1 Ⱪeni, iltija ⱪilip baⱪ, sanga jawab ⱪilƣuqi barmikin?

Muⱪǝddǝslǝrning ⱪaysisidin panaⱨ tilǝysǝn?□«Muⱪǝddǝslǝr» — muxu yǝrdǝ bǝlkim muⱪǝddǝs pǝrixtilǝrni kɵrsitidu.

2 Qünki ǝhmǝⱪning aqqiⱪi ɵzini ɵltüridu,

Ⱪǝⱨri nadanning jeniƣa zamin bolidu.□«Ⱪǝⱨri nadanning jeniƣa zamin bolidu» — yaki «Kɵrmǝsliki nadanning jeniƣa zamin bolidu».
Elifazning bu sɵzining mǝnisi: Ayupning aqqiⱪlinip, Hudaƣa ⱪaⱪxixi hǝtǝrlik ix; Huda uningƣa jawab kǝlmigǝn yǝrdǝ, Huda wǝ insanning ariliⱪida turidiƣan bir «kelixtürgüqi»dinmu yardǝm tilǝx pütünlǝy biⱨudǝ ix, degǝnlik boluxi mumkin.

3 Mǝn ɵz kɵzüm bilǝn ǝhmǝⱪning yiltiz tartⱪanliⱪini kɵrgǝnmǝn;

Lekin xu ⱨaman uning makanini «Lǝnǝtkǝ uqraydu!» dǝp bildim,□«Lekin xu ⱨaman uning makanini «lǝnǝtkǝ uqraydu!» dǝp bildim» — baxⱪa birhil tǝrjimisi: «Lekin mǝn dǝrⱨal uning makaniƣa lǝnǝt oⱪudum».

4 Uning baliliri amanliⱪtin yiraⱪtur;

Ular xǝⱨǝr dǝrwazisida sot ⱪilinƣanda basturuldi;

Ularƣa ⱨeqkim ⱨimayiqi bolmaydu.

5 Uning ⱨosulini aqlar yǝp tügitidu;

Ular ⱨǝtta tikǝn arisida ⱪalƣanlirinimu elip tügitidu;

Ⱪiltaⱪqimu uning mal-mülüklirini yutuwelixⱪa tǝyyar turidu.

6 Qünki awariqilik ǝzǝldin topidin ünüp qiⱪmaydu,

Külpǝtmu yǝrdin ɵsüp qiⱪⱪanmu ǝmǝs.

7 Biraⱪ uqⱪun yuⱪiriƣa uqidiƣandǝk,

Insan külpǝt tartixⱪa tuƣulƣandur.□«Insan külpǝt tartixⱪa tuƣulƣandur» — yaki «Insan japa tartixⱪimu tuƣulƣandur». Kirix sɵzimizdǝ eytⱪinimizdǝk, oⱪurmǝnlǝrning esidǝ bolsunki, Ayupning üq dostining bǝrgǝn pikirliridǝ heli kɵp hataliⱪ yǝrliri bar. Keyin Huda xu hata gǝpliri üqün ularni ǝyiblǝydu. 42:7-9ni kɵrüng.

8 Ornungda mǝn bolsam, Tǝngriƣila murajiǝt ⱪilattim,

Mǝn iximni Hudayimƣila tapxuriwetǝttim.

9 U ⱨesabsiz karamǝtlǝrni,

San-sanaⱪsiz mɵjizilǝrni yaritidu.■Ayup 9:10; Zǝb. 72:18; Rim. 11:33

10 U yǝrgǝ yamƣur tǝⱪdim ⱪilidu;

U dala üstigǝ su ǝwǝtip beridu.■Zǝb. 104:10

11 U pǝs orunda turidiƣanlarning mǝrtiwisini üstün ⱪilidu;

Matǝm tutⱪanlar amanliⱪⱪa kɵtürülidu.■1Sam. 2:7; Zǝb. 113:7, 8

12 U ⱨiyligǝrlǝrning niyǝtlirini bikar ⱪiliwetidu,

Nǝtijidǝ ular ixini püttürǝlmǝydu.□«U ⱨiyligǝrlǝrning niyǝtlirini bikar ⱪiliwetidu, nǝtijidǝ ular ixini püttürǝlmǝydu» — bu ayǝt Injilda («1Kor.» 1:19) rosul Pawlus tǝripidin nǝⱪil kǝltürülgǝn, xunga xübⱨisizki uni toƣra dǝp bilimiz.  ■Nǝⱨ. 4:9; Zǝb. 33:10; Yǝx. 8:10

13 U mǝkkarlarni ɵz ⱨiyligǝrlikidin tuzaⱪⱪa alidu;

Əgrilǝrning nǝyrǝngliri eⱪitip ketilidu.□«U mǝkkarlarni ɵz ⱨiyligǝrlikidin tuzaⱪⱪa alidu» — Elifazning bu jümlisimu Injilda («1Kor.» 3:19) rosul Pawlus tǝripidin nǝⱪil kǝltürülgǝn, xunga xübⱨisizki unimu toƣra dǝp bilimiz.  ■1Kor. 3:19

14 Kündüzdǝ ular ⱪarangƣuluⱪⱪa uqraydu;

Qüxtǝ tün keqidǝk silaxturup mangidu.■Ⱪan. 28:29

15 Biraⱪ u miskinlǝrni mǝkkarlarning ⱪiliqi wǝ aƣzidin ⱪutⱪuzidu,

Ularni küqlüklǝrning qanggilidin ⱪudrǝtlik ⱪoli bilǝn ⱪutⱪuzidu.

16 Xunga, ajizlar üqün ümid tuƣulidu,

Ⱪǝbiⱨlik aƣzini yumidu.■Zǝb. 107:42

17 Ⱪara, Tǝngri ibrǝt bǝrgǝn adǝm bǝhtliktur,

Xunga, Ⱨǝmmigǝ Ⱪadirning tǝrbiyisigǝ sǝl ⱪarima jumu!■Pǝnd. 3:11, 12; Ibr. 12:5; Yaⱪ. 1:12; Wǝⱨ. 3:19

18 Qünki U adǝmni yarilanduridu, andin yarini tangidu;

U sanjiydu, biraⱪ Uning ⱪolliri yǝnǝ saⱪaytidu.■Ⱪan. 32:39; 1Sam. 2:6; Ⱨox. 6:1

19 U seni altǝ ⱪiyinqiliⱪtin ⱪutⱪuzidu;

Ⱨǝtta yǝttǝ külpǝttǝ ⱨeqⱪandaⱪ yamanliⱪ sanga tǝgmǝydu.□«... altǝ ⱪiyinqiliⱪ... yǝttǝ külpǝttǝ ... » — bu «altǝ... yǝttǝ...» degǝn ibarǝ «ⱨǝrhil..., ⱨǝrⱪandaⱪ...» degǝnni bildüridu.  ■Zǝb. 91

20 Aqarqiliⱪta U sening ülüminggǝ,

Uruxta U sanga urulƣan ⱪiliq zǝrbisigǝ nijatkar bolidu.

21 Sǝn zǝⱨǝrlik tillarning zǝrbisidimu baxpanaⱨliⱪ iqigǝ yoxurunisǝn,

Wǝyranqiliⱪ kǝlgǝndǝ uningdin ⱨeq ⱪorⱪmaydiƣan bolisǝn.

22 Wǝyranqiliⱪ wǝ ⱪǝⱨǝtqilik aldida külüpla ⱪoyisǝn;

Yǝr yüzidiki ⱨaywanlardinmu ⱨeq ⱪorⱪmaysǝn.

23 Sǝn daladiki taxlar bilǝn ǝⱨdidax bolisǝn;

Yawayi ⱨaywanlarmu sǝn bilǝn inaⱪ ɵtidu.■Ⱨox. 2:20

24 Sǝn qediringning tinq-amanliⱪta bolidiƣanliⱪini bilip yetisǝn;

Mal-mülküngni editlisǝng, ⱨǝmmǝ nemǝngning tǝl ikǝnlikini bayⱪaysǝn.

25 Nǝsling kɵp bolidiƣanliⱪini,

Pǝrzǝntliringning ot-qɵptǝk kɵp ikǝnlikini bilisǝn.□«Nǝsling kɵp bolidiƣanliⱪini, pǝrzǝntliringning ot-qɵptǝk kɵp ikǝnlikini bilisǝn» — Elifaz Ayupning on balisidin ⱨǝm barliⱪ mal-mülkidin ayrilip ⱪalƣanliⱪini pütünlǝy esidin qiⱪirip ⱪoyƣandǝk ⱪilatti.

26 Sǝn ɵz waⱪtidila yetilip yiƣilƣan bir baƣ buƣdaydǝk,

Pǝⱪǝt waⱪit-saiting pixip yetilgǝndila yǝrlikinggǝ kirisǝn.

27 Biz ɵzimiz buni tǝkxürüp kɵrgǝnmiz — ular ⱨǝⱪiⱪǝtǝn xundaⱪtur.

Xunga ɵzüng anglap bil, bularni ɵzünggǝ tǝtbiⱪlap oylap baⱪ».