1 Padixaⱨning kɵngli eriⱪlardiki sudǝk Pǝrwǝrdigarning ⱪolididur;

Pǝrwǝrdigar ⱪǝyǝrgǝ toƣrilisa, xu tǝrǝpkǝ mangidu.

2 Insan ɵzining ⱨǝmmǝ ⱪilƣan ixini toƣra dǝp bilǝr;

Lekin Pǝrwǝrdigar ⱪǝlbdiki niyǝtlǝrni taraziƣa selip tartip kɵrǝr.□«Ⱪǝlbdiki niyǝtlǝr» — ibraniy tilida «ⱪǝlblǝr» deyilidu.  [b]

3 Pǝrwǝrdigarning nǝziridǝ,

Ⱨǝⱪⱪaniyliⱪ bilǝn adalǝt yürgüzüx ⱪurbanliⱪ ⱪilixtin ǝwzǝldur.[c]

4 Tǝkǝbbur kɵzlǝr, mǝƣrur ⱪǝlb, yamanlarning qiriƣi — ⱨǝmmisi gunaⱨtur.□«yamanlarning qiriƣi» — muxu yǝrdǝ «qiraƣ» bǝlkim adǝmning roⱨini, yǝni adǝmning ǝng qongⱪur yerini kɵrsitidu (20:27-ayǝtni kɵrüng). Baxⱪa birhil tǝrjimisi «yamanlarning ⱨosuli»

5 Əstayidil kixilǝrning oyliri ularni pǝⱪǝt bayaxatliⱪⱪa yetǝklǝr;

Qeqilangƣularning oyliri bolsa, ularni pǝⱪǝt yoⱪsuzluⱪⱪila yetǝklǝr.[e]

6 Yaƣlima til bilǝn erixkǝn bayliⱪlar,

Ɵlümni izdǝp yürgǝnlǝr ⱪoƣlap yürgǝn bir tütünla, halas.[f]

7 Yamanlarning zalimliⱪi ɵzlirini qirmiwalar;

Qünki ular adalǝt yolida mengixni rǝt ⱪilƣan.

8 Jinayǝtkar mangidiƣan yol naⱨayiti ǝgridur;

Sap dil adǝmning ⱨǝrikiti tüptüzdur.

9 Soⱪuxⱪaⱪ hotun bilǝn azadǝ ɵydǝ billǝ turƣandin kɵrǝ,

Ɵgzining bir bulungida yalƣuz yetip ⱪopⱪan yahxi.□«Soⱪuxⱪaⱪ hotun bilǝn azadǝ ɵydǝ billǝ turƣandin kɵrǝ,...» — yaki «Soⱪuxⱪaⱪ hotun bilǝn azadǝ ɵydǝ olturƣandin kɵrǝ,...».  [h]

10 Yaman kixining kɵngli yamanliⱪⱪila ⱨerismǝndur;

U yeⱪiniƣimu xapaǝt kɵrsǝtmǝs.

11 Ⱨakawurning jazaƣa tartilixi, bilimsizgǝ ibrǝt bolar;

Dana kixi ⱪobul ⱪilƣan nǝsiⱨǝtlǝrdin tehimu kɵp bilim alar.□«Ⱨakawurning...» — yaki «Mǝshirǝ ⱪilƣuqining...».  [j]

12 Ⱨǝⱪⱪaniy Bolƣuqi yamanning ɵyini kɵzlǝr;

U ⱨaman yamanlarni yamanliⱪⱪa ⱪoyup yiⱪitar.□«Ⱨǝⱪⱪaniy bolƣuqi» — demisǝkmu «Ⱨǝⱪⱪaniy Bolƣuqi» Huda Ɵzidur.

13 Miskinlǝrning nalisiƣa ⱪuliⱪini yoputup kari bolmiƣuqi,

Ahiri ɵzi pǝryad kɵtürǝr,

Biraⱪ ⱨeqkim pǝrwa ⱪilmas.

14 Yoxurun sowƣat ƣǝzǝpni basar;

Yǝng iqidǝ berilgǝn para ⱪǝⱨr-ƣǝzǝpni pǝsǝytǝr.□«yǝng iqidǝ» — ibraniy tilida «baƣir iqidǝ». «Yoxurun sowƣat ƣǝzǝpni basar... ⱪǝⱨr-ƣǝzǝpni pǝsǝytǝr» — demisǝkmu, bu hil pǝnd-nǝsiⱨǝt bundaⱪ ixlarni tǝriplimǝydu, pǝⱪǝt omumiy ǝⱨwalni tǝswirlǝydu, halas.  [m]

15 Adalǝtni bǝja kǝltürüx ⱨǝⱪⱪaniylarning huxalliⱪidur,

Biraⱪ yamanliⱪ ⱪilƣuqilarƣa wǝⱨimidur.

16 Ⱨekmǝt yolidin ezip kǝtkǝn kixi,

Ərwaⱨlarning jamaiti iqidikilǝrdin bolup ⱪalar.□«Ərwaⱨlar» — ɵlüklǝrning roⱨlirini kɵrsitidu.

17 Tamaxaƣa berilgǝn kixi namrat ⱪalar;

Yaƣ qaynaxⱪa, xarab iqixkǝ amraⱪ beyimas.

18 Yaman adǝm ⱨǝⱪⱪaniy adǝm üqün gɵrü pulining ornida ⱪalar;

Ezilgǝn duruslarning orniƣa iplaslar ⱪalar.[o]

19 Soⱪuxⱪaⱪ wǝ terikkǝk ayal bilǝn ortaⱪ turƣandin,

Qɵl-bayawanda yalƣuz yaxiƣan yahxidur.[p]

20 Aⱪilanining ɵyidǝ bayliⱪ bar, zǝytun may bar;

Biraⱪ ǝhmǝⱪlǝr tapⱪinini utturluⱪ buzup-qaqar.

21 Ⱨǝⱪⱪaniyǝt, meⱨribanliⱪni izdigüqi adǝm,

Ⱨayat, ⱨǝⱪⱪaniyǝt wǝ izzǝt-ⱨɵrmǝtkǝ erixǝr.

22 Dana kixi küqlüklǝr xǝⱨirining sepiliƣa yamixar,

Ularning tayanqi bolƣan ⱪorƣinini ƣulitar.

23 Ɵz tiliƣa, aƣziƣa igǝ bolƣan kixi,

Jenini awariqiliklǝrdin saⱪlap ⱪalar.[q]

24 Qongqiliⱪ ⱪilƣanlar,

«Ⱨakawur», «ⱨali qong», «mazaⱪqi» atilar.

25 Ⱨurun kixi ɵz nǝpsidin ⱨalak bolar,

Qünki uning ⱪoli ixⱪa barmas;

26 Nǝpsi yaman bolup u kün boyi tǝmǝ ⱪilip yürǝr;

Biraⱪ ⱨǝⱪⱪaniy adǝm ⱨeqnemini ayimay sǝdiⱪǝ ⱪilar.[r]

27 Yaman adǝmning ⱪurbanliⱪi Pǝrwǝrdigarƣa yirginqliktur;

Rǝzil ƣǝrǝzdǝ ǝpkelingǝn bolsa tehimu xundaⱪtur![s]

28 Yalƣan guwaⱨliⱪ ⱪilƣuqi ⱨalak bolar;

Əyni ǝⱨwalni anglap sɵzligǝn kixining sɵzi ǝbǝdgiqǝ aⱪar.[t]

29 Yaman adǝm yüzini ⱪelin ⱪilar;

Durus kixi yolini oylap puhta basar.

30 Pǝrwǝrdigarƣa ⱪarxi turalaydiƣan ⱨeqⱪandaⱪ danaliⱪ, ǝⱪil-parasǝt yaki tǝdbir yoⱪtur.

31 Atlar jǝng küni üqün tǝyyar ⱪilinƣan bolsimu,

Biraⱪ ƣǝlibǝ-nijat pǝⱪǝt Pǝrwǝrdigardindur.[u]