1 Dawutning küy-nahxisi: —

Iradǝm qing, i Huda, iradǝm qing;

Mǝn mǝdⱨiyǝ nahxilirini eytip,

Bǝrⱨǝⱪ, Seni küylǝymǝn, pütün roⱨim bilǝn!□«Dawutning küy-nahxisi: —....» — oⱪurmǝnlǝr kɵrǝlǝyduki, bu küyning ayǝtliri 57-küydiki 7-11-ayǝtlǝr, 60-küydiki 5-12-ayǝtlǝrgǝ ohxap ketidu. Xunga bu ayǝtlǝrning izaⱨatliri muxu küygimu tǝwǝ, ǝlwǝttǝ. «... Seni küylǝymǝn, pütün roⱨim bilǝn!» — «roⱨim» muxu yǝrdǝ ibraniy tilidiki «mening xǝripim»ning tǝrjimisi.

2 I nǝƣmǝ-sazlirim, oyƣan!

Mǝn sǝⱨǝr ⱪuyaxinimu oyƣitimǝn!

3 Hǝlⱪ-millǝtlǝr arisida Seni uluƣlaymǝn, i Pǝrwǝrdigar;

Əllǝr arisida Seni küylǝymǝn!

4 Qünki ɵzgǝrmǝs muⱨǝbbiting ǝrxlǝrgǝ yǝtküdǝk uluƣtur;

Ⱨǝⱪiⱪiting bulutlarƣa taⱪaxti. [b]

5 I Huda, xan-xɵⱨriting ǝrxlǝrdin yuⱪiri uluƣlanƣay,

Xan-xǝriping yǝr yüzini ⱪapliƣay!

6 Ɵz sɵygǝnliringning nijatliⱪ tepixi üqün,

Ong ⱪolung bilǝn ⱪutⱪuzƣaysǝn,

Duayimni ijabǝt ⱪilƣaysǝn.

7 Huda Ɵz pak-muⱪǝddǝslikidǝ xundaⱪ degǝn: —

«Mǝn tǝntǝnǝ ⱪilimǝn,

Mǝn Xǝkǝm diyarini bɵlüp berimǝn,

Sukkot wadisini tǝⱪsim ⱪilixⱪa ɵlqǝymǝn.

8 Gilead Manga mǝnsuptur,

Manassǝⱨmu Manga mǝnsuptur;

Əfraim bolsa beximdiki dubulƣamdur,

Yǝⱨuda Mening ǝmr-pǝrman qiⱪarƣuqimdur;□«Əfraim bolsa beximdiki dubulƣamdur» — ibraniy tilida «Əfraim bolsa beximdiki ⱪoƣdiƣuqidur». «Yǝⱨuda Mening ǝmr-pǝrman qiⱪarƣuqimdur» — baxⱪa birhil tǝrjimisi «Yǝⱨuda Mening xaⱨanǝ ⱨasa mdur».

9 Moab Mening yuyunux jawurumdur;

Edomƣa qoruƣumni taxlaymǝn;

Mǝn Filistiyǝ üstidin tǝntǝnǝ ⱪilimǝn!».□«Moab Mening yuyunux jawurum» — bǝlkim Moabning Huda wǝ Uning hǝlⱪi üqün mǝynǝt hizmǝt ⱪilidiƣanliⱪini bildüridu. «Edomƣa qoruⱪumni taxlaymǝn» — ayaƣ kiyimni mǝlum yǝr üstigǝ taxlax axu yǝrgǝ igǝ bolƣanliⱪni bildürüxi mumkin; yaki bolmisa, Edomning ɵz Igisining ayaƣlirini elip yiƣixturidiƣan ⱪuldǝk ikǝnlikini kɵrsitiximu mumkin. «Filistiyǝ, Mening sǝwǝbimdin tǝntǝnǝ ⱪilinglar!» — Dawut padixaⱨning dǝwridǝ Filistiyǝ Dawutⱪa, xundaⱪla Hudaning ɵzigǝ boysunup, bǝhtlik ⱨayatⱪa igǝ bolƣan («2Sam.» 8:1ni, xundaⱪa «Yar.» 12:1-3nimy kɵrüng).

10 Kim Meni bu mustǝⱨkǝm xǝⱨǝrgǝ baxlap kirǝlisun?

Kim Meni Edomƣa elip baralisun?

11 I Huda, Sǝn bizni rasttinla qǝtkǝ ⱪaⱪtingmu?

Ⱪoxunlirimiz bilǝn billǝ jǝnggǝ qiⱪmamsǝn? [e]

12 Bizni zulumlardin ⱪutuluxⱪa yardǝmlǝxkǝysǝn,

Qünki insanning yardimi bikardur!

13 Huda arⱪiliⱪ biz qoⱪum baturluⱪ kɵrsitimiz;

Bizgǝ zulum ⱪilƣuqilarni qǝyligüqi dǝl U Ɵzidur!