Zǝbur
1
Birinqi Bɵlüm •••• 1-küy •••• Itaǝtmǝn adǝmning bǝhti
1 Rǝzillǝrning gepi boyiqǝ mangmaydiƣan,
Gunaⱨkarlarning yolida turmaydiƣan,
Mǝshirǝ ⱪilƣuqining ornida olturmaydiƣan adǝm bǝht tapur! [a]
2 Uning hursǝnliki pǝⱪǝt Pǝrwǝrdigarning tǝwrat-ⱪanunididur;
U Pǝrwǝrdigarning ⱪanunini keqǝ-kündüz seƣinip oylaydu. ◼«U Pǝrwǝrdigarning ⱪanunini keqǝ-kündüz seƣinip oylaydu» — ibraniy tilida: «U Uning ⱪanunini keqǝ-kündüz seƣinip oylaydu». Əmǝliyǝttǝ bolsa bu zǝbur Mǝsiⱨni kɵrsitidu. Sǝwǝbi, Mǝsiⱨtin baxⱪa, kim «Pǝrwǝrdigarning ⱪanunini keqǝ-kündüz seƣinip oylaydu»?! Birdinbir undaⱪ mukǝmmǝl adǝm pǝⱪǝt Udur. Undaⱪ bolƣanda, «Uning ⱪanuni» Ɵziningkidur! [c]
3 U huddi eriⱪ boyiƣa tikilgǝn,
Ɵz pǝslidǝ mewisini beridiƣan,
Yopurmaⱪliri solaxmaydiƣan dǝrǝhtǝktur;
U nemila ⱪilsa ronaⱪ tapidu. ◼«U nemila ⱪilsa ronaⱪ tapidu» — bu yǝrdiki «u», Hudaning yolida mangidiƣan adǝmni kɵrsitidu. [e]
4 Rǝzil adǝmlǝr bolsa undaⱪ bolmas;
Ular huddi xamal uquruwǝtkǝn tozandǝktur. [f]
5 Xuning üqün rǝzillǝr soraⱪ künidǝ tik turalmaydu,
Gunaⱨkarlar ⱨǝⱪⱪaniylarning jamaitidǝ ⱨeq bexini kɵtürüp turalmaydu.
6 Qünki Pǝrwǝrdigar ⱨǝⱪⱪaniylarning yolini kɵngligǝ pükkǝn;
Rǝzillǝrning yoli bolsa yoⱪilidu.
- a Zǝb. 26:4-5; Pǝnd. 1:10, 15; 4:14, 15; 1Kor. 15:33; Əf. 5:11
- b «U Pǝrwǝrdigarning ⱪanunini keqǝ-kündüz seƣinip oylaydu» — ibraniy tilida: «U Uning ⱪanunini keqǝ-kündüz seƣinip oylaydu». Əmǝliyǝttǝ bolsa bu zǝbur Mǝsiⱨni kɵrsitidu. Sǝwǝbi, Mǝsiⱨtin baxⱪa, kim «Pǝrwǝrdigarning ⱪanunini keqǝ-kündüz seƣinip oylaydu»?! Birdinbir undaⱪ mukǝmmǝl adǝm pǝⱪǝt Udur. Undaⱪ bolƣanda, «Uning ⱪanuni» Ɵziningkidur!
- c Ⱪan. 6:6-9; 17:19; Yǝ. 1:8; Zǝb. 112:1; 119:1
- d «U nemila ⱪilsa ronaⱪ tapidu» — bu yǝrdiki «u», Hudaning yolida mangidiƣan adǝmni kɵrsitidu.
- e Yǝr. 17:8
- f Ayup 21:18; Zǝb. 35:5; Yǝx. 17:13; 29:5; Ⱨox. 13:3