1 Mening ⱨalimƣa way! Qünki mǝn huddi yazdiki mewilǝr yiƣilip,

Üzüm ⱨosulidin keyinki wasangdin keyin aq ⱪalƣan birsigǝ ohxaymǝn,

Yegüdǝk sapaⱪ yoⱪtur;

Jenim tǝxna bolƣan tunji ǝnjür yoⱪtur!

2 Ihlasmǝn kixi zemindin yoⱪap kǝtti,

Adǝmlǝr arisida durus birsimu yoⱪtur;

Ularning ⱨǝmmisi ⱪan tɵküxkǝ paylimaⱪta,

Ⱨǝrbiri ɵz ⱪerindixini tor bilǝn owlaydu.[a]

3 Rǝzillikni puhta ⱪilix üqün,

Ikki ⱪoli uningƣa tǝyyarlanƣan;

Əmir «inam»ni soraydu,

Soraⱪqimu xundaⱪ;

Mɵtiwǝr janab bolsa ɵz jenining nǝpsini axkara eytip beridu;

Ular jǝm bolup rǝzillikni toⱪuxmaⱪta.□«Mɵtiwǝr janab bolsa ɵz jenining nǝpsini axkara eytip beridu» — «mɵtiwǝr jabab» bǝlkim padixaⱨni wasitilik kɵrsitidu.  [c]

4 Ularning ǝng esili huddi jiƣandǝk,

Əng durusi bolsa, xohiliⱪ tosuⱪtin bǝttǝrdur.

Əmdi kɵzǝtqiliring ⱪorⱪup kütkǝn kün,

Yǝni Huda sanga yeⱪinlap jazalaydiƣan küni yetip kǝldi;

Ularning alaⱪzadǝ bolup ketidiƣan waⱪti ⱨazir kǝldi.□«Ularning ǝng esili huddi jiƣandǝk, ǝng durusi bolsa, xohiliⱪ tosuⱪtin bǝttǝrdur» — «ǝng esili» adalǝtni burmilimaydu, pǝⱪǝt uningƣa tosalƣu bolidu! «Huda sanga yeⱪinlap jazalaydiƣan küni...» — ibraniy tilida «sening yoⱪlinidiƣan kününg» deyilidu.

5 Ülpitinggǝ ixǝnmǝ,

Jan dostungƣa tayanma;

Aƣzingning ixikini ⱪuqiⱪingda yatⱪuqidin yepip yür.

6 Qünki oƣul atisiƣa biⱨɵrmǝtlik ⱪilidu,

Ⱪiz anisiƣa,

Kelin ⱪeyn anisiƣa ⱪarxi ⱪozƣilidu;

Kixining düxmǝnliri ɵz ɵyidiki adǝmliridin ibarǝt bolidu.[e]

7 Biraⱪ mǝn bolsam, Pǝrwǝrdigarƣa ⱪarap ümid baƣlaymǝn;

Nijatimni bǝrgüqi Hudani kütimǝn;

Mening Hudayim manga ⱪulaⱪ salidu.

8 Manga ⱪarap hux bolup kǝtmǝ, i düxminim;

Gǝrqǝ mǝn yiⱪilip kǝtsǝmmu, yǝnǝ ⱪopimǝn;

Ⱪarangƣuluⱪta oltursam, Pǝrwǝrdigar manga yoruⱪluⱪ bolidu.□«Manga ⱪarap hux bolup kǝtmǝ, i düxminim;...» — muxu yǝrdiki «düxminim» ⱨǝm 10-ayǝttiki «u» degǝnlǝr «ayalqǝ rod»ta kǝlgǝn bolƣaqⱪa, bexarǝt Yerusalemning Asuriyǝgǝ gǝp ⱪilƣanliⱪini, yaki bolmisa ahirⱪi zamandiki düxmini Babilƣa gǝp ⱪilidiƣanliⱪini kɵrsǝtsǝ kerǝk.

9 Mǝn Pǝrwǝrdigarning ƣǝzipigǝ qidap turimǝn —

Qünki mǝn Uning aldida gunaⱨ sadir ⱪildim —

U mening dǝwayimni sorap, mǝn üqün ⱨɵküm qiⱪirip yürgüzgüqǝ kütimǝn;

U meni yoruⱪluⱪⱪa qiⱪiridu;

Mǝn Uning ⱨǝⱪⱪaniyliⱪini kɵrimǝn.[g]

10 Wǝ mening düxminim buni kɵridu,

Xuning bilǝn manga: «Pǝrwǝrdigar Hudaying ⱪeni» degǝn ayalni xǝrmǝndilik basidu;

Mening kɵzüm uning mǝƣlubiyitini kɵridu;

U koqidiki patⱪaⱪtǝk dǝssǝp qǝylinidu.[h]

11 — Sening tam-sepilliring ⱪurulidiƣan künidǝ,

Xu künidǝ sanga bekitilgǝn pasiling yiraⱪlarƣa yɵtkilidu.

12 Xu künidǝ ular yeningƣa kelidu;

— Asuriyǝdin, Misir xǝⱨǝrliridin,

Misirdin Əfrat dǝryasiƣiqǝ, dengizdin dengizƣiqǝ wǝ taƣdin taƣƣiqǝ ular yeningƣa kelidu.

13 Biraⱪ yǝr yüzi bolsa ɵzining üstidǝ turuwatⱪanlar tüpǝylidin,

Yǝni ularning ⱪilmixlirining mewisi tüpǝylidin harabǝ bolidu. [i]

14 — Ɵz hǝlⱪingni, yǝni ormanda, Karmǝl otturisida yalƣuz turuwatⱪan Ɵz mirasing bolƣan padini,

Tayaⱪ-ⱨasang bilǝn ozuⱪlandurƣaysǝn;

Ⱪǝdimki künlǝrdikidǝk,

Ular Baxan ⱨǝm Gilead qimǝnzarlirida ⱪaytidin ozuⱪlansun!□«... ormanda, Karmǝl otturisida yalƣuz turuwatⱪan ɵz mirasing bolƣan pada...» — «Karmǝl» bolsa Israilning ǝng baraⱪsan, ǝng esil ormanliⱪ rayoni.  [k]

15 — Sǝn Misir zeminidin qiⱪⱪan künlǝrdǝ bolƣandǝk,

Mǝn ularƣa karamǝt ixlarni kɵrsitip berimǝn.[l]

16 Əllǝr buni kɵrüp barliⱪ ⱨǝywisidin hijil bolidu;

Ⱪolini aƣzi üstigǝ yapidu,

Ⱪulaⱪliri gas bolidu;

17 Ular yilandǝk topa-qangni yalaydu;

Yǝr yüzidiki ɵmiligüqilǝrdǝk ɵz tɵxükliridin titrigǝn peti qiⱪidu;

Ular ⱪorⱪup Pǝrwǝrdigar Hudayimizning yeniƣa kelidu,

Wǝ sening tüpǝylingdinmu ⱪorⱪidu.[m]

18 Ⱪǝbiⱨlikni kǝqüridiƣan,

Ɵz mirasi bolƣanlarning ⱪaldisining itaǝtsizlikidin ɵtidiƣan Tǝngridursǝn,

U aqqiⱪini mǝnggügǝ saⱪlawǝrmǝydu,

Qünki U meⱨir-muⱨǝbbǝtni huxalliⱪ dǝp bilidu.

Kim sanga tǝngdax ilaⱨdur?□«Kim Sanga tǝngdax Ilaⱨdur?» — «Mikaⱨ» degǝn isim, ibraniy tilida «kim Hudaƣa tǝngdax?» degǝn mǝnidǝ.  [o]

19 — U yǝnǝ bizgǝ ⱪarap iqini aƣritidu;

Ⱪǝbiⱨliklirimizni U dǝssǝp qǝylǝydu;

Sǝn ularning barliⱪ gunaⱨlirini dengiz tǝglirigǝ taxlaysǝn.

20 — Sǝn ⱪǝdimki künlǝrdin beri ata-bowilirimizƣa ⱪǝsǝm ⱪilƣan ⱨǝⱪiⱪǝt-sadaⱪǝtni Yaⱪupⱪa,

Ɵzgǝrmǝs muⱨǝbbǝtni Ibraⱨimƣa yǝtküzüp kɵrsitisǝn.

<- Mikaⱨ 6