1 Qünki mana, xu künlǝrdǝ, xu pǝyttǝ,

Mǝn Yǝⱨuda ⱨǝm Yerusalemni asarǝttin ⱪutuldurup, azadliⱪⱪa erixtürginimdǝ,

2 Mǝn barliⱪ ǝllǝrnimu yiƣip,

Ularni «Yǝⱨoxafat jilƣisi»ƣa qüxürimǝn;

Xuning bilǝn ularning hǝlⱪimni ǝllǝr arisiƣa tarⱪitiwǝtkǝnlikidin,

Zeminimni bɵlüp parqiliwǝtkǝnlikidin,

Ularni axu yǝrdǝ Mening mirasim, yǝni hǝlⱪim Israil tüpǝylidin soraⱪⱪa tartimǝn.□«Mǝn barliⱪ ǝllǝrnimu yiƣip,... xuning bilǝn ularning hǝlⱪimni ǝllǝr arisiƣa tarⱪitiwǝtkǝnlikidin, ... ularni... hǝlⱪim Israil tüpǝylidin soraⱪⱪa tartimǝn» — «ǝllǝr» bolsa yat ǝllǝr, Yǝⱨudiy ǝmǝslǝr. «Yǝⱨoxafat jilƣisi» — «Yǝⱨoxafat» — «Yaⱨ» (Pǝrwǝrdigar) sotlaydu» degǝn mǝnidǝ. U bǝlkim Yerusalem xǝⱨirining xǝrⱪi tǝripidiki «Kidron jilƣisi»ni kɵrsitidu (Yerusalem ⱨǝm «Zǝytun teƣi» arisida).

3 Uning üstigǝ ular Mening hǝlⱪimni doƣa tikip qǝk taxliƣan;

Bir yigitni bir paⱨixǝ ayalƣa almaxturƣan,

Bir ⱪizni «xarab iqimiz» dǝp xarab üqün almaxturƣan.

4 Ⱨǝy, Tur ⱨǝm Zidon, Filistiyǝning barliⱪ rayonliri, Mǝn silǝrni nemǝ ⱪiliptimǝn?

Silǝr Mǝndin ɵq almaⱪqimusilǝr?

(Biraⱪ Mǝndin ɵq alimiz desǝnglar, ɵqni tezla ɵz bexinglarƣa ⱪayturup berimǝn!)□«Ⱨǝy, Tur ⱨǝm Zidon,...» — «Tur» bolsa Liwandiki ǝng qong port ⱨǝm ⱪudrǝtlik xǝⱨǝr, Zidon uning ǝtrapidiki rayon.

5 Kümüxlirim, altunlirimni buliwalƣininglar tüpǝylidin,

Güzǝl gɵⱨǝrlirimni ɵz buthaniliringlarƣa aparƣininglar tüpǝylidin,

6 Yǝⱨuda baliliri ⱨǝm Yerusalemning balilirini ɵz qegrasidin yiraⱪ ⱪilmaⱪ üqün ularni Greklarƣa setiwetkininglar tüpǝylidin,

7 Mana, Mǝn ularni silǝr setiwǝtkǝn jayda ornidin turƣuzimǝn,

Ⱨǝmdǝ ⱪilƣininglarni ɵz bexinglarƣa ⱪayturimǝn.

8 Oƣul-ⱪizliringlarni Yǝⱨuda balilirining ⱪoliƣa setiwetimǝn,

Ular xularni yiraⱪtiki bir ǝlgǝ, yǝni Xabiyaliⱪlarƣa setiwetidu;

Qünki Pǝrwǝrdigar sɵz ⱪilƣan.□«Ular xularni yiraⱪtiki bir ǝlgǝ, yǝni Xabiyaliⱪlarƣa setiwetidu» — «Xabiyaliⱪlar» «Xeba» degǝn rayondikilǝr boluxi mumkin.

9 Xuni ǝllǝr arisida jakarlanglarki,

«Jǝnggǝ tǝyyarlininglar,

Palwanlarni ⱪozƣanglar,

Jǝngqilǝrning ⱨǝmmisi yeⱪinlaxsun,

Jǝnggǝ ⱨazir bolsun;

10 Sapan qixlirini ⱪiliq ⱪilip,

Orƣaⱪliringlarni nǝyzǝ ⱪilip soⱪuxunglar;

Ajiz adǝmmu: «Mǝn küqlük» desun;

11 Ətraptiki ⱨǝmmǝ ǝllǝr, tezdin kelinglar,

Ⱨǝmminglar xu yǝrgǝ jǝm bolunglar!».

«Ɵzüngning küqlükliringni axu yǝrgǝ qüxürgǝysǝn, aⱨ Pǝrwǝrdigar!»□«Ɵzüngning küqlükliringni axu yǝrgǝ qüxürgǝysǝn, aⱨ Pǝrwǝrdigar!» — bu sɵzlǝr 2:1-11diki wǝ «Yǝx.» 13:3-5diki sɵzlǝrgǝ munasiwǝtlik boluxi kerǝk. «Yǝx.» 13:3-5diki izaⱨatlarnimu kɵrüng.

12 «Əllǝr ⱪozƣilip «Yǝⱨoxafat jilƣisi»ƣa kǝlsun;

Qünki Mǝn xu yǝrdǝ olturup ǝtraptiki ⱨǝmmǝ ǝllǝrni soraⱪⱪa tartimǝn.

13 Orƣaⱪni selinglar,

Qünki ziraǝt pixti;

Kelinglar, qüxüp qǝylǝnglar,

Qünki xarab kɵlqǝkliri liⱪ tuxuⱪtur,

Idix-küplǝr tolup taxidu.

Qünki ularning rǝzilliki zordur»□«Orƣaⱪni selinglar, qünki ziraǝt pixti; kelinglar, qüxüp qǝylǝnglar, qünki xarab kɵlqǝkliri liⱪ tuxuⱪtur... qünki ularning rǝzilliki zordur»» — muxu buyruⱪ bǝlkim Hudaning «küqlükliri», yǝni pǝrixtilǝrgǝ eytilidu («Wǝⱨ» 14:17-20ni kɵrüng).  ■Wǝⱨ. 14:15

14 Aⱨ, nurƣun, nurƣun kixilǝr «Ⱪarar jilƣisi»da!

Qünki Pǝrwǝrdigarning küni «Ⱪarar jilƣisi»ƣa yeⱪinlaxti.

15 Ⱪuyax ⱨǝm ay ⱪarangƣulixip ketidu,

Yultuzlar ɵz julasini ⱪayturuwalidu.■Yo. 2:10, 3:4, 15; Yǝx.13:10; 24:23; Am. 8:9; Mat. 24:29; Ros. 2:20; Wǝⱨ. 6:12-13

16 Pǝrwǝrdigar Ziondin ⱨɵrkirǝydu,

Yerusalemdin awazini ⱪoyuwetidu;

Asmanlar, zeminlar silkinidu;

Lekin Pǝrwǝrdigar Ɵz hǝlⱪigǝ baxpanaⱨ,

Israil baliliriƣa küq-ⱨimayǝ bolidu.

17 Xuning bilǝn silǝr Mǝnki Pǝrwǝrdigarning silǝrning Hudayinglar ikǝnlikimni,

Ɵz muⱪǝddǝs teƣim Zionda turidiƣanliⱪimni bilisilǝr;

Yerusalem pak-muⱪǝddǝs bolidu,

Uningdin ⱨeq yat adǝmlǝr yǝnǝ ɵtmǝydu.□«Uningdin ⱨeq yat adǝmlǝr yǝnǝ ɵtmǝydu» — degǝn sɵz bǝlkim: (1) ⱨeq tajawuzqi yǝnǝ Yerusalemni buzmaydu, wǝ (2) Yerusalemni bulƣƣudǝk ⱨeqⱪandaⱪ butpǝrǝs adǝm uningdin yǝnǝ ɵtmǝydu, degǝn ikki mǝnini kɵrsitixi mumkin.  ■Wǝⱨ. 21:27

18 Ⱨǝm xu küni ǝmǝlgǝ axuruliduki,

Taƣlar yengi xarabni temitidu,

Dɵng-egizliklǝrdin süt aⱪidu,

Yǝⱨudadiki barliⱪ eriⱪ-ɵstǝnglǝrdǝ liⱪ su aⱪidu;

Pǝrwǝrdigarning ɵyidin bir bulaⱪ qiⱪidu,

Xittim jilƣisini suƣiridu.□«...Xittim jilƣisini suƣiridu» — «Xittim jilƣisi» Yerusalemning xǝrⱪiy tǝripida bolup, suliri Iordan jilƣisiƣa qüxidu.  ■Am. 9:13

19 Misir bolsa bir qɵllük,

Edom adǝmzatsiz bir qɵl-bayawan bolidu,

Ularning Yǝⱨuda baliliriƣa ⱪilƣan zulum-zorawanliⱪi tüpǝylidin,

Ular bularning zeminida bigunaⱨ ⱪanlarni tɵkkǝnliki tüpǝylidin.

20 Biraⱪ Yǝⱨuda mǝnggügǝ turidu,

Yerusalem dǝwrdin-dǝwrgiqǝ ⱪalidu;

21 Ⱨǝm Mǝn ularni tɵkkǝn ⱪanlarning paklandurulmiƣan gunaⱨliridin paklandurimǝn;

Qünki Pǝrwǝrdigar Zionda makanlaxⱪandur.

<- Yo'el 2