1 Padixaⱨ Sulaymanning pǝnd-nǝsiⱨǝtliri: —

Dana oƣul atisini xad ⱪilar;

Əⱪilsiz oƣul anisini ⱪayƣu-ⱨǝsrǝtkǝ salar.[a]

2 Ⱨaram bayliⱪlarning ⱨeq paydisi bolmas;

Ⱨǝⱪⱪaniyǝt insanni ɵlümdin ⱪutuldurar.[b]

3 Pǝrwǝrdigar ⱨǝⱪⱪaniy adǝmning jenini aq ⱪoymas;

Lekin u ⱪǝbiⱨlǝrning nǝpsini boƣup ⱪoyar.

4 Ⱨurunluⱪ kixini gaday ⱪilar;

Ixqanliⱪ bolsa bayaxat ⱪilar.□«Ⱨurunluⱪ» — ibraniy tilida: «ⱪol boxluⱪi». «Ixqanliⱪ» — ibraniy tilida: «ǝstayidilliⱪning ⱪoli».  [d]

5 Yazda ⱨosulni yiƣiwalƣuqi — dana oƣuldur;

Lekin orma waⱪtida uhlap yatⱪuqi — hijalǝtkǝ ⱪalduridiƣan oƣuldur.

6 Bǝrikǝt ⱨǝⱪⱪaniy adǝmning bexiƣa qüxǝr;

Əmma zorawanliⱪ yamanlarning aƣziƣa urar.□«Əmma zorawanliⱪ yamanlarning aƣziƣa urar» — baxⱪa birhil tǝrjimisi: «Əmma yamanlarning aƣzi zorawanliⱪni yoxurar».

7 Ⱨǝⱪⱪaniy adǝmning yadikari mubarǝktur;

Yamanlarning nami bolsa, sesiⱪ ⱪalar.

8 Dana adǝm yolyoruⱪ-nǝsiⱨǝtlǝrni ⱪobul ⱪilar;

Kot-kot, nadan kixi ɵz ayiƣi bilǝn putlixar.[f]

9 Ƣubarsiz yürgǝn kixining yürüx-turuxi turaⱪliⱪtur,

Yollirini ǝgri ⱪilƣanning kiri ahiri axkarilinidu.

10 Kɵz ixaritini ⱪilip yüridiƣanlar adǝmni daƣda ⱪaldurar;

Kot-kot, nadan kixi ɵz ayiƣi bilǝn putlixar.

11 Ⱨǝⱪⱪaniy adǝmning aƣzi ⱨayatliⱪ buliⱪidur,

Əmma zorawanliⱪ yamanning aƣziƣa urar.□«ⱨayatliⱪ buliⱪi» — bǝlkim «Erǝn baƣqisi»diki «ⱨayatliⱪ beridiƣan dǝrǝh»kǝ ohxitilƣandur. «Əmma zorawanliⱪ yamanning aƣziƣa urar» — yaki «Əmma yamanning aƣzi zorawanliⱪni yoxurar».  [h]

12 Ɵqmǝnlik jedǝl ⱪozƣar;

Meⱨir-muⱨǝbbǝt ⱨǝmmǝ gunaⱨlarni yapar.[i]

13 Əⱪil-idraⱪlik adǝmning aƣzidin danaliⱪ tepilar;

Əⱪilsizning dümbisigǝ palaⱪ tegǝr.[j]

14 Dana adǝmlǝr bilimlǝrni ziyadǝ toplar;

Lekin ǝhmǝⱪning aƣzi uni ⱨalakǝtkǝ yeⱪinlaxturar.

15 Mal-dunyaliri goya mǝzmut xǝⱨǝrdǝk bayning kapalitidur;

Miskinni ⱨalak ⱪilidiƣan ix dǝl uning namratliⱪidur.

16 Ⱨǝⱪⱪaniylarning ǝjirliri janƣa jan ⱪoxar,

Ⱪǝbiⱨlǝrning ⱨosuli gunaⱨnila kɵpǝytixtur.□«...gunaⱨnila kɵpǝytixtur» — yaki «...gunaⱨini bekitǝr».

17 Nǝsiⱨǝtni anglap uni saⱪliƣuqi ⱨayatliⱪ yoliƣa mangar;

Tǝnbiⱨlǝrni rǝt ⱪilƣan kixi yoldin azƣanlardur.

18 Adawǝt saⱪliƣan kixi yalƣan sɵzlimǝy ⱪalmas;

Tɵⱨmǝt qapliƣanlar ǝhmǝⱪtur.□«Adawǝt saⱪliƣan kixi yalƣan sɵzlimǝy ⱪalmas» — ibraniy tilida: «Adawǝt saⱪliƣuqining lǝwliri yalƣan bolidu».

19 Gǝp kɵp bolup kǝtsǝ, gunaⱨtin haliy bolmas,

Lekin aƣziƣa igǝ bolƣan ǝⱪilliⱪtur.

20 Ⱨǝⱪⱪaniy adǝmning sɵzi huddi sap kümüx;

Yamanning oyliri tolimu ǝrzimǝstur.□«Ⱨǝⱪⱪaniy adǝmning sɵzi» — ibraniy tilida: «Ⱨǝⱪⱪaniy adǝmning tili». «Yamanning oyliri» — ibraniy tilida: «yamanning kɵngli».

21 Ⱨǝⱪⱪaniy adǝmning sɵzliri nurƣun kixini ⱪuwwǝtlǝr;

Əhmǝⱪlǝr ǝⱪli kǝmlikidin ɵlǝr.

22 Pǝrwǝrdigarning ata ⱪilƣan bǝrikiti adǝmni dɵlǝtmǝn ⱪilar;

U bǝrikitigǝ ⱨeqbir japa-muxǝⱪⱪǝt ⱪoxmas.

23 Əhmǝⱪ ⱪǝbiⱨlikni tamaxa dǝp bilǝr;

Əmma danaliⱪ yorutulƣan kixining hursǝnlikidur.□«yorutulƣan» — ibaraniy tilida «ixni, baxⱪa adǝmni obdan qüxinidiƣan» degǝn mǝnidǝ.  [o]

24 Yaman kixi nemidin ⱪorⱪsa xuningƣa uqrar;

Ⱨǝⱪⱪaniy adǝmning arzusi ǝmǝlgǝ axurular.

25 Yaman adǝm ⱪuyundǝk ɵtüp yoⱪar;

Lekin ⱨǝⱪⱪaniy adǝm mǝnggülük uldǝktur.

26 Adǝm aqqiⱪ su yutuwalƣandǝk,

Kɵzigǝ is-tütǝk kirip kǝtkǝndǝk,

Ⱨurun adǝmni ixⱪa ǝwǝtkǝnmu xundaⱪ bolar.□«Adǝm aqqiⱪ su yutuwalƣandǝk...» — ibraniy tilida: «Aqqiⱪ su qixlarƣa tǝgkǝndǝk...».

27 Pǝrwǝrdigardin ǝyminix ɵmürni uzun ⱪilar,

Yamanning ɵmri ⱪisⱪartilar.[q]

28 Ⱨǝⱪⱪaniy adǝmning ümidi hursǝnlik elip kelǝr;

Lekin rǝzilning kütkini yoⱪⱪa qiⱪar.[r]

29 Pǝrwǝrdigarning yoli durus yaxawatⱪanlarƣa baxpanaⱨdur;

Ⱪǝbiⱨlik ⱪilƣuqilarƣa bolsa ⱨalakǝttur.[s]

30 Ⱨǝⱪⱪaniylarning orni mustǝⱨkǝmdur;

Yamanlar zeminda uzun turmas.

31 Ⱨǝⱪⱪaniy adǝmning aƣzidin danaliⱪ qiⱪar;

Lekin xumluⱪ til kesip taxlinar.

32 Ⱨǝⱪⱪaniy adǝmning sɵzi kixigǝ mok huxyaⱪar;

Yaman adǝmning aƣzidin xumluⱪ qiⱪar.