13 Buai, ki laglag wa umele urder able agekar mir netiba ut erdedi eudge, ia waiakai wa umerkak okasosok urder mokakalam able le nole umerkak nalu pe dikase. 14 Mi umele uridli merbi nerkeplam Iesu eumida a ko ekiamda, pako mi umele uridli merbi nerkeplam Agudide ia watais Iesui kemem able le ge baumi. 15 Abialam Oplera mir ki wabi detagreda able le pe kiki mena idid uridli able le ge kerbi dikaireta paki uridli mena Ople watakomer, iaki umerkak nabakiaware kikem able lege ge baumi, 16 Ableglam Ople ia tababu otabu kotorlam abra mir ia aukelakela waike, a pako kirim angelara kodomir a Agudira burar, able eudle pe Kerisoi doge erdedi ia kikem obakiam. 17 Keubu mimi pemi mena idid uridli ia mi tatkimdare okakise muige basge a Ople op tadapidare mige. 18 Wa waba okabaskawem able miru.

<- 1 TESALONIKA 3