1 Nemixⱪa, i Pǝrwǝrdigar, yiraⱪta turisǝn?

Nemixⱪa azabliⱪ künlǝrdǝ ɵzüngni yoxurisǝn?□«Nemixⱪa, i Pǝrwǝrdigar, yiraⱪta turisǝn? Nemixⱪa azabliⱪ künlǝrdǝ ɵzüngni yoxurisǝn?» — 10-küyning 9-küy bilǝn sirliⱪ alaⱪisi bar; 9-küy ⱨǝm 10-küydiki ayǝtlǝr ibraniy tilida alaⱨidǝ xǝkilgǝ igǝ. Ibraniy yeziⱪida 22 ⱨǝrp bar. Bu ikki küydiki taⱪ ayǝtlǝrning ⱨǝrbiri ibraniy elipbǝ tǝrtipigǝ asasǝn yengi ⱨǝrp bilǝn baxlinidu (mǝsilǝn, uyƣur tili bolsa, a-, ǝ-, b- ⱪatarliⱪ ⱨǝrplǝr bilǝn baxlanƣanƣa ohxax). 9-küy ⱨǝm 10-küyni bir-birigǝ baƣliƣanda, toluⱪ «elipbǝlik nusha» pǝyda bolidu. Keyin muxundaⱪ küyni «elipbǝ tǝrtipilik» küy dǝp ataymiz.

2 Rǝzil adǝmlǝr tǝkǝbburluⱪi bilǝn ajiz mɵminlǝrni tap basturup ⱪoƣlap yüridu;

Ular ɵzliri tapⱪan ⱨiylilǝr bilǝn ilinip, bablinidu.□«Ular ɵzliri tapⱪan ⱨiylilǝr bilǝn ilinip, bablinidu» — yaki «Ajizlar ularning ⱨiyliliri bilǝn ilinip ⱪalidu».  [c]

3 Qünki rǝzillǝr ɵz arzu-ⱨǝwǝsliri bilǝn mahtinidu;

Aq kɵzlǝr üqün bǝht tilǝydu;

Pǝrwǝrdigarni bolsa kɵzigǝ ilmaydu.□«Aq kɵzlǝr üqün bǝht tilǝydu; Pǝrwǝrdigarni bolsa kɵzigǝ ilmaydu» — yaki «Aq kɵzlǝr adǝmni tillap, Pǝrwǝrdigarni qǝtkǝ ⱪaⱪidu».

4 Ular qirayidin ⱨakawurluⱪ yaƣdurup,

Hudani izdimǝydu;

Ular barliⱪ hiyallirida: «Ⱨeqbir Huda yoⱪtur!» dǝydu.[e]

5 Ularning yolliri ⱨǝmixǝ rawan bolidu;

Sening ⱨɵkümliring ularning nǝziridin yiraⱪ wǝ üstün turidu;

Ularning rǝⱪibliri bolsa, ularƣa ⱪarap «tüfi!» dǝp mazaⱪ ⱪilidu.

6 Rǝzil adǝm kɵnglidǝ: «Mǝn ⱨeq tǝwrǝnmǝy turiwerimǝn!

Dǝwrdin-dǝwrgǝ ⱨeq muxǝⱪⱪǝtkǝ uqrimaymǝn» — dǝydu.

7 Uning aƣzi ⱪarƣax, aldamqiliⱪ ⱨǝm zulumƣa tolƣan;

Tili astida ǝskilik wǝ ⱪǝbiⱨlik yatidu.[f]

8 U mǝⱨǝllilǝrdǝ yoxurunqǝ marap olturidu;

U pinⱨan jaylarda gunaⱨsizlarni ɵltürüwetidu;

Kɵzliri yoⱪsullarni kɵzlǝydu;

9 U qatⱪalliⱪida yatⱪan xirdǝk yoxurunqǝ paylap yatidu;

U mɵminlǝrni tutuwelix üqün yoxurunqǝ marap yatidu;

Mɵminlǝrni tutuwelip, ularni ɵz toriƣa qüxüridu.

10 Yoⱪsullar ezilidu, pükülidu;

Dǝrdmǝnlǝr uning yawuzluⱪliri bilǝn yiⱪilidu.□«Dǝrdmǝnlǝr uning yawuzluⱪliri bilǝn yiⱪilidu» — «yawuzluⱪliri» bǝlkim kɵqmǝ mǝnidǝ bolup, xirning küqlük putlirini yaki qixlirini wǝ yaki owqilarning torlirini (9-ayǝt) kɵrsitixi mumkin.

11 U kɵnglidǝ: «Tǝngri buni untup ⱪaldi,

U yüzini yepiwelip, ⱪarimaydu;

Buni ⱨǝrgiz kɵrmǝydu» — dǝydu.□«U yüzini yepiwelip, ⱪarimaydu» —yaki «U yüzini yepip ⱪarimaydu» yaki «U yüzini yoxurup ⱪarimaydu»  [i]

12 Ornungdin turƣin, i Pǝrwǝrdigar;

I Tǝngrim, ⱪolungni kɵtürgin;

Ezilgǝn mɵminlǝrni untuma!

13 Rǝzil adǝm nemixⱪa Sǝn Hudani kɵzigǝ ilmaydu?

U kɵnglidǝ: «Huda buni sürüxtürmǝydu!» — dǝydu.

14 Sǝn buni kɵrgǝnsǝn;

Sǝn Ɵz ⱪolung bilǝn yamanliⱪ ⱨǝm zulumni ɵzlirigǝ ⱪayturux üqün,

Ɵzüng bularni kɵzlǝp yürisǝn;

Dǝrdmǝnlǝr ɵzlirini Sanga amanǝt ⱪilidu;

Qünki Sǝn yetim-yesirlǝrgǝ yar-yɵlǝk bolup kǝlgǝnsǝn;

15 Rǝzil, yaman adǝmning bilikini sunduruwǝtkǝysǝn;

Uning rǝzillikini birmubir sürüxtürüp, üzül-kesil yoⱪatⱪaysǝn.

16 Pǝrwǝrdigar ǝbǝdil’ǝbǝdgiqǝ padixaⱨdur;

Imansiz ǝllǝr bolsa Pǝrwǝrdigarning zeminidin yoⱪilar.□«Imansiz ǝllǝr bolsa Pǝrwǝrdigarning zeminidin yoⱪilar» — ibraniy tilida «ǝllǝr» muxu yǝrdǝ Hudaning yolini rǝt ⱪilidiƣan yat ǝllǝrni kɵrsitidu. «Pǝrwǝrdigarning zemini» — ibraniy tilida «uning zemini». Hudaning bu zemini bolsa, Israilƣa miras ⱪilƣan Ⱪanaan zemini (Pǝlǝstin)dur.  [k]

17-18 Pǝrwǝrdigar, Sǝn ajiz mɵminlǝrning armanlirini anglaysǝn;

Ularning dilini toⱪ ⱪilisǝn;

Yetim-yesirlar wǝ ezilgüqilǝr üqün adalǝtni yaⱪlap,

Yǝr yüzidiki insanlarning ajiz-mɵminlǝrgǝ ⱪaytidin wǝⱨimǝ salƣuqi bolmasliⱪi üqün,

Ⱪuliⱪingni ding tutisǝn.[l]