1 Əllǝr nemixⱪa quⱪan salidu?

Nemǝ üqün hǝlⱪlǝr bikardin-bikar suyiⱪǝst oylaydu?□«Əllǝr nemixⱪa quⱪan salidu?» — Zǝburdiki küylǝrdǝ, «ǝllǝr» yaki «yat ǝllǝr» bolsa, Israil hǝlⱪidin baxⱪa ⱨǝrbir hǝlⱪ-millǝtni kɵrsitidu.  [b]

2 Dunyadiki padixaⱨlar sǝpkǝ tizilip,

Əmǝldarlar ⱪara niyǝt ǝylixip,

Pǝrwǝrdigar wǝ Uning Mǝsiⱨi bilǝn ⱪarxilixip: — □«Pǝrwǝrdigar wǝ Uning Mǝsiⱨi» — «Mǝsiⱨ» muxu yǝrdǝ, kona bir ɵrp-adǝtkǝ ⱪaritilƣan. Tǝwrattiki bǝlgilimidǝ, yengi padixaⱨ tiklinix murasimida bexiƣa puraⱪliⱪ zǝytun meyi ⱪuyulatti. Bu «mǝsiⱨ ⱪilix» («mǝsiⱨlǝx») dǝp atalƣan. «Yǝxaya» kitab, 61-babta «mǝsiⱨ ⱪilix» degǝn sɵz bolsa, kelidiƣan Ⱪutⱪuzƣuqining wujudiƣa may ǝmǝs, bǝlki Muⱪǝddǝs Roⱨ ⱪuyulidiƣanliⱪini kɵrsitidu. Muxu ayǝttimu ohxaxla, «Mǝsiⱨ» Muⱪǝddǝs Roⱨ bilǝn «mǝsiⱨ ⱪilinƣan adǝm»ni kɵrsitidu.

3 «Ularning qǝklimilirini qɵrüwetǝyli,

Ularning asarǝtlirini buzup taxlayli!» — deyixidu.□«Ularning qǝklimilirini qɵrüwetǝyli, Ularning asarǝtlirini buzup taxlayli!» — «Ular» «Huda wǝ Uning Mǝsiⱨi»ni kɵrsitidu.

4 Asmanda olturƣuqi külidu,

Rǝb ularni mazaⱪ ⱪilidu;

5 Ⱨǝm aqqiⱪida ularƣa sɵzlǝp,

Ⱪǝⱨri bilǝn ularni wǝⱨimigǝ selip: —

6 «Ɵzüm bolsam Zionda, yǝni muⱪǝddǝs teƣimda,

Ɵzüm mǝsiⱨ ⱪilƣan padixaⱨni tiklidim».□«Zion.., yǝni muⱪǝddǝs teƣim..» — «Zion teƣi» Yerusalem wǝ muⱪǝddǝs ibadǝthana bu taƣ üstigǝ ⱪurulƣan. «Zion» (yaki «Sion») ǝslidǝ «kɵrünǝrlik» degǝn mǝnidǝ. U Hudaning Ɵz hǝlⱪigǝ ⱨimayǝ bolƣanliⱪiƣa simwol ⱪilinidu. «Ɵzüm mǝsiⱨ ⱪilƣan padixaⱨni tiklidim» — yuⱪiridiki 2-ayǝttiki, «Mǝsiⱨ» toƣrisidiki izaⱨatni kɵrüng.

7 «Mǝn ǝrxtiki pǝrmanni jakarlaymǝnki,

Pǝrwǝrdigar manga: —

«Sǝn Mening oƣlum;

Ɵzüm seni bügünki kündǝ tuƣuldurdum;[f]

8 Mǝndin sora, Mǝn sanga miras boluxⱪa ǝllǝrni,

Tǝǝlluⱪung boluxⱪa yǝr yüzini qǝt-qǝtlirigiqǝ berimǝn;[g]

9 Sǝn tɵmür tayaⱪ bilǝn ularni bitqit ⱪiliwetisǝn;

Sapal qinini kukum-talⱪan ⱪilƣandǝk, sǝn ularni parǝ-parǝ ⱪiliwetisǝn» — dedi».□«Sǝn tɵmür tayaⱪ bilǝn ularni bitqit ⱪiliwetisǝn» — yaki: «Sǝn tɵmür tayaⱪ bilǝn ularni baxⱪurisǝn».  [i]

10 Əmdi, ⱨǝy padixaⱨlar, ǝⱪildar bolunglar!

Jaⱨandiki soraⱪqilar sawaⱪ elinglar;

11 Pǝrwǝrdigardin ⱪorⱪux bilǝn uning hizmitidǝ bolunglar;

Titrǝk iqidǝ huxallininglar!□«Titrǝk iqidǝ huxallininglar!» — baxⱪa birhil tǝrjimisi: «titrǝk iqidǝ yaxanglar!».

12 Oƣulning ƣǝzipining ⱪozƣalmasliⱪi üqün,

Uni sɵyünglar;

Qünki uning ƣǝzipi sǝlla ⱪaynisa,

Yolunglardila ⱨalak bolisilǝr;

Uningƣa tayanƣanlar nǝⱪǝdǝr bǝhtliktur!□«Uni (Oƣulni) sɵyünglar» — buning mǝnisi bǝlkim «Hudaning oƣli bilǝn ǝplixiwelinglar». «Qünki uning ƣǝzipi sǝlla ⱪaynisa...» — yǝnǝ birhil tǝrjimisi «Qünki uning ƣǝzipi tezla ⱪozƣilidu...».  [l]