1 Ⱨǝmdusana! Pǝrwǝrdigarning namini mǝdⱨiyilǝnglar,

Uni mǝdⱨiyilǝnglar, Pǝrwǝrdigarning ⱪulliri!

2 Uni mǝdⱨiyilǝnglar, Pǝrwǝrdigarning ɵyidǝ turƣanlar,

Hudayimizning ⱨoylilirida turƣanlar!

3 Yaⱨni mǝdⱨiyilǝnglar, qünki Pǝrwǝrdigar meⱨribandur;

Uning namiƣa küy eytinglar;

Qünki muxundaⱪ ⱪilix xerindur;

4 Qünki Yaⱨ Yaⱪupni Ɵziningki boluxⱪa,

Israilni Ɵz mirasi boluxⱪa talliwaldi.[a]

5 Qünki ɵzüm bilimǝnki, Pǝrwǝrdigar uluƣdur;

Rǝbbimiz barliⱪ ilaⱨlardin üstündur.□«Pǝrwǝrdigar... barliⱪ ilaⱨlardin üstündur» — bu ayǝt «ilaⱨlar»ning ⱨǝⱪiⱪiy mǝwjut ikǝnlikini etirap ⱪilmaydu, ǝlwǝttǝ. 95:3 wǝ izaⱨatini kɵrüng.

6 Pǝrwǝrdigar nemǝ ixni muwapiⱪ kɵrgǝn bolsa,

U asmanlarda,

Zeminda,

Dengizlarda ⱨǝm uning barliⱪ tǝgliridimu xuni ⱪilƣandur.

7 U yǝr qǝtliridin bulut-tumanlarni ɵrlitidu;

Yamƣurlarƣa qaⱪmaⱪlarni ⱨǝmraⱨ ⱪilidu;

Xamalni Ɵz hǝziniliridin qiⱪiridu.[c]

8 U Misirdiki tunji oƣullarni ⱨalak ⱪildi,

Insanlarning bolsun, ⱨaywanlarning bolsun ⱨǝmmini urup ⱨalak ⱪildi.[d]

9 U alamǝtlǝrni, mɵjizilǝrni aranglarƣa ǝwǝtti, i Misir;

Pirǝwn wǝ uning ⱨǝmmǝ ⱪulliri üstigǝ ǝwǝtti.[e]

10 U uluƣ ǝllǝrni uruwǝtti,

Ⱪudrǝtlik padixaⱨlarni ɵltürüwǝtti;[f]

11 Amoriylarning padixaⱨi Siⱨonni,

Baxanning padixaⱨi Ogni,

Ⱪanaandiki barliⱪ padixaⱨliⱪlarni uruwǝtti.

12 Ularning zeminini miras ⱪilip,

Ɵz hǝlⱪi Israilƣa miras boluxⱪa tǝⱪdim ⱪildi.[g]

13 Sening naming, Pǝrwǝrdigar, mǝnggügǝ,

Xɵⱨrǝt-hatirǝng dǝwrdin-dǝwrgiqidur.[h]

14 Qünki Pǝrwǝrdigar Ɵz hǝlⱪining dǝwasini soraydu;

Ɵz ⱪulliriƣa rǝⱨim ⱪilidu.[i]

15 Əllǝrning butliri bolsa pǝⱪǝtla kümüx-altundin ibarǝttur,

Ularni insanning ⱪolliri yasiƣandur, halas.[j]

16 Ularning aƣzi bar, biraⱪ sɵzlimǝydu;

Kɵzliri bar, biraⱪ kɵrmǝydu;

17 Ⱪulaⱪliri bar, biraⱪ anglimaydu,

Aƣzida ⱨeq nǝpǝs yoⱪtur.

18 Ularni yasiƣanlar ularƣa ohxap ⱪalidu,

Ularƣa tayanƣanlarmu xundaⱪtur.

19 Israil jǝmǝti, Pǝrwǝrdigarƣa tǝxǝkkür-mǝdⱨiyǝ ⱪayturunglar;

Ⱨarun jǝmǝti, Pǝrwǝrdigarƣa tǝxǝkkür-mǝdⱨiyǝ ⱪayturunglar;

20 Lawiy jǝmǝti, Pǝrwǝrdigarƣa tǝxǝkkür-mǝdⱨiyǝ ⱪayturunglar;

Pǝrwǝrdigardin ⱪorⱪidiƣanlar, Pǝrwǝrdigarƣa tǝxǝkkür-mǝdⱨiyǝ ⱪayturunglar!

21 Yerusalemda makanlaxⱪan Pǝrwǝrdigarƣa Ziondin tǝxǝkkür-mǝdⱨiyǝ eytilsun!

Ⱨǝmdusana!