1 [a]Jisasde nugeab daidaigegi simai menüm wangeaga, “Ferefinabur menmen gam fürügebüre, daba daba adab adab tataigeregeaga. Bangeagako, fere baba kabia kabia taibürügeaga baba, nu dabnanai. 2 Kegenam güre erekokai saka nagüb barub wartaudi masyag nigumo fotuwediba, baba kogi. Baba sibenana, na mogoi fara güre namana kabia kogi güre abatarudiba, baba kürüna kogi. 3 [b]Babaure nini ninagure idadau taugane.
20 [l]Farisiwarde Jisas menüm totowen, “Am sese gam Keriabüb Koroba ogurebeaga?” Bangar Jisasde dora ninib menüm toweaga, “Keriabüb Koroba oguregi sese gam, am daba güre bera sibe taideregarge, bangar ferefinabur nugengab egede kegeweregedige. 21 [m]Bangar menüm wageregedige, ‘Kegewenan, meag büreaga,’ ede ‘Egina bag büreaga.’ Edenan. Keriabüb Koroba manage ninag kodigo büreaga.”[n]
22 Bangar Jisas nugeab daidaigegi simai menüm wangeaga, “Kuri sese taideregeaga baba, ninag Fereb Nonob sese güre, kegewebürenana geregenan. Bangeagako, kegeweregarge. 23 [o]Bangar ninag menüm wangeregen, ‘Kegewenan, nu egina bag büreaga,’ ede ‘Kegewenan, nu meag büreaga.’ Bangeagako, nini kümüna daingagana. 24 [p]Ninag sibam, uyankengenim taidügafaigeaga baba, magadi gürenakuti meramgafaigeaga. Bana Fereb Nono tugu nuge oguregi sese gam babanüm gürena geregeaga, bangar ferefinabur gürenakuti kegeweregegin. 25 [q]Bangeagako, nu kub epüra fanam kemeidie, bangar meme sese gamnab ferewar nige duweregegin.
26 [r]“Noab sese gam kabia babanüm geginwaib, kabia babanüm gürena, Fereb Nono oguregi sese gam geregegin. 27 [s]Noab sese gam daba, yag negi fünai gübüren, ferewar finabur kiregegin, finabur kam degin, bangedi kümüna kümüna Noa oude ere gam iruwegi sese gam taiden. Bana kuiai erekokai taidüdi ferefinabur gürenakuti kogifürüngeaga. 28 [t]Ferefinabur kabia babanüm gürena, Lotüb sese gam geginwaib. Baba, yag negi gam büren, daba murugegi, sugurwegi fünai tugu küm fünai fata fünai güdi büren. 29 Bangeagako, Lot nu Sodom ebgadüdi kümüneaga, bangar baba dü gamnana keb tugu kegenam salfa tugu, yag sibe magadi gamde musuweaga. Bangüdi ferefinabur gürenakuti kogifürüngeaga. 30 [u]Bana Fereb Nono agüba taidegi dü gam, kabia babanüm gürena taideregeaga.
31 [v]“Baba dü gam, fere güre fata kekia bürar nugeab daba daba fata goime bürarba, debüre iruwebeagana. Babanüm gürena, fere küm gam büreaga baba, fata gam maigüdi ogurebeagana. 32 [w]Nini Lotüb fia gam daba taideaga baba utungane. 33 [x]Fere güre nugeab gotogegi nugede debetawebüregüdiba, gotogegi nub kenegeregeaga. Bangeagako, fere güre nugeab gotogegi ye gam ebgadüdiba, gotogegi nub nama büreregeaga.
34 [y]“Ye wangün, Fereb Nono utumnonou taideregeaga baba, fere aküre kur gürena gam kineregegin, bangar Keriabüde güre igaiudi, güre ebgadar büreregeaga. 35-36 Finabur aküre plaua taiberebüre wit magi toabüreregegin, bangar Keriabüde güre igaiudi güre ebgadar büreregeaga.”[z] 37 [aa]Daidaigegi simai dora baba edüdi, Jisas menüm totowen, “Erekokai, baba daba daba arag taidebeaga?” Bangar Jisasde menüm wangeaga, “Araugam dag fere mob mob büreaga baba gam gürena, mabig ogura guruafaigen.”
<- LUK 16LUK 18 ->- a Mt 18.6-7; Mk 9.42
- b Wkp 19.17; Snd 17.10; Mt 18.15; Je 5.19
- c Mk 9.24
- d Mt 17.20; 21.21; Mk 9.23; 11.23
- e Lu 12.37
- f Mt 25.30; Ro 3.12; 1 Ko 9.16-17; Fm 1.11
- g Lu 9.51-52; 13.22; Jo 4.4
- h Wkp 13.46
- i Wkp 13.45-46
- j Wkp 13.2; 14.1-32; Mt 8.4; Lu 5.14
- k Mt 9.22; Mk 5.34; Lu 7.50
- l Jo 3.3; 18.36
- m Mk 13.21; Lu 17.23; Ro 14.17
- n Sibam ferewar gürekoi dora adab meme menüm turegegin, “Edenan. Keriabüb Koroba manage ninag roime büreaga.”
- o Mt 24.23; Mk 13.21; Lu 17.21; 21.8
- p Mt 24.27
- q Mk 8.31; 9.31; Lu 9.22
- r Stt 6.5-8; 7.1-24; Mt 24.37
- s Stt 7.6-24
- t Stt 18.20—19.25
- u 2 Te 1.7
- v Stt 19.17; 19.26; Mt 24.17-18; Mk 13.15-16
- w Stt 19.26
- x Mt 10.39; 16.25; Mk 8.35; Lu 9.24; Jo 12.25
- y Mt 24.40-41; 1 Te 4.17
- z Sibam fere gürekoide wagen, meme boro gam, dora güre tugu büreaga. Dora baba menüm, “Fere aküre kum gam büreregegin, bangar Keriabüde güre igaiudi güre ebgadar büreregeaga.” Matyu 24.40 baba kegewane.
- aa Jop 39.30; Mt 24.28