5
Buzuⱪqiliⱪ-paⱨixiwazliⱪning aⱪiwiti balayi’apǝttur, sadiⱪliⱪning nǝtijisi bǝht-saadǝttur
1 I oƣlum, danaliⱪimƣa kɵngül ⱪoyƣin,
Idraklik sɵzlirimgǝ ⱪulaⱪ salƣin.
2 Xundaⱪ ⱪilƣiningda ixⱪa sǝzgürlük bilǝn ⱪaraydiƣan bolisǝn,
Lǝwliring pǝm-parasǝttin ayrilmaydu.
3 Qünki buzuⱪ hotunning aƣzidin ⱨǝsǝl tamidu,
Lǝwliri zǝytun yeƣidin siliⱪtur;[a]
4 Lekin uning aⱪiwiti kǝkridǝk aqqiⱪ,
Ikki bisliⱪ ⱪiliqtǝk ɵtkür.
5 Uning ⱪǝdǝmliri ɵlüm girdawiƣa elip baridu,
Tutⱪan yoli gɵrgǝ baxlaydu.□«gɵr» — ibraniy tilida «xeol», yǝni «tǝⱨtisara» deyilidu, u ɵlüklǝrning roⱨliri ⱪiyamǝt künini kütidiƣan yǝr. [c]
6 Ⱨayatliⱪ yolini ⱪilqǝ bilgüm yoⱪ dǝp,
Basⱪan ⱪǝdǝmliri turaⱪsiz bolidu,
Nǝgǝ baridiƣanliⱪini ⱨeq bilmǝydu.
7 Xunga, i oƣullirim, sɵzlirimni kɵngül ⱪoyup anglanglar,
Mening degǝnlirimdin qiⱪmanglar.
8 Undaⱪ hotundin yiraⱪ ⱪaq!
Ixiki aldiƣimu yeⱪin yolima!
9 Bolmisa, izzǝt-abruyungni baxⱪilarƣa tutⱪuzup ⱪoyisǝn,
Yaxliⱪ yilliringni rǝⱨimsizlǝrning ⱪoliƣa tapxurisǝn![d]
10 Yat adǝmlǝr bayliⱪliring bilǝn ɵzini tolduridu,
Japaliⱪ ǝjirliringning mewisi yaⱪa yurtluⱪning ɵyigǝ ɵtüp ketidu;
11 Əjilingdǝ nalǝ-pǝryad kɵtürginingdǝ,
Əzayi-bǝdining yǝm bolƣanda,
12 Xu qaƣda sǝn: — «Aⱨ, nǝsiⱨǝtlǝrdin nemanqǝ nǝprǝtlǝngǝndimǝn!
Kɵnglümdǝ tǝnbiⱨlǝrni nemanqǝ kǝmsitkǝndimǝn!
13 Nemixⱪa ustazlirimning sɵzini anglimiƣandimǝn?
Manga tǝrbiyǝ bǝrgǝnlǝrgǝ ⱪulaⱪ salmiƣandimǝn?
14 jǝmiyǝttimu, jamaǝt aldidimu ⱨǝrhil nomusⱪa ⱪalƣandǝk boldum!» — dǝp ⱪalisǝn.□«ⱨǝrhil nomusⱪa ⱪalƣandǝk boldum!» — yaki «pütünlǝy zawalliⱪⱪa qüxkǝndǝkmǝn!».
15 Ɵzüngning kɵlqikingdiki suni iqkin,
Ɵz buliⱪingdin eⱪiwatⱪan sudin ⱨuzurlan.□«Ɵzüngning kɵlqikingdiki su..., ɵz buliⱪingdin eⱪiwatⱪan sudin ⱨuzurlan» — xübⱨisizki, ɵzining ayalining muⱨǝbbitini kɵrsitidu.
16 Bulaⱪliring urƣup ⱨǝr yǝrgǝ tarⱪilip kǝtsǝ bolamdu?
Eriⱪliringdiki sular koqilarda eⱪip yürsǝ bolamdu?
17 Bular sangila has bolsun,
18 Buliⱪing bǝht-bǝrikǝtlik bolƣay!
Yaxliⱪingda alƣan hotunung bilǝn ⱨuzurlan.□«Buliⱪing bǝht-bǝrikǝtlik bolƣay!» — «buliⱪing» muxu ayǝttǝ «ɵz ayaling»ni kɵrsitidu. Ayǝtning ikkinqi ⱪismini kɵrüng.
19 U qixi keyiktǝk qirayliⱪ! Jǝrǝndǝk sɵyümlük!
Uning baƣridin ⱨǝmixǝ ⱪanaǝttǝ bolƣaysǝn,
Uning ⱪaynaⱪ muⱨǝbbitidin daim huxalliⱪⱪa patⱪaysǝn.□«Uning baƣridin...» — ibraniy tilida «Uning ǝmqǝkliridin...».
20 I oƣlum, nemixⱪa yat ayalƣa xǝyda bolisǝn?
Nemixⱪa yat hotunning ⱪoyniƣa ɵzüngni atisǝn?
21 Qünki insanning ⱨǝmmǝ ⱪilƣanliri Pǝrwǝrdigarning kɵz aldida axkaridur,
U uning ⱨǝmmǝ mangƣan yollirini taraziƣa selip turidu.[j]
22 Yaman adǝmning ɵz ⱪǝbiⱨlikliri ɵzini tuzaⱪⱪa qüxüridu,
U ɵz gunaⱨi bilǝn sirtmaⱪⱪa elinidu.
23 U yolyoruⱪtin mǝⱨrum bolƣanliⱪidin jenidin ayrilidu,
Qekidin axⱪan ⱨamaⱪǝtliki tüpǝylidin yoldin ezip ketidu.
- Pǝnd-nǝsiⱨǝtlǝr
- a
-
Pǝnd. 2:16; 6:24
- b «gɵr» — ibraniy tilida «xeol», yǝni «tǝⱨtisara» deyilidu, u ɵlüklǝrning roⱨliri ⱪiyamǝt künini kütidiƣan yǝr.
- c Pǝnd. 7:27
- d Pǝnd. 6:34,35
- e «ⱨǝrhil nomusⱪa ⱪalƣandǝk boldum!» — yaki «pütünlǝy zawalliⱪⱪa qüxkǝndǝkmǝn!».
- f «Ɵzüngning kɵlqikingdiki su..., ɵz buliⱪingdin eⱪiwatⱪan sudin ⱨuzurlan» — xübⱨisizki, ɵzining ayalining muⱨǝbbitini kɵrsitidu.
- g «Bulaⱪliring urƣup ⱨǝr yǝrgǝ tarⱪilip kǝtsǝ bolamdu? ... Bular sangila has bolsun, yat kixilǝrgǝ tǝgmisun!» — 16-17-ayǝtlǝr xübⱨisizki, kɵqmǝ mǝnidǝ. Bizningqǝ kɵqmǝ mǝnisi: «Ixⱪi muⱨǝbbǝtliringni yat ayalƣa bǝrmǝ, pǝⱪǝt ɵz jorangƣila beƣixla; bolmisa intayin nomus ix bolidu, rǝstǝ-koqilarda rǝswa bolisǝn» degǝndǝk bolsa kerǝk. Bǝzi alimlar muxu ayǝttiki «sular» balilarni kɵrsitidu, dǝp ⱪarap, mundaⱪ tǝrjimǝ ⱪilidu: — «Bulaⱪliring urƣup ⱨǝr yǝrgǝ tarⱪilip kǝtsun, eriⱪliringdiki sular koqilarda eⱪip yürsun (demǝk, «pǝrzǝntliring urƣuƣan bulaⱪlardǝk ⱨǝr yǝrgǝ tarⱪalsun!»); pǝⱪǝtla sangila has bolsun, yat ayaldin bolƣan bolmisun!».
- h «Buliⱪing bǝht-bǝrikǝtlik bolƣay!» — «buliⱪing» muxu ayǝttǝ «ɵz ayaling»ni kɵrsitidu. Ayǝtning ikkinqi ⱪismini kɵrüng.
- i «Uning baƣridin...» — ibraniy tilida «Uning ǝmqǝkliridin...».
- j 2Tar. 16:9; Ayup 31:4; 34:21; Pǝnd. 15:3; Yǝr. 16:17; 32:19