1 Dawut ɵz oƣli Abxalomdin ⱪeqip yürgǝn künlǝrdǝ yazƣan küy: —

I Pǝrwǝrdigar, meni ⱪistawatⱪanlar nǝⱪǝdǝr kɵpiyip kǝtkǝn,

Mǝn bilǝn ⱪarxilixiwatⱪanlar nemidegǝn kɵp!□«Dawut ɵz oƣli Abxalomdin ⱪeqip yürgǝn künlǝrdǝ...» — muxu wǝⱪǝ, «2Sam.» 15-18-babta hatirilǝngǝn.  [b]

2 Nurƣunlar mǝn toƣruluⱪ: —

«Hudadin uningƣa ⱨeq nijat yoⱪtur!» deyixiwatidu.

Selaⱨ!□«Hudadin uningƣa ⱨeq nijat yoⱪtur!» — demisǝkmu, «nijat» «(Hudadin kǝlgǝn) ⱪutⱪuzux» degǝnni bildüridu. «Selaⱨ» — muxu sɵz bǝlkim küy qalƣan waⱪtida muzikidiki bir «pauza»ni kɵrsitixi mumkin; xuning bilǝn uning: — «Tohta, oylan!» degǝn imasi boluxi mumkin.

3 Biraⱪ Sǝn, i Pǝrwǝrdigar, ǝtrapimdiki ⱪalⱪandursǝn;

Xan-xǝripim ⱨǝm beximni yɵligüqidursǝn!□«Xan-xǝripim ⱨǝm beximni yɵligüqidursǝn!» — «mening xan-xǝripim» degǝn ibarǝ ikki bisliⱪ sɵz bolup, bǝlkim: (1) Dawutning mǝdⱨiyisining temisi Huda Ɵzidur; (2) Hudaning Dawutning ɵz Hudasi bolƣanliⱪi, bu naⱨayiti pǝhirlik, xǝrǝplik ixtur, degǝn ikki mǝnini bildürüxi mumkin.

4 Awazim bilǝn mǝn Pǝrwǝrdigarƣa nida ⱪilimǝn,

U muⱪǝddǝs teƣidin ijabǝt beridu.

Selaⱨ.

5 Mǝn bolsam yattim, uhlidim;

Oyƣandim, qünki Pǝrwǝrdigar manga yar-yɵlǝk bolidu.[e]

6 Meni ⱪorxap sǝp tüzgǝn tümǝnligǝn adǝmlǝr bolsimu,

Mǝn ulardin ⱪorⱪmaymǝn![f]

7 I Pǝrwǝrdigar, ornungdin tur!

Meni ⱪutⱪuz, i Hudayim!

Mening barliⱪ düxmǝnlirimning tǝstikigǝ salƣaysǝn;

Rǝzillǝrning qixlirini qeⱪiwǝtkǝysǝn!

8 Nijatliⱪ bolsa Pǝrwǝrdigardindur;

Bǝrikiting Ɵz hǝlⱪingdǝ bolsun!

Selaⱨ![g]