1 Pǝzilǝtlik yolda mangƣan kǝmbǝƣǝl,

Ⱨiyligǝr sɵzlük ǝhmǝⱪtin yahxidur.[a]

2 Yǝnǝ, ƣǝyriti bar kixi bilimsiz bolsa bolmas;

Aldirangƣu yoldin qiⱪar.□«bolmas» — ibraniy tilida «yahxi ǝmǝs». «Aldirangƣu yoldin qiⱪar» — ibraniy tilida «Ayaƣlirini aldiratⱪuqi kixi hata ⱪǝdǝm basar».

3 Kixining ǝhmǝⱪliⱪi ɵz yolini astin-üstin ⱪiliwetǝr;

Xundaⱪ turuⱪluⱪ u kɵnglidǝ Pǝrwǝrdigardin rǝnjip aƣrinar.[c]

4 Bayliⱪ dostni kɵp ⱪilar;

Miskinlǝr bar dostidinmu ayrilip ⱪalar.[d]

5 Yalƣan guwaⱨliⱪ ⱪilƣan jazalanmay ⱪalmas;

Yalƣan eytⱪuqimu jazadin ⱪutulalmas.□«Yalƣan eytⱪuqi...» — ibraniy tilida «Yalƣan (sɵz) püwligüqi....»  [f]

6 Tola adǝm sehiydin iltipat kɵzlǝr;

Sowƣat berip turƣuqiƣa ⱨǝmmǝ kixi dosttur.□«Tola adǝm sehiydin iltipat kɵzlǝr...» — yaki «Tola adǝm ǝmirdin iltipat kɵzlǝr...».

7 Namratlaxⱪandin ⱪerindaxlirimu zerikǝr;

Uning dostliri tehimu yiraⱪ ⱪaqar;

Yalwurup ⱪoƣlisimu, ular tepilmas.[h]

8 Pǝm-parasǝtkǝ erixküqi ɵzigǝ kɵyünǝr;

Nurni saⱪliƣan kixining bǝhti bolar.

9 Yalƣan guwaⱨliⱪ ⱪilƣan jazalanmay ⱪalmas;

Yalƣan eytⱪuqimu ⱨalak bolar.□«Yalƣan eytⱪuqi...» — ibraniy tilida «Yalƣan (sɵz) püwligüqi...».

10 Ⱨǝxǝmǝtlik turmux ǝhmǝⱪⱪǝ yaraxmas;

Ⱪulning ǝmǝldarlar üstidin ⱨɵküm sürüxi tehimu ⱪamlaxmas.[j]

11 Danixmǝnlik igisini asanliⱪqǝ aqqiⱪlanmaydiƣan ⱪilar;

Hataliⱪni yoputup kǝqürüx uning xɵⱨritidur.

12 Padixaⱨning ƣǝzipi xirning ⱨuwlixiƣa ohxax dǝⱨxǝtlik bolar;

Uning xǝpⱪiti yumran ot-qɵpkǝ qüxkǝn xǝbnǝmdǝk xerindur.[k]

13 Əhmǝⱪ oƣul atisi üqün bala-ⱪazadur;

Uruxⱪaⱪ hotunning zarlaxliri tohtimay temip qüxkǝn tamqǝ-tamqǝ yeƣinƣa ohxaxtur.[l]

14 Ɵy bilǝn mal-mülük ata-bowilardin mirastur;

Biraⱪ pǝm-parasǝtlik hotun Pǝrwǝrdigarning iltipatidindur.[m]

15 Ⱨurunluⱪ kixini ƣǝplǝt uyⱪuƣa ƣǝrⱪ ⱪilar;

Bikar tǝlǝp aqarqiliⱪning dǝrdini tartar.[n]

16 Pǝrwǝrdigarning ǝmrigǝ ǝmǝl ⱪilƣan kixi ɵz jenini saⱪlar;

Ɵz yolliridin ⱨezi bolmiƣan kixi ɵlǝr.□«Ɵz yolliridin ⱨezi bolmiƣan kixi ɵlǝr» — yaki «Uning (demǝk, Pǝrwǝrdigarning) yollirini kǝmsitkǝn kixi ɵlǝr».  [p]

17 Kǝmbǝƣǝllǝrgǝ rǝⱨimdilliⱪ ⱪilƣan,

Pǝrwǝrdigarƣa ⱪǝrz bǝrgǝn bilǝn barawǝrdur;

Uning xǝpⱪitini Pǝrwǝrdigar ⱪayturar.

18 Pǝrzǝntingning tǝrbiyini ⱪobul ⱪilixiƣa ümidwar bolup,

Uni jazalap tǝrbiyǝ berip turƣin;

Lekin uni ɵlgüqǝ har bolsun degüqi bolma.□«Lekin uni ɵlgüqǝ har bolsun degüqi bolma» — baxⱪa birhil tǝrjimisi: «....biraⱪ uning yiƣa-zarliriƣa ⱪulaⱪ salma».  [r]

19 Ⱪǝⱨrlik kixi jaza tartar;

Uni ⱪutⱪuzmaⱪqi bolsang, ⱪayta-ⱪayta ⱪutⱪuzuxung kerǝk.

20 Nǝsiⱨǝtni angliƣin, tǝrbiyǝni ⱪobul ⱪilƣin,

Undaⱪ ⱪilƣanda keyinki künliringdǝ dana bolisǝn.

21 Kixining kɵnglidǝ nurƣun niyǝtlǝr bar;

Ahirida pǝⱪǝt Pǝrwǝrdigarning dalalǝt-ⱨidayitidin qiⱪⱪan ix aⱪar.[s]

22 Kixining yeⱪimliⱪi uning meⱨir-muⱨǝbbitidindur;

Miskin bolux yalƣanqiliⱪtin yahxidur.

23 Pǝrwǝrdigardin ǝyminix kixini ⱨayatⱪa erixtürǝr;

U kixi hatirjǝm, toⱪ yaxap, bala-ⱪaza qüxürülüxidin haliy bolar.[t]

24 Ⱨurun ⱪolini sunup ⱪaqiƣa tiⱪⱪini bilǝn,

Ƣizani aƣziƣa selixⱪimu ⱨurunluⱪ ⱪilar.[u]

25 Ⱨakawurƣa ⱪilinƣan tayaⱪ jazasi saddiƣa ⱪilinƣan ibrǝttur;

Yorutulƣan kixigǝ berilgǝn tǝnbiⱨ,

Uning bilimini tehimu ziyadǝ ⱪilar.[v]

26 Atisining melini buliƣan,

Anisini ɵyidin ⱨǝydǝp qiⱪarƣan,

Rǝswaliⱪ, iza-aⱨanǝt ⱪaldurƣuqi oƣuldur.

27 I oƣul, nǝsiⱨǝtkǝ ⱪuliⱪingni yupuruwalsang,

Əⱪilning tǝlimliridin yiraⱪlaxⱪiningdur.□«I oƣul, ... ǝⱪilning tǝlimliridin yiraⱪlaxⱪiningdur» — baxⱪa birhil tǝrjimisi: «I oƣlum, ǝⱪilning tǝlimliridin yiraⱪlaxturidiƣan sɵzlǝrni anglaxtin ɵzüngni tart!».

28 Pǝskǝx guwaⱨqi adalǝtni mazaⱪ ⱪilƣuqidur;

Yaman adǝmning aƣzi rǝzillikni yutar.□«Pǝskǝx guwaⱨqi» — ibraniy tilida: «Belialning (Iblisning) guwaⱨqisi».

29 Ⱨakawurlar üqün jazalar tǝyyardur,

Əhmǝⱪlǝrning dümbisigǝ uridiƣan ⱪamqa tǝyyardur.□«Ⱨakawurlar» — yaki «Mǝshirǝ ⱪilƣuqilar».