1 Kaka wabim able mir ditali, kara kebi omaskir, ia waiakai wa umerkak wit ikelare. Ese na lelut ia wit waikai, Iesu Keriso e merbim kesge tabagoli able barkak le taba Babim.[a] 2 Nade able idid tabakiamuda gem baida kiki abi dasmerda. Kiki able le uridli geki urder, kipe wabi peki detagreda able niai idid ge dawer Babidoge okakise a merbim batomerda. 3 Ki agekar umele uridli ki netatbuai Agudidoge uridli no abra mir tebteb kiki asreda. 4 Nade wader legize oditautlare, “Kaka Agudira tebud nali,” wi nole abra mir wasorlare, wipe besle uridli, a wi Agudira Mir direda. 5 Lera lag Agudim kemerkemer obakiamu nade e abra mir odasrer. 6 Mi umele nale Agudidoge uridli ableglam mi umele dasmerlare nale uridli mokakalam Iesu dawer.

28 Pedikeredi, kara kebi omaskir, mena uridwa Kerisoidoge ia waiakai mi umele siripkak warder a nole ko abialam nabaspe siripge nade e takomer.

29 Wa umele uridli Keriso pe barkakle dali; ableluglam wa umele uridli nale pe nade barkak waurder wi Agudira omaskir.

<- 1 IOANE 11 IOANE 3 ->