1 Asmanda zor ⱨǝm karamǝtlik yǝnǝ bir alamǝtni, yǝni ahirⱪi yǝttǝ balayi’apǝtni tutup turƣan yǝttǝ pǝrixtini kɵrdüm (ahirⱪi balayi’apǝt deyilixtiki sǝwǝb, Hudaning ƣǝzipi bular bilǝn ahirlixidu).[a]

2 Mǝn yǝnǝ ot arilax ǝynǝk dengizidǝk bir kɵrünüxni ⱨǝm ǝynǝk dengizning üstidǝ turƣan, diwǝ wǝ uning but-ⱨǝykili wǝ namining rǝⱪimi üstidin ƣalib kǝlgǝnlǝrni kɵrdüm. Ularning ⱪollirida Huda bǝrgǝn qiltarlar bolup,[b] 3 ular Hudaning ⱪul-hizmǝtkari bolƣan Musaning küyini ⱨǝm Ⱪozining küyini eytixatti: —

«Uluƣ wǝ karamǝt Sening ⱪilƣanliring,

I Ⱨǝmmigǝ Ⱪadir Pǝrwǝrdigar Huda,

Yolliring adil wǝ ⱨǝⱪtur,

I pütkül ǝllǝrning Padixaⱨi![c]

4 I Pǝrwǝrdigar, kim Sǝndin ⱪorⱪmaydiƣan,

Namingni uluƣlimaydiƣan bolalisun?

Qünki birdinbir muⱪǝddǝs Ɵzüngdursǝn;

Barliⱪ ǝllǝr aldingƣa kelidu,

Sanga sǝjdǝ ⱪilidu;

Qünki ⱨǝⱪⱪaniy ⱪilƣanliring axkarǝ boldi».□«Qünki ⱨǝⱪⱪaniy ⱪilƣanliring axkarǝ boldi» — «ⱨǝⱪⱪaniy ⱪilƣanliring» yaki «qünki ⱨǝⱪⱪaniy ⱨɵkümliring axkarǝ boldi». «munasiwǝtlik ayǝtlǝr» — «Yǝr.» 7:10, «Zǝb.» 86:9-10.  [e]

5 Bu ixlardin keyin, mǝn kɵrdümki, mana ǝrxtiki ibadǝthana, yǝni ⱨɵküm-guwaⱨliⱪ qediri eqildi!□«ⱨɵküm-guwaⱨliⱪ qediri» — Tǝwrat dǝwridǝ ibadǝt qediri «ǝⱨdǝ sanduⱪi» ⱨǝm uning iqidiki «on pǝrman»ning makani bolƣanidi. Bu «on pǝrman» Hudaning harakteri wǝ pǝzilǝtlirini kɵrsitidiƣan bolƣaq, qedir bǝzidǝ «ⱨɵküm-guwaⱨliⱪ qediri» yaki «ǝⱨdǝ-guwaⱨliⱪ qediri» dǝp atalƣanidi. Ərxtiki «muⱪǝddǝs qedir» uningƣa ohxaxla Hudaning tǝbiiti toƣruluⱪ alaⱨidǝ guwaⱨliⱪ bǝrsǝ kerǝk.  [g] 6 Yǝttǝ balayi’apǝtni ɵz ilkidǝ tutⱪan yǝttǝ pǝrixtǝ pakiz, parⱪirap turidiƣan libas kiygǝn, kɵksigǝ altun kǝmǝr baƣliƣan ⱨalda ibadǝthanidin qiⱪti.[h] 7 Tɵt ⱨayat mǝhluⱪning biri yǝttǝ pǝrixtigǝ ǝbǝdil’ǝbǝd yaxaydiƣan Hudaning ⱪǝⱨri bilǝn tolƣan yǝttǝ altun qinini bǝrdi. 8 Ibadǝthana Hudaning xan-xǝripi wǝ ⱪudritidin tütün bilǝn liⱪ toldi. Yǝttǝ pǝrixtining yǝttǝ balayi’apiti ayaƣlaxmiƣuqǝ, ⱨeqkim ibadǝthaniƣa kirǝlmidi. □«munasiwǝtlik ayǝtlǝr» — «Mis.» 40:34-36, «1Pad.» 8:11-12.  [j]