiꞌyanaa̱. Ndare xuta xi bi tsabena̱ tunga kuakjainre.

30 ꞌBa nkjin ngisa kjuakun xi kitsaꞌen Jesús ngixkun xutare xi bi i tjitꞌa xujunbi. 31 Tunga kibi tjitꞌa, tuxi ku̱akjainninu nga Jesús xi Cristo, Kiꞌndire Naꞌenchana, ꞌba tuxi sꞌe̱ninu kjuabenichun nga ku̱akjainnu ngatꞌare kui.

<- SAN JUAN 19SAN JUAN 21 ->