1 Tɵwǝndikilǝr, padixaⱨ Lǝmuǝlgǝ uning anisi arⱪiliⱪ wǝⱨiy bilǝn kǝlgǝn sɵzlǝrdur; anisi bu sɵzlǝrni uningƣa ɵgǝtkǝn: □«Padixaⱨ Lǝmuǝl» — bǝzi alimlar «Lǝmuǝl»ni Sulaymanning anisi Bat-Xeba uningƣa ⱪoyƣan lǝⱪǝm, dǝp ⱪaraydu. Israil üstidin ⱨɵküm sürgüqilǝr arisida «Lǝmuǝl» isimlik bir padixaⱨ bizgǝ namǝlum. «Lǝmuǝl» degǝnning mǝnisi: «Huda üqün». «wǝⱨiy bilǝn kǝlgǝn sɵzlǝr» — ǝgǝr bu bab Agurning (30:1) sɵzining dawami bolsa, undaⱪta «wǝⱨiy bilǝn kǝlgǝn sɵzlǝr» Pǝrwǝrdigarning Agurning «dil-roⱨiƣa yükligǝn sɵzliri»ni ng dawamini kɵrsitidu.

2 I oƣlum, i mening amriⱪim, ⱪǝsǝmlǝr bilǝn tiligǝn arzuluⱪum, mǝn sanga nemǝ dǝy?□«I mening amriⱪim» — ibraniy tilida «I baliyatⱪumning balisi!». «ⱪǝsǝmlǝr bilǝn tiligǝn arzuluⱪum!» — ibraniy tilida «I ⱪǝsǝmlirimning balisi!».

3 Küq-ⱪuwwitingni ayal-hotunlar tǝripigǝ sǝrp ⱪilmiƣin;

Yaki padixaⱨlarnimu wǝyran ⱪilidiƣan ixlarƣa berilgüqi bolma!□«ayal-hotunlar tǝripigǝ» — demǝk, jinsiy ⱨǝwǝslǝrgǝ.  [d]

4 I Lǝmuǝl, xarab iqix padixaⱨlarƣa layiⱪ ǝmǝs,

Əmirlǝrgimu ⱨaraⱪⱪa humar bolux yaraxmas.

5 Bolmisa ular xarab iqip, muⱪǝddǝs bǝlgilimilǝrni untup,

Bozǝk bǝndilǝrning ⱨǝⱪⱪini astin-üstün ⱪiliwetixi mumkin.

6 Küqlük ⱨaraⱪ ɵlgüsi kǝlgǝnlǝrgǝ, ⱨǝsrǝtkǝ qɵmgǝnlǝrgǝ berilsun!

7 Ular xarabni iqip, miskinlikini untup,

Ⱪaytidin dǝrd-ǝlimini esigǝ kǝltürmisun!□«Ular xarabni iqip, ... ⱪaytidin dǝrd-ǝlimini esigǝ kǝltürmisun!» — bu sɵzlǝr kinayilik, ⱨǝjwiy bolƣini bilǝn, mskinlǝrning xarab iqix sǝwǝbigimu ⱨesdaxliⱪ bildüridu. Lekin ayǝt ularning xundaⱪ ⱪilidiƣanliⱪini ⱨǝrgiz tǝstiⱪliƣan ǝmǝs. Kɵzdǝ tutulƣini ⱨɵkümdarlarning eƣir mǝs’uliyitidin ibarǝttur.

8 Ɵzliri üqün gǝp ⱪilalmaydiƣanlarƣa aƣzingni aqⱪin,

Ⱨalak bolay degǝnlǝrning dǝwasidǝ gǝp ⱪil.

9 Süküt ⱪilma, ular üqün lilla ⱨɵküm ⱪil,

Ezilgǝnlǝrning wǝ miskinlǝrning dǝrdigǝ dǝrman bol.[f]

10 |א| Pǝzilǝtlik ayalni kim tapalaydu?

Uning ⱪimmiti lǝǝl-yaⱪutlardinmu zor exip qüxidu.□«pǝzilǝtlik ayalni kim tapalaydu?...» — keyinki 22 ayǝt xeir bolup, ibraniy tilida alaⱨidǝ xǝkilgǝ igǝ. Ibraniy yeziⱪida 22 ⱨǝrp bar. Bu 22 ayǝtning ⱨǝrbiri ibraniy elipbǝ tǝrtipigǝ asasǝn baxlinidu (mǝsilǝn, uyƣur tili bolsa, a-, ǝ-, b- ⱪatarliⱪ ⱨǝrplǝr bilǝn baxlanƣanƣa ohxax).  [h]

11 |ב| Erining kɵngli uningƣa tayinip hatirjǝm turidu,

U bolƣaqⱪa erining alƣan oljisi kǝm ǝmǝstur!

12 |ג| U ɵmür boyi erigǝ wapadar bolup yahxiliⱪ ⱪilidu,

Uni ziyanƣa uqratmaydu.

13 |ד| U ⱪoy yungi wǝ kǝndir tepip,

Ɵz ⱪoli bilǝn jan dǝp ǝjir ⱪilidu.

14 |ה| U soda kemilirigǝ ohxax,

ailini beⱪixtiki ozuⱪ-tülüklǝrni yiraⱪ jaylardin toxuydu.

15 |ו| Tang yorumasta u ornidin turidu,

ailisidikilǝrgǝ yemǝklik tǝyyarlaydu,

Hizmǝtkar-dedǝklǝrgǝ nesiwisini tǝⱪsim ⱪilidu.□«... nesiwisini tǝⱪsim ⱪilidu» — yaki «... ixni tǝⱪsim ⱪilidu».

16 |ז| U bir parqǝ etizni ɵzi kɵrüp alidu;

Ⱪoli bilǝn yiƣⱪan daramǝttin u bir üzümzar bina ⱪilidu.

17 |ח| Ixⱪa ⱪarap u belini küq bilǝn baƣlar,

Bilǝklirini küqlǝndürǝr;

18 |ט| Ɵz ixining paydiliⱪliⱪiƣa kɵzi yetǝr,

Keqiqǝ qiriƣini ɵqürmǝy ix ⱪilar.

19 |י| U ⱪolliri bilǝn qaⱪni qɵrǝr,

Barmaⱪliri yip urquⱪini tutar.

20 |כ| Ajizlarƣa yardǝm ⱪolini uzitar;

Ⱨajǝtmǝnlǝrgǝ ⱪollirini sozar.

21 |ל| Ⱪar yaƣⱪanda u ailisi toƣruluⱪ ǝndixǝ ⱪilmaydu,

Ɵyidikilǝrning ⱨǝmmisigǝ ⱪizil kiyimlǝr kiydürülgǝn.

22 |מ| Kariwat yapⱪuqlirini ɵzi toⱪuydu;

Ɵzining kiyim-keqǝkliri kanap wǝ sɵsün rǝhttindur.

23 |נ| Erining xǝⱨǝr dǝrwazilirida abruyi bar;

Xu yǝrdǝ u yurttiki aⱪsaⱪallar ⱪataridin orun alidu.□«Erining xǝⱨǝr dǝrwazilirida abruyi bar» — kona ɵrp-adǝtlǝr boyiqǝ, yurttiki aⱪsaⱪallar xǝⱨǝr dǝrwazida yiƣin eqip sot ⱪilatti.

24 |ס| U nǝpis kanaptin kiyim-keqǝk tikip uni satidu;

Bǝlwaƣlarni tikip sodigǝrlǝrni tǝminlǝydu.

25 |ע| Kiyimi küq-ⱪudrǝt wǝ izzǝt-ⱨɵrmǝttur;

U kelǝqǝkkǝ ümid bilǝn külüp ⱪaraydu.

26 |פ| Aƣzini aqsila, dana sɵz ⱪilidu,

Tilida meⱨribanǝ nǝsiⱨǝtlǝr bar.

27 |צ| ailisidiki ixlardin daim hǝwǝr alidu,

Bikarƣa nan yemǝydu.

28 |ק| Pǝrzǝntliri ornidin turup uningƣa bǝht-bǝrikǝt tilǝydu;

Erimu mubarǝklǝp uni mahtap: —

29 |ר| «Pǝzilǝt bilǝn yaxiƣan ayallar kɵptur,

Biraⱪ sǝn ularning ⱨǝmmisidinmu exip qüxisǝn» — dǝydu.

30 |ש| Güzǝllik seⱨri aldamqidur,

Ⱨɵsn-jamalmu pǝⱪǝt bir kɵpük, halas,

Pǝⱪǝt Pǝrwǝrdigardin ⱪorⱪidiƣan ayalla mahtilidu!

31 |ת| U ɵz meⱨnitining mewiliridin bǝⱨrimǝn bolsun!

Əjirliri uni dǝrwazilarda ⱨɵrmǝt-xɵⱨrǝtkǝ erixtürsun!□«Əjirliri uni dǝrwazilarda ⱨɵrmǝt-xɵⱨrǝtkǝ erixtürsun!» — yuⱪiriⱪi izaⱨatta deyilgǝndǝk, xǝⱨǝr dǝrwaziliri aⱪsaⱪallar olturidiƣan orun bolup, jǝmiyǝtning ǝng yuⱪiri dǝrijisini bildüridu.

<- Pǝnd-nǝsiⱨǝtlǝr 30