1 Mulayim jawab ƣǝzǝpni basar;

Ⱪopal sɵz aqqiⱪni ⱪozƣar.[a]

2 Aⱪilanilǝrning tili bilimni jari ⱪilar;

Əhmǝⱪning aƣzi ⱪuruⱪ gǝp tɵkǝr.[b]

3 Pǝrwǝrdigarning kɵzi ⱨǝr yǝrdǝ yürǝr;

Yahxi-yamanlarni kɵrüp turar.□«Yahxi-yamanlar...» — ibraniy tilida «yaman-yahxilar» degǝnlik bilǝn bildürülidu.  [d]

4 Xipa yǝtküzgüqi til huddi bir «ⱨayatliⱪ dǝrihi»dur;

Tili ǝgrilik kixining roⱨini sundurar.□«Xipa yǝtküzgüqi til» — yaki «meⱨriban til». «ⱨayatliⱪ dǝrihi» — 3:18-ayǝttiki izaⱨatni kɵrüng.  [f]

5 Əhmǝⱪ atisining tǝrbiyisigǝ pisǝnt ⱪilmas;

Lekin atisining tǝnbiⱨigǝ ⱪulaⱪ salƣan zerǝk bolar.

6 Ⱨǝⱪⱪaniyning ɵyidǝ gɵⱨǝrlǝr kɵptur;

Biraⱪ yamanning tapawiti ɵzigǝ awariqilik tapar.

7 Dananing lǝwliri bilim tarⱪitar;

Əhmǝⱪning kɵnglidin ⱨeq bilim qiⱪmas.

8 Yamanlarning ⱪurbanliⱪi Pǝrwǝrdigarƣa yirginqliktur;

Duruslarning duasi Uning hursǝnlikidur.[g]

9 Yamanlarning yoli Pǝrwǝrdigarƣa yirginqliktur;

Lekin ⱨǝⱪⱪaniyǝtni intilip izdigüqini U yahxi kɵrǝr.

10 Toƣra yoldin qiⱪⱪanlar azabliⱪ tǝrbiyini kɵrǝr;

Tǝnbiⱨgǝ ɵq bolƣuqi ɵlǝr.

11 Tǝⱨtisara wǝ ⱨalakǝt Pǝrwǝrdigarning kɵz aldida oquⱪ turƣan yǝrdǝ,

Insan kɵnglidiki oy-pikirni ⱪandaⱪmu Uningdin yoxuralisun?!□«Tǝⱨtisara» — ɵlgǝnlǝrning roⱨliri baridiƣan jayni kɵrsitidu.  [i]

12 Ⱨakawur tǝnbiⱨ bǝrgüqini yaⱪturmas;

U aⱪilanilǝrdin nǝsiⱨǝt elixⱪa barmas.□«Ⱨakawur» — yaki «mǝshirǝ ⱪilƣuqi».

13 Kɵngül xad bolsa, hux qiray bolar;

Dǝrd-ǝlǝm tartsa, roⱨi sunar.[k]

14 Yorutulƣan kɵngül bilimni izdǝr;

Əⱪilsizning aƣzi nadanliⱪni ozuⱪ ⱪilar.

15 Ezilgǝnlǝrning ⱨǝmmǝ künliri tǝstǝ ɵtǝr;

Biraⱪ xad kɵngül ⱨǝrkünini ⱨeyttǝk ɵtküzǝr.

16 Zor bayliⱪ bilǝn biaramliⱪ tapⱪandin,

Azƣa xükür ⱪilip, Pǝrwǝrdigardin ǝymǝngǝn ǝwzǝl.[l]

17 Nǝprǝt iqidǝ yegǝn bordaⱪ gɵxtǝ ⱪilinƣan katta ziyapǝttin,

Meⱨir-muⱨǝbbǝt iqidǝ yegǝn kɵktat ǝwzǝl.[m]

18 Terikkǝk kixi jedǝl qiⱪirar;

Eƣir-besiⱪ talax-tartixlarni tinqlandurar.[n]

19 Ⱨurunning yoli tikǝnlik ⱪaxadur,

Durus adǝmning yoli kɵtürülgǝn yoldǝk daƣdamdur.

20 Dana oƣul atisini xad ⱪilar;

Əⱪilsiz adǝm anisini kǝmsitǝr.[o]

21 Əⱪli yoⱪ kixi ǝhmǝⱪliⱪi bilǝn huxtur;

Yorutulƣan kixi yolini toƣrilap mangar.[p]

22 Mǝsliⱨǝtsiz ix ⱪilƣanda nixanlar ǝmǝlgǝ axmas;

Mǝsliⱨǝtqi kɵp bolƣanda muddialar ǝmǝlgǝ axurular.[q]

23 Kixigǝ jayida bǝrgǝn jawabidin hux bolar,

Dǝl waⱪtida ⱪilƣan sɵz nǝⱪǝdǝr yahxidur!

24 Ⱨayatliⱪ yoli ǝⱪilliⱪ kixini yuⱪiriƣa baxlayduki,

Uni qongⱪur tǝⱨtisaradin ⱪutⱪuzar.□«tǝⱨtisara» — ɵlgǝnlǝrning roⱨliri barƣan jayni kɵrsitidu.

25 Pǝrwǝrdigar tǝkǝbburning ɵyini yuluwetǝr;

Biraⱪ U tul hotunlarƣa pasillarni turƣuzar.[s]

26 Yamanlarning oy-pikri Pǝrwǝrdigarƣa yirginqliktur;

Biraⱪ sap dilning sɵzliri sɵyümlüktur.□«oy-pikri» — yaki «pilanliri».  [u]

27 Aq kɵz kixi ɵz ailisigǝ awariqilik kǝltürǝr;

Para elixⱪa nǝprǝtlǝngǝn kixi kün kɵrǝr.[v]

28 Ⱨǝⱪⱪaniy adǝm ⱪandaⱪ jawab berixtǝ ⱪayta-ⱪayta oylinar;

Yaman adǝmning aƣzidin xumluⱪ tɵkülǝr.

29 Pǝrwǝrdigar yaman adǝmdin yiraⱪtur;

Biraⱪ U ⱨǝⱪⱪaniyning duasini anglar.[w]

30 Hux kɵzlǝr kɵngülni xadlandurar;

Hux hǝwǝr ustihanlarƣa gɵx-may ⱪondurar.[x]

31 Ⱨayatliⱪⱪa elip baridiƣan tǝnbiⱨkǝ ⱪulaⱪ salƣan kixi danalarning ⱪataridin orun alar.

32 Tǝrbiyǝni rǝt ⱪilƣan ɵz jenini har ⱪilar;

Tǝnbiⱨgǝ ⱪulaⱪ salƣan yorutular.

33 Pǝrwǝrdigardin ⱪorⱪux adǝmgǝ danaliⱪ ɵgitǝr;

Awwal kǝmtǝrlik bolsa, andin xɵⱨrǝt kelǝr.[y]