1 Mkulu Nguluwi ndo mdimi wa heni,

sipunguchilwa na chinhu.

2 Hali honhu ha misolo midodi kangumbasilizaga,

hafungo ha mazi gasindamale kangundongozaga.

3 Kanguuhilusilaga muhe wa heni mong'ho unyale.

Kuli nzila ya hachi kangundongozaga,

kwa chiwalo cha kuzeleka kwa heye.

4 Hanga hondikola hali ibindi lya jiza likulu lya kubagama,

sidumba wihe woneche,

kwa vila hegwe, gwa Mkulu Nguluwi kwa hamwe na heni,

nyimbati na ng'hweku ya hegwe vyangunyamila.

5 Nakumbichila goya mnvina hali wang'honyo wa heni,

nakumbakaliza heni mafuta kumutwi,

chizombe cha heni chimema lukami.

6 Kwa kukomya, kunoga kwa hegwe na igano lya kwimilila lya hegwe vyowa hamwe na heni,

kuli mazuwa geng'ha ga ukomu wa heni,

nani ndochikala kuli ng'handa ya Mkulu Nguluwi mazuwa gose.

<- Zabuli 22Zabuli 24 ->