1 Nǝƣmiqilǝrning bexi Yǝdutunƣa tapxurulƣan, Asaf yazƣan küy: —

Awazim Hudaƣa kɵtürüldi, mǝn pǝryad ⱪilimǝn;

Awazim Hudaƣa kɵtürüldi, U manga ⱪulaⱪ salidu. □«Nǝƣmiqilǝrning bexi Yǝdutunƣa tapxurulƣan, Asaf yazƣan küy...» — «Yǝdutun» Dawut pǝyƣǝmbǝr «mǝdⱨiyǝ hori»ning bexi dǝp bekitkǝn, Yǝdutun isimlik bir kixini kɵrsitidu («1Tar.» 16:41ni kɵrüng).
Yǝnǝ birhil tǝrjimisi: «Nǝƣmiqilǝrning bexiƣa tapxurulƣan, «Yǝdutun» (mǝdⱨiyilǝx degǝn mǝnidǝ) aⱨangida oⱪulsun dǝp, Asaf yazƣan küy...».

2 Beximƣa kün qüxkǝndǝ, mǝn Rǝbni izdidim;

Keqiqǝ ⱪolumni duaƣa kɵtürüp, box ⱪoymidim;

Jenim tǝsǝllini halimay rǝt ⱪildi.

3 Mǝn Hudani ǝslǝp seƣindim, aⱨ-zar ⱪildim;

Seƣinip oylinip, roⱨim parakǝndǝ boldi.

Selaⱨ.

4 Sǝn mening kɵzümni yumdurmiding;

Qongⱪur ƣǝxlik ilkidǝ bolƣanliⱪimdin sɵzliyǝlmǝyttim.

5 Mǝn: «Kona zamandiki künlǝrni,

Ⱪǝdimki yillarni hiyal ⱪilimǝn;

6 Keqilǝrdǝ eytⱪan nahxamni ǝslǝymǝn;

Kɵnglümdǝ qongⱪur hiyal sürimǝn» — dedim;

Roⱨim intilip izdimǝktǝ idi;

7 — «Rǝb mǝnggügǝ taxliwetǝmdu?

U ⱪaytidin iltipat kɵrsǝtmǝmdu?

8 Uning ɵzgǝrmǝs muⱨǝbbiti ǝmdi mǝnggügǝ tügǝp kǝttimu?

Uning wǝdisi ǝwladtin-ǝwladⱪiqǝ inawǝtsiz bolamdu?

9 Tǝngri meⱨir-xǝpⱪitini kɵrsitixni üntudimu?

U ƣǝzǝplinip Ɵz rǝⱨimdilliⱪini tohtitiwǝttimu?».

Selaⱨ.

10-11 Andin mǝn mundaⱪ dedim: — «Bundaⱪ desǝm bolmaydu, bu etiⱪadimning ajizliⱪi ǝmǝsmu!

Ⱨǝmmidin Aliy Bolƣuqining ong ⱪolining yillirini,

Yǝni Yaⱨning ⱪilƣanlirini — yad etimǝn;

Ⱪǝdimdin buyanⱪi karamǝtliringni ǝslǝymǝn.

12 Sening barliⱪ ixligǝnliring üstidǝ seƣinip oylinimǝn;

Sening ⱪilƣanliring üstidǝ istiⱪamǝt ⱪilimǝn;

13 I Huda, yolung bolsa pak-muⱪǝddǝsliktidur;

Hudadǝk uluƣ bir ilaⱨ barmidur?

14 Mɵjizilǝr Yaratⱪuqi Ilaⱨdursǝn;

Əl-millǝtlǝr ara Sǝn küqüngni namayan ⱪilding.

15 Ɵz biliking bilǝn Ɵz hǝlⱪingni,

Yǝni Yaⱪup wǝ Yüsüpning pǝrzǝntlirini ⱨɵrlükkǝ qiⱪarƣansǝn;

Selaⱨ.□«Ɵz biliking bilǝn... Yaⱪup wǝ Yüsüpning pǝrzǝntlirini ⱨɵrlükkǝ qiⱪarƣansǝn» — ibraniy tilidiki peilning (gaal) muxu yǝrdǝ: «Yaⱪup wǝ Yüsüpning pǝrzǝntlirigǝ ⱨǝmjǝmǝt bolup, ⱨɵrlükkǝ qiⱪarƣansǝn» degǝn toluⱪ mǝnini bildüridu. «Gaal» wǝ «goel» toƣruluⱪ «Tǝbirlǝr»ni kɵrüng.  [c]

16 Sular Seni kɵrdi, i Huda, sular Seni kɵrdi;

Titrǝk ularni basti,

Dengiz tǝgliri patiparaⱪ boldi.□«Sular Seni kɵrdi, i Huda, sular Seni kɵrdi; titrǝk ularni basti, dengiz tǝgliri patiparaⱪ boldi» — Asaf ⱨazir «Misirdin qiⱪix»tiki ixlarni ǝslǝydu. «Sular» bu yǝrdǝ Israillar mɵjizǝ bilǝn ɵtkǝn «Ⱪizil dengiz»ni, andin Iordan dǝryasini kɵrsitidu.

17 Ⱪara bulutlar sularni tɵküwǝtti;

Asmanlar zor sadasini anglatti;

Bǝrⱨǝⱪ, Sening oⱪliring tǝrǝp-tǝrǝpkǝ etildi.[e]

18 Güldürmamangning awazi ⱪara ⱪuyunda idi,

Qaⱪmaⱪlar jaⱨanni yorutti;

Yǝr yüzi alaⱪzadǝ bolup tǝwrǝndi. [f]

19 Sening yolung okyan-dengizlarda,

Ⱪǝdǝmliring qongⱪur sulardidur,

Ayaƣ izliringni tapⱪili bolmaydu.

20 Sǝn ⱪoy padisini baⱪⱪandǝk,

Musa wǝ Ⱨarunning ⱪoli bilǝn Ɵz hǝlⱪingni yetǝkliding».[g]