1 «Yuⱪiriƣa qiⱪix nahxisi»

Qongⱪur yǝrlǝrdin Sanga pǝryad kɵtürimǝn, i Pǝrwǝrdigar;

2 I Rǝb, awazimni angliƣaysǝn;

Ⱪulaⱪliringni yelinix sadayimƣa salƣaysǝn;

3 Əgǝr Sǝn Yaⱨ, ⱪǝbiⱨliklǝrni sürüxtürüp sanisang,

Əmdi Rǝb, kim tik turalaydu? [a]

4 Biraⱪ Sǝndǝ mǝƣpirǝt-kǝqürüm bardur;

Xunga Sǝndin ǝyminixkǝ bolidu. [b]

5 Pǝrwǝrdigarni kütüwatimǝn;

Jenim kütüwatidu;

Uning sɵzigǝ ümid baƣlidim. [c]

6 Tün jesǝkqilirining sǝⱨǝrgǝ bolƣan tǝxnasidin artuⱪ,

Bǝrⱨǝⱪ, tün jesǝkqilirining sǝⱨǝrgǝ bolƣan tǝxnasidin artuⱪ,

Jenim Rǝbgǝ tǝxna bolup kütmǝktǝ. [d]

7 I Israil, Pǝrwǝrdigarƣa ümid baƣlanglar;

Qünki Pǝrwǝrdigarda ɵzgǝrmǝs muⱨǝbbǝt bardur;

Uningda zor nijatliⱪlarmu bar;

8 U Israilni barliⱪ ⱪǝbiⱨlikliridin bǝdǝl tɵlǝp ⱪutⱪuzidu.