1 Nǝƣmiqilǝrning bexiƣa tapxurulup, «Nilupǝrlǝr» degǝn aⱨangda oⱪulsun dǝp, Koraⱨning oƣulliriƣa tapxurulƣan, «sɵyümlük yar üqün» degǝn «Masⱪil» munajat-nahxa: —

Ⱪǝlbimdin güzǝl ix toƣrisida sɵzlǝr urƣup qiⱪmaⱪta;

Padixaⱨⱪa beƣixliƣan munajitimni eytimǝn;

Tilim goya maⱨir xairning ⱪǝlimidur;□«izaⱨat» — gǝrqǝ bu küy Sulaymanning toy künini tǝbriklǝxkǝ yezilƣan bolsimu, uningdiki sɵzlǝr bexarǝt bolup, alǝmning padixaⱨi bolidiƣan Mǝsiⱨnimu aldin’ala kɵrsitidu. «padixaⱨⱪa beƣixliƣan munajitimni eytimǝn» — ibraniy tilida «padixaⱨⱪa beƣixliƣan ǝsirimni eytimǝn».

2 Insan baliliri iqidǝ sǝn ǝng güzǝldursǝn;

Lǝwliring xapaǝt bilǝn toldurulƣandur;

Xunga Huda sanga mǝnggügǝ rǝⱨmǝt ⱪildi.

3 I büyük bolƣuqi,

Ⱪiliqingni asⱪin yeningƣa,

Ⱨǝywiting wǝ xanu-xǝwkiting bilǝn!

4 Ⱨǝⱪiⱪǝt, kǝmtǝrlik ⱨǝm adalǝtni alƣa sürüxkǝ atlanƣiningda,

Xanu-xǝwkǝt iqidǝ ƣǝlibǝ bilǝn alƣa bas!

Xuning bilǝn ong ⱪolung ɵzünggǝ karamǝt ⱪorⱪunqluⱪ ixlarni kɵrsitidu!■Zǝk. 9:9

5 Sening oⱪliring ɵtkürdur,

Ular padixaⱨning düxmǝnlirining yürikigǝ sanjilidu;

Pütün ǝllǝr ayiƣingƣa yiⱪitilidu.

6 Sening tǝhting, i Huda, ǝbǝdil’ǝbǝdliktur;

Padixaⱨliⱪingdiki Xaⱨanǝ ⱨasang, adalǝtning ⱨasisidur.□«Sening tǝhting, i Huda, ǝbǝdil’ǝbǝdliktur» — Injildiki «ibraniylarƣa» degǝn ⱪisimda (1-babta) kɵrsǝtkǝndǝk, bu sɵzlǝr (xundaⱪla keyinki 7-ayǝtkiqǝ) bexarǝtlik süpǝttǝ padixaⱨning ɵzigǝ (yǝni Mǝsiⱨkǝ) eytilidu («Ibr.» 1:8-9).  ■Ibr. 1:8

7 Sǝn ⱨǝⱪⱪaniyliⱪni sɵyüp, rǝzillikkǝ nǝprǝtlinip kǝlgǝnsǝn;

Xunga Huda, yǝni sening Hudaying, seni ⱨǝmraⱨliringdin üstün ⱪilip xadliⱪ meyi bilǝn mǝsiⱨ ⱪildi.□«Xunga Huda ... seni ... xadliⱪ meyi bilǝn mǝsiⱨ ⱪildi» — «mǝsiⱨ ⱪilix» toƣruluⱪ 2-küydiki izaⱨatlarni ⱨǝm «Tǝbirlǝr»ni kɵrüng.  ■Yǝx. 61:1-2; Ros. 10:38

8 Sening kiyimliringdin murmǝkki, muǝttǝr wǝ darqin ⱨidi kelidu;

Pil qixi sarayliridiki sazǝndilǝrning tarliⱪ sazliri seni hursǝn ⱪilidu. ■Yǝx. 61:1-2; Ros. 10:38

9 Padixaⱨlarning mǝlikiliri ⱨɵrmǝtlik kenizǝkliringning ⱪatarididur;

Hanixing Ofirdiki sap altun zibu-zinǝtlǝrni taⱪap ong ⱪolungda turidu;□«ⱨɵrmǝtlik kenizǝkliringning ⱪatarididur» — yaki «mɵⱨtǝrrǝm meⱨmanliringning ⱪatarididur».

10 «Angliƣin, i ⱪizim, kɵrgin, sɵzlirimgǝ ⱪulaⱪ salƣin;

Ɵz ⱪǝbilǝng wǝ ata jǝmǝtingni untup ⱪal!

11 Xuning bilǝn padixaⱨ güzǝl jamalingƣa mǝptun bolidu;

U sening hojang, sǝn uningƣa sǝjdǝ ⱪil».

12 Tur xǝⱨirining ⱪizi aldingda sowƣa bilǝn ⱨazir bolidu;

Halayiⱪ arisidiki baylar sening xapaitingni kütidu;□«Tur xǝⱨirining ⱪizi» — Tur xǝⱨiridiki puⱪralarni kɵrsitixi mumkin.  ■Zǝb. 72:10-11

13 Xaⱨanǝ ⱪizning iqki dunyasi pütünlǝy parlaⱪtur,

Uning kiyimlirimu zǝr bilǝn kǝxtilǝngǝn;□«Xaⱨanǝ ⱪizning iqki dunyasi pütünlǝy parlaⱪtur» — baxⱪa birhil tǝrjimisi: «Padixaⱨning ⱪizi iqki ⱨujrida xǝrǝpliktur».

14 U kǝxtilik kiyimlǝr bilǝn padixaⱨning ⱨuzuriƣa kǝltürülidu;

Kǝynidin uningƣa ⱪoldax kenizǝklǝrmu billǝ yeningƣa elip kelinidu;□«Kǝynidin uningƣa ⱪoldax kenizǝklǝrmu billǝ yeningƣa elip kelinidu» — «yeningƣa» toy ⱪiliwatⱪan padixaⱨning yenini kɵrsǝtsǝ kerǝk.

15 Ular huxal-huram, xadliⱪ iqidǝ baxlap kelinidu;

Ular birliktǝ padixaⱨning ordisiƣa kirixidu.

16 «Ata-bowiliringning orniƣa oƣulliring qiⱪidu;

Sǝn ularni pütkül jaⱨanƣa ⱨakim ⱪilisǝn.□«Ata-bowiliringning orniƣa oƣulliring qiⱪidu; sǝn ularni pütkül jaⱨanƣa ⱨakim ⱪilisǝn...» — bu sɵzlǝr (16- ⱨǝm 17-ayǝt) padixaⱨⱪa biwasitǝ eytilidu.

17 Mǝn sening namingni ǝwladdin-ǝwladⱪa yad ǝtküzimǝn;

Xunglaxⱪa barliⱪ ⱪowmlar seni ǝbǝdil’ǝbǝdgiqǝ mǝdⱨiyilǝydu».